Тексты
Вернуться к списку | редактировать | удалить | Создать новый | История изменений | Статистика | ? Помощь
Astun mä ehtkoečoo jogiberegamu
Astun mä ehtkoečoo jogiberegamu
вепсский
Южновепсский
Astun
mä ehtkoečoo jogiberegamu radoopää .
Nägen , toežoo bokaa seižub los’ , seižub i jokse ii .
Minee divo teg’he , ištuime ber’ogale i nägen hänem päle , min’ hän tegeškandeb .
A hän vähääžen seižuhti da päzui jog’he .
Jog’he päzui i jogespää minun ber’ogale libįi .
Libįi i astub minhupää .
Mine mit’t’e-se teg’he opak .
Minak hän radab-se ?
Ningošt’ mä igas i nählišek en čudod , mi tehta ?
Reskaažin klakun heinad i hänle oegezin’ vastha , iče suhu ičelein’ satoin’ i zavodin’ sedä .
Hän heinale vastha nenan ninga oegez’i da nühtab .
Sitku furskaedab da tagaečile käbälile hipnib , vernihe i mest päzui jog’he .
Jog’he päzui , joges setlestihe i libui toežele ber’ogale .
Mine duгakole vö vähä strastid , jäl’ghe vö näehtada .
Toežele ber’ogale libuin’ i hänle jäl’ghe mänin’ , imbärzin’ hänen i seižun hänoo kohtas .
Hän ku minum päle raziše , tol’ko hongan taga ehtin’ .
No nigut-se fatib minuspää .
Jäl’ges mä hänen del’ankas en ihted kerdad nählin .
Mä hänen imbärdan , a hän mindaa ii imbärda .
Mugoene oliškez’ los’ .
Nece oli härg , kahcan sarakod oli sarviš .
Astun mä ehtkoečoo jogiberegamu
вепсский
Южновепсский