Тексты
Вернуться к списку | редактировать | удалить | Создать новый | История изменений | Статистика | ? Помощь
Kuzminat
Kuzminat
карельский: людиковское наречие
Южнолюдиковский (святозерский)
– Oligo suuri
Kuzminan pereh ?
Kuzminaz ei olnu suuri pereh da ej olnu ni äijät nenit , eläjit .
Miikkulal ielnu ni ...
Kuzmin se vie minä starikangi muštan , trupkas kurii .
Üks oli se , Miikkulaks kirguttih , Kuzminam Miikkul .
Poige se Miikkul oli hänel i neč oli ...muid ni olnu ei .
Da siid oli toine tütär St’eppu sil Trupkinal nastojaššuoil Kuzminal; nečil iččedäh Trupkinakse kirguttih nu .
Ič oli se Trupkin nainu Riiselgäs , Luas’s’ouna oli , i Miikkulan poigan naitti tožo Riiselgäs , Osipouna oli .
I tüttären anduoi se Trupkin miehele , Niimägez oli , Niimägez oli miehel St’eppu .
I mouže enämbi ni olnu ei kaks oli hänel : tütär da poige .
– A miksebo häntte kučuttih Trupkinakse ?
Ka vot naverno trupkas kurii .
Da moin oli pitke starikke , da siid ainoz burlakuoičči muailmad müöti , ainoz burlakuoičči , ei olnu vous’o kodiz dani midä .
Daže pertingi ...muštan , oli n’el’seinäine pikkaraine pertiine .
Sigä tuli nečis Pid’mozeraz da entiä kuz ainos käveli , üheksin vuozin kodih ei kävünü .
Siit kačo tuli .
Da siit se Miikkul ...
Ükskai se hänen akke se Luas’s’ouna eli kodiz , Miikkulan da St’eppun kazvatti da kai .
A siit , kačo , se Miikkul vie kodi sroittih da kai , a siid miehele mäńd’ih .
Da tüttären miehele da poigad naidih da siit kai erottih da kai .
Nu a siid vuota ...
Vie heil perehüz oli ..sil oli Miikkulal , poige da tütär , kui tuatol oli Trupkinal vähä , mugai hänel oli tütär da poige .
Annikse kučui , Arhipovan Vas’an poigal An’n’ oli miehel .
A poige oli se Miikkulam Peša , nainn oli Rugaz Oguois .
Kaks oligi enämbi ni olnuni kedä ei .
Nu a St’eppu se loitokse ku mäni Niimägeh miehele ka .
Navern oli lapsit , ka minä niilüöid emmušta , kedä oli hänel sigä .
Kuzminat
карельский: людиковское наречие
Южнолюдиковский (святозерский)