Тексты
Вернуться к списку | редактировать | удалить | Создать новый | История изменений | Статистика | ? Помощь
Lapšen vied’ih pahaččazet
Lapšen vied’ih pahaččazet
карельский: собственно карельское наречие
Толмачевский
- A
Jormo ken tämä ol’i ?
Hiän ol’i tytön poiga , lapši .
- T’iän kyläštä ?
Ei ole miän kyläštä .
Hiän pakkuomah toko kävel’i .
Hiän ol’i Kruasn’ičašta L’ihoslawl’an dorogalda .
Hiän meilä nogol’e stanuičči , jo ol’i hiän jo i vanha , vanhah šuat , nagol’e meilä toko yölöidä magual’i .
N’in ka toko jogo kerda kuin tul’i da i rubiew šanelomah omua da šes’tä kuin muamoh pikkarazena hänen prokl’an’i kaivon luona , kaivon luona hänen prokl’an’i da iče i läks’i kod’ih .
A lapšen ših i jät’t’i .
I läks’i da ei i kačahele jäl’l’es’t’i , što tulowgo jäl’l’es’t’i , Jormokši kučuttih .
Tul’i kod’ih , vuottaw , vuottaw , a Jormo že ei männyn kod’ih .
Fat’t’ieči , jo pimenöw , ewle hän’däh , män’i i n’imistä ei löwvä , ei ole .
Kunne män’i ?
Jo kaiken kylän proid’i , a händäh i löwdän ei .
Händäh ei löwdännyn , a hänen pahat i kopattih šez’iin’e .
Ka hiän toko i šanel’i , šanow , i rubiew šanelomah i it’kömäh i rubiew , n’in hänelläh i tol’i strašno il’i trogat’el’no , il’i midä ...
Ka jogo kerda toko it’ki šanuos’s’a nagol’e .
Mie toko äššen pidän , pikkarazet ol’ima , n’in awttima it’kie tože kuin hiän .I ves’ma ol’i sruas’t’i kuwnnella , ei što vain .
- I kuin hiän šano ?
I šanow : mama läks’i , šanow , män’i vain kod’ih , a , šanow , troikalla , mušta troika , šanow , muššat hebozet , šanow , yl’en hyvät ajetah .
Voskalla ajaw , šielä istuw voskašša , šanow , n’iin kuin ynnäh čigana , kehno , mušta , ynnäh mušta , šanow .
Ka miwn , šanow , i otti ka šežih , voskah issutti da i läks’i .
N’in kuin šanow , läks’i ajamah , n’iin kuin puwloin ladvoida myöt’en i ajaw , puwladvoida myöt’en ajaw .
Mie ka , šanow , issun hänenke ka šez’iin’e .
Da , a šidä , šanow , ajelemma jo šez’iin’e .
Ol’i jo i vielä , šanow , keräwdynnyn , nagol’e ker’iälöw lašta , ka n’iin že muoz’ie prokl’anaduloida .
Da i niin ka t’iijät missä meilä šyöt’et’t’ih hiät ?
Šyöt’et’t’ih suad’iboissa , missä ka suad’ibat , kuin luajitah suad’iban , ruvetah gotovie , varuštamah suad’iban , da šielä keittämäh , da varuštamah , paistamah , da bluasloven’n’atta ka pannah stolalla .
Ka šielä , šanow , myö kaikin , myö enžimäzet i olemma .
Mänemmä , šanow , šyömmä , šyömmä , min tahomma , kaikki šez’iin’e , i män’t’iä mi šielä , kehnuo vain i on stolat täwvet ed’izeh .
Täwvet stolat , šanow , šyömmä , šyömmä , šywväh , šywväh , jäl’l’ičekši , šanow , ka šielä šitutah n’iih ašteih , da šiidä , šanow , i läht’ietäh .
Ka n’iidä , šanow , i rahvaš i ruvetah miän jäl’geh šyömäh .
Oi , min mie , šanow , näimmä .
Kaikkie , kaikkie näimmä .
A šidä mamalla , ušto , šano , l’ien’i i žual’i .
I hänelläh midä nytten , šanow .
Kuin piäšt’iä , šanow , pidäw ?
I rahvaš n’euwvottih , šanow .
Pidäw piäšt’iä n’iin .
Ol’i meilä , šanow , kir’ikköh , šanow , andua , ei kolmeh vielä , a yhekšäh kir’ikköh obiedn’at .
A šen , šanow , šielä laškietah hänen , piäžöy pahoilla käz’is’tä .
I ka mama , šanow , i läks’i kir’ikköidä myöt’en , zakažimah obiedn’oida .
I šanow , ka kuin kaikki jo vipoln’i mama , kaikki , midä pid’i , ves’ma hyviin .
N’iin , t’iijät , šanow , kunne miwn pandih ?
Šanow , tuodih omah kyläh , oman kylän n’okkah .
A n’okašša oman kylän šielä toko peldoaittazet oldih .
Kolme peldoaittas’t’a kylän ver’ejin tagana .
Yhel’dä , šanow , peldoaitalda , šanow , uglan noššallettih , miwn , šanow , šinne töwkat’t’ih , viššattih , šanow , aittazella šiämeh .
Iče i läht’eih ajamah .
Mie , šanow , aittazen šiämeh i jäin , šanow , en piäže n’ikunne , lukun tagana ka šez’iin’e .
Ka mie , šanow , issun da it’en šez’iin’e .
Kunne miwla männä ?
Mie , šanow , kuin rubein šielä , it’en .
A aivin dorogan rannašša , šanow , aittazet .
Ka aštu , i kuwldih , što it’en mie šielä .
I ka mändih i mamalla šanottih .
Ei mamalla , a tällä izännällä , žen aittazen .
Šinne män’i avuaminke izän’dä , avai , šielä Jormo .
I män’dih Jormonkena muamolluoh .
Ka , šanow , na poigaš !Ota , šanow .
Ka !Ken l’enöw aittazeh pan’i .
A midä ken , ka hiän i vaštawvuttih muamoh , ken .
Ka muamoh i rubei tolkuimah kuin ...
Missä šie ol’iit , da midä sluččieči ?
Ka hiän i rubei šanelomah .
Lapšen vied’ih pahaččazet
карельский: собственно карельское наречие
Толмачевский
О пропаже ребенка
русский
-