Тексты
Вернуться к списку | редактировать | удалить | Создать новый | История изменений | Статистика | ? Помощь
Kut kil’betin’ saavaba
Kut kil’betin’ saavaba
вепсский
Южновепсский
Kil’betin’
saavaba par’zišpää .
Tegoba kidugan , paneba katl’an kidugha .
Vedaba kivid’ pedeišpää , alhaks panleba sured kived , päle – mučuižid’ .
Seinaverhe paneba peskun , mišto lämoo ii saiži seinaverhe .
Oma i parovijad kil’betid' , parun andaba päčišpää , a mail’ kidugaspää .
Peneba päčin’ , päčhe tegeba truban .
Vezi lämbtab rat’k trubas .
Edoo nagol’ kidugad oliba .
Vuu palatid tegoba , vastoiše sigä .
Lavaa pezese .
Lämbitaba haagįil’ , kuni ii kehuškande vezi , vezi kehuškandeb i kived palpbstuba .
Mäned vastoimahaze , libud palatile , roid kidugale veden , tegese par , mitte sine tariž , mugooččen void nagon’da sigä .
Veden roiba kehuččen , a vilu vezi roida , ka , basiba , lib ugar , kibištaškandeb pän .
Kooz lämptab ka dikušši savu .
Avoo sid’ uks’ i truba i kaik sijad avoo .
A kooz dolämptab ka eskai proidib savu , eskai vendutaba kil’betin’ .
Pihkiba tuhun , lavad i narud i kaik sijad .
Kut kil’betin’ saavaba
вепсский
Южновепсский