Тексты
Вернуться к списку | редактировать | удалить | Создать новый | История изменений | Статистика | ? Помощь
Katkuamma l’ehešt’ä
Katkuamma l’ehešt’ä
карельский: собственно карельское наречие
Весьегонский
Konža
l’ehešt’ä katkuatta ?
Katkuamma Sroičan jäl’geh , a ka n’üt suamoi l’ehekšeh , meždu Petrovim , i Ivanovim dn’om , l’ehešt’ä tuwvah , jo ka n’üt tuwvaa l’ehešt’ä , n’üt’t’en aiga jo .A mie ol’iin , da vrod’e kuin viel’ä on ...vihmua ewle , kuin to ruvakkahat , l’ippiečet’äh , aivoin viel’ä n’in ewle hüvä , ewle hüvä l’eheš .
Kumbazešta koivušta parembi ottua ?
Kaikemmuos’t’a koivuo on , kaikenmuos’t’a otat , ühenmuos’t’a koivuo ewle , što vokurat ühenmuon’e .Ka on naz’ivajecca hüva l’eheš sičagovoi sičagovoi .N’in l’ehüöt ollah , vetkaz’et tuagieh tuagieh , l’ehet tuagieh , pehmiet , puuhaz’et .Nu možot bit’ kaikki kävel’e , kaikki meččä , n’in ühen možot l’öwvät muiz’en .N’in ka katatahi , vain ei l’ie šišok .A n’üt vai latteida i püwhit’äh vaššalla , kül’biet’ä ei .Iel’l’ä s’ičagovoilla kül’biet’t’ih , a n’üt aivin ollah močalkat n’in .Da i latetta ei püwhit’ä , n’üt latetta , ollah šotkat .
Äijiingo toko tuodih l’ehešt’ä ?
A per’eh šuur’i n’in i , ka müö ol’ima , üheššä kun ol’i meil’ä četirnaccet , n’in bol’še päis’ät’ par tuomm , bol’še päis’ät par pid’i šiduo .Kobran kobrissat , n’in kakši vaštua , puara , kammičča , kammičča , da .Šivotah , šivomma i r’iputamma , sarailla ka šin’n’e r’iputamma kaikki .Sarailla kaikki puuhuot , puuhuz’illa i r’iputamma , n’in ka , puuhutta müöt’en r’iputamma da i , kuivetah šiel’ .A konža kül’üh , n’iin vaššan i otat , per’eh šuur’i , lapšet buabo kül’vet’t’äw , pien’emmät .
Kaikki šubi hein’aigah šuaten , kaikki varuššettih , l’ehekšet , što hein’aiga l’ienöw .Kun n’iit’et’äh , ših pelvahat , šid’ä l’eikkuamin’e l’äht’öw .... Aigan’e vuoz’i on n’in n’iit’et’äh , aigan’e n’iin müöhemmä n’iit’et’äh .Iivanampäivän vihmat , T’iifinskoin vihmat , Iivanampäivän vihmat , Pedrun vihmat , ka , ei norovittu n’iit’t’iä tože , ana n’ämä vihmat proijitah .A ka t’änä vuona ew n’imit’üt’t’ä vihmua .Ka kun Il’l’ana on vihma , n’in iel’l’ä kun , ruaduiččiečetah , Il’l’ana vihma , n’in šügüžül’l’ä ei l’ie požuaruo .En’d’in’e rahvaš pr’imečal’i , što kun Il’l’ana vihma , n’in šügüžül’l’ä , aivin r’iihil’öidä kuivattii puidih n’in , što vähembi požuaruo .
Viel’ä šanotah kuiva Iivana ?
Om mon’i Iivanampäiviä , on äijä , ka on šügüžül’l’ä Iivanampäivä , zuagordah ei käwvä , Iivanalda piän l’eikattih .Ollah borosdat t’äwvet verda , Iivanampiänä .Šid’ä on Sviiz’en’i , Sviiz’en’jana meččäh ei käwd’ü , iel’l’ä , što Sviiz’en’jana meččäh kaikki män’n’äh mavot ii , na mesto .N’in ka min’n’a šanel’i , šanow Sviizen’jana aštu gos’t’ih , ka Iivanangorašta d’iäd’ö kunneto , i meččiä müöt’en .L’äks’i troppua müöt’en , kohti ka gos’t’ih , Sviiz’enjana , i puuttu , šanow , muiz’eh paikkah , äššen ol’i howkennun .Nu šen verda kaikenmuos’t’a t’äd’ä , z’vier’ie .Eižis’t’äh aštu , n’in proid’ie ei voi , kaikemmuoz’et mavot , a šiid’ä z’vier’ie , äššen pöl’l’äšt’ü , n’in howkken’i .Ka i šanotah : ”Sviiz’en’jana meččäh ei pie käwvä , kaikemmuon’e guada mä’n’äh muah , peit’t’iäčet’äh talvekši ”.
Meil’ä t’äd’ä pr’imiettua ewlun , a en’d’iz’et šiel’ä ukot , t’ämän kan’n’ikan loppietah , üökši möükküö ei alloteta , keššen šüömät’t’ä laškiečetah , möükküö alloteta ei .A l’eikatahe kan’n’ikaz’en , ken šanow : ”T’ämä viizaš viiblon’e ”, t’ämä ka hiitroi , n’in viizaš viibalon’e , a ken šanow : ”Pakkuujaz’in , pakkuujaz’ella kan’n’ikkua et anna , a t’ämän l’eikkuat kan’n’ikaz’en pois’ , a t’ämä on pakkuujaz’en viibalo ”.Ken mid’ä ker’gii s’e s’id’ä šano da i , buitto prauda .
Konža ei voinun mančikkua šüwvä ?
A man’čikkua ei šü...Il’l’an jäl’geh ei šüwvä man’čikkua što rubiete .Man’čikkua I’l’an jäl’geh šüöt , n’in rubiet n’ukkumah .A ka t’äd’ä Iivanampäiviä vaššen , ken ottaa spor’en’jua pellolda .N’üt’t’en , kaikki ühemmuon’e , a ka toko müö l’eikkuamah käimmä .I ka istuočow s’iiz’imalla , i pid’äw kolme pelduo proid’ie , s’iiz’imalla n’in šantah , män’öü , ei šua l’innulla n’iin l’end’iä , s’iiz’imalla .N’in ka on , Iivanampäivän aigah l’eikkuaw , n’in on šiid’ä kuivan kooruot i kuivan n’ämä ...Ka spor’enjan troppa , spor’en’jan troppa .A ken spor’enjua ottaw , n’iin buitto on üön kaiken peldaitta kahalleh , čokot ii kannetah l’eibiä peldaittah .T’ämä ottaw spor’en’jua , što hän’el’l’ä n’ikogda l’eibä ei loppieče .
Katkuamma l’ehešt’ä
карельский: собственно карельское наречие
Весьегонский