Тексты
Вернуться к списку | редактировать | удалить | Создать новый | История изменений | Статистика | ? Помощь
Pešan Mišan pereh
Pešan Mišan pereh
карельский: людиковское наречие
Южнолюдиковский (святозерский)
– Nu
a Pešan Mišan pereh ?
A Pešam Mišan perehez oli tožo häi heid oli vel’l’este äi , starikan vie minä muštan , dai staruuham muštan .
Nu vel’l’este oli , kačo , Ontuoi , siid oli Miikkulaine , Puavil , Miitrii oli .
Siid oli Houri , üks tütär oligi heil , Houri .
Nel’l’ poigat , viideš tütär Huori , muid ni olnu ei heil .
Iče se oli Mišaine nainnu Mačis .
Mihaalouna oli akaine , tožo kirguttih pikkaraine Makalaine , ülen oli pikkaraine akaine .
Muštan mänet ...
Moine kodis kudottu d’upke piäl oli püštüterä .
Sen vedäldäu piäl da vai bahilkuois käveli , moižed d’algad .
Mänet toišči sigä ištumah libo dielod midä tüötäh vit’ küläh da taluoiz da taluoih ei olnu , magazinuoit ka pidi küzüdä ristitüižil .
Nu siit moine se piäl čuhnan se püštüteräh kudotun d’upkan panou piäle da siit kurtočke vai kävelöu , bahilkad d’algas .
Siit hänele ainos kirguttih Makalaine , Mišam Makalaine , sidä staruuhat .
Nu i kai ol’d’ih moižet pienet , ei suuret oldu poigad itütär se Hour’ oli ka kai pikkaraižed ol’d’ih .
Nu muid heil siid enämbini ked ei olnu .
A siiten , kačo , net d’o poigil’e vet’ pidäu naida da kai pereh .
Ensimäižikse nai Miikkulaine , naitettih , ende Ontuoit .
Oli nainu Čarniemes , Karpas , Anniksii kučuttih mučuoi , Karpouna ižän nimi .
Siit elettih zavodittih elädä , hänel d’o kačo muštan vie hänel oli Ignuoi rodiiheze poige , da siid d’o toižid rodiih .
Siid d’o nai Ontuoi .
Ontuoi oli nainu Priäžäs , Dimd’anouna D’el’akse kirguttih , D’iäm Mišan tütär oli , Dimd’anöunakse .
Nu heil laste ielnuni vous’oni kedä ni suadu ei da ni midä .
Siid zavodittih elädä da kai siiten vie kai ühtez eigo d’agettuheze eigo midä vie .
Siit Puavil nai .
– Vuota , Puavil nai ?
Nu Puavil nai .
K eig ole enämbi ?
Puavil nai Niimäges , vie kai kačo ühtez ned bohatan taluoid da kai butto ku , bohatat ka nu , Fal’uoim Miikkulaz oli nainnu .
Varvuoikse kučuttih , Mikolajouna , Fal’uoim Miikkulan tütär – Varvuoi .
Nu sii hüö d’o kačo elettih da perehed rodittih da kai ...da Karpounal oli ...
Vie oli , ende sidä vie Miitrii oli .
Nu siit kačo se Puavil nai da kai vie ühtez ol’d’ih si heil’ oli službas tuli Miitrii , nuorim poige .
Nu oli vie kačo siit Houri da kai .
Siit Puavil ku nai siid andettih Houri Priäžäh miehel’e , Lukan Il’l’le mäni miehele .
Andettih se ainuoi tütär da svuad’bo ravei pidettih da kai .
Nu a siid Miitrii se einainu , muga brihašči siid T’erent’ovan Annit käveli da kai entiä midä ei nainu .
A siit , kačo , rodiiheze , voine .
Afstriiskuoikse voinakse kirguttih , minä en sidä voi muštai , afstriiskuoi voine miituine voine , vuozid emvoi tožo muštai miittumad ol’d’ih afstriiskuoi voine .
Siid heid otettih voinale , Miitrii otettih d i Puavil otettih sinnä , sid hüö ei ni tuldu sinnä , heit tapettih .
Nu Puavilaz d’iäi kaks tütärtte : Paša da Oša d’iädih .
A Miitrii k ei männü ka ni kedä ni diänü ei .
Nu Ontuoil ni kedä olnu ei .
Kač siid d’o hüö ku se d’iäi häi da proidittih net kai voinan šamut siit hüö d’agettiheze , kai lähtedih eriže .
Miikkul osobi , Ontuoi osobi kodin sroii .
Nu a Puavilihke k oli leski d’iäi ka hüö ühtes sid Miikkulanker kodiz elettih popolam viisseinäine kodi , d’agettih da siid elettihgi .
Nu a siid Miikkulall oli pereh tožo tobd’e , poigad oli se , kačo , siit äi : enzimäižed Ignuoi , siid oli D’aša , siid oli Nast’a , siid oli Il’l’očka , siid oli Pol’a .
Siid d’o kačo hüö osobi da kai a siit , muga sih zavodittih d’o poigad naidih miehele mändih da .
Nast’a se mäni miehele siid d’o kouz hüö d’agettiheze tütär omas küläz oligi se Mikkulan tütär , Hutun D’akum Mišan oli .
Nu a muut kai siiten ...Paša se tožo , mani miehele Loginah , Puavilihkan tütär , a Oša muga oli hätk .
Oi , Mašarveh mäni Paša a , neče mäni Oša Loginan F’odoran poigale miehele .
Da siid muga kai siit eläškättihgi heile omat (taluod ) da kai .
Sit kačo d’o voinad da kai .
Pešan Mišan pereh
карельский: людиковское наречие
Южнолюдиковский (святозерский)
Семья Миши Пешан
русский
[