Тексты
Вернуться к списку | редактировать | удалить | Создать новый | История изменений | Статистика | ? Помощь
Hiil’ihawda i paja
Hiil’ihawda i paja
карельский: собственно карельское наречие
Весьегонский
Šano
, kuin toko en’n’ein hiil’ihawvašša hiil’d’ä poltettih ?
Poltettih hiil’ihawvašša kuin ?Ol’i luajittu ka n’el’l’äuglan’e muon’e sruban’e , kaikki ümbär’i mualla zaval’ittu , vot .Potom šin’n’e ol’i uus’an’e pikkaran’e , halguo pandii , potom t’ämän zapečuataidih , tulen šin’n’e laškiettih .Mualla šavella , vot , zapečatal’i , i šiel’ä paletah .
A viikon toko paletah ?
A mit’üš halgo , par’embin’i halgo kuivembi , n’in hiän , i t’er’iämmä palaw , i suutkissa hiän .I tois’piänä voit pajalla , pajan’iekalla ottua na d’elo händ’äh gornah .
Mit’t’ün’äzeštä hallošta l’iew parembi hiil’i ?
Kuužiz’ešta l’iew järiembi , a koivuzešta l’iew ägiembi , hienombi hiän .Pandii , ka ol’i značit sruuban’e ženžen korgehukkan’e , a uus’an’e luajittu s’iel’d’ä , s’iel’d’ä i pand’ih , potom t’ämän kiwgualawvalla zapečuataidih hän’en , što n’imis’t’ä vozduha ei ol’iis’ .
Šano pajah n’äh , pajašša mid’ä ruattih ?
Mid’ä ruattih ?Ol’i šiela gorna , ruattihe , kel’l’ä mid’ä pid’i , kem män’i hevos’t’a rawvottamah šügüžül’l’ä , keviäl’l’ä pluuganke , pluugua kohendamah .Kaikkie ruattih , n’üt’t’en od’oroida , rawvalla kolot’t’ie jogo paikka .Lunda panou , r’egil’öis’s’ä tože pid’äw n’ämä ...
Kuin toko hevos’t’a rawvotettih ?
Kuin ?Jallan noštaw da i ...rown’aidih , jes’l’i on viär’ä .Kolot’ittih vos’em štuk , ol’i i šes’ , üheššä randua on tr’i štuki i toizešša tr’i .T’ämä sügüžül’l’ä ka rod’iw konža jiät’ikkö , a kežäl’l’ä meil’ä ewlun häd’iä rawvottua heboz’ie .Hevos’t’a ei rawvottua nin vet l’ibie , kävel’l’ä heboz’ella , ka lähet ajamah , on , to on kolakka , to mid’ä i , to jiät’ikkö .Ka on šügüžül’l’ä , vet on i n’ütten , kaikkie šeženmuoz’ie dorogilla .On äijä i langetaa heboz’et , vain rawvottuan män’et jiät’iköl’l’ä , šorrat i jallan katkuaw hebon’e .Vot skol’ko ol’i muoz’ie , jalgoida katattih .Hüvä hebon’e nuor’i , jallan katkai , jiät’iköl’l’ä langei .N’in et vet händäh venüöl’l’eh jät’a , pid’äw šuattua ...
Šepäl’l’ä , pajan’iekalla mid’ä viel’ä ol’i ?
A ol’i šiel’ä t’ämä , kuin šiwla , meha , händä kačaičči , gornua puhu , hiil’i tämä palo , a rauda palavoidu .Kooža otti molotkan , kooža pihet , kun rubei šiel’d’ä rawdua šualdamah , n’in piht’il’öil’l’ä šai , rawdaz’et pihet .
Pluugah toko mid’ä luajittih pajašša ?
Pluugah luajittih , ka n’okka pid’i , šukšut luad’ie .
Luotin ?
Ewlun luotin , t’ämä ol’i ammuin luottimet , šiel’ä kooža jo adra ol’i , a n’üt oldih pluugat .Adrua tädä mie jo i muis’a en , vet , n’ämä adrat oldih , ammuin .A on adrašša alahana , ka šeženmuoz’et kiber’äzet , i ka kakši ka n’äid’ä , kun ka šen’äin šorkua .Nu a t’äššä kon’ešno poper’ečinaz’et , štobi händ’ä , t’ämä , šiduo ühteh .A t’iäl’ä rawdaz’et luottimet , a aizat ül’ähän’ä , ka šinne heboz’eh , peräwt’ät da i , i kün’n’et’t’ih adroilla .Mie to kon’ešno künd’iä n’üt en , a muajäi ...kartoškua okučaičiin , ol’i meil’ä viikon , ol’i meil’ä adra .
Nuaglua toko pajašša luajittih koissa ?
Luajittii muduanži , konža pid’i kun , ka šina kolot’t’ie il’i mid olgah luajittih .L’ibie , tože , r’egeh , tormozat oldih toko pandu .Vain što dorogua müöt’ ajat , tormozat , n’üt ollah da i iel’l’ä oldih , što kor’jašša što r’eješšä tormozat .
T’iän kül’äššä paja ol’i ?
Ol’i , karun’e ol’i , hiil’ihawda oma ol’i , polti hiän iče .N’üt ruvettih vain kolhozoissa kiwgaissa šammuttamaa da kollahtamah , pajan’iekka l’äks’i kollahtamah .A kun konša oldih pajat , n’in šilloin iče hüö poltettih hiil’d’ä , ei oššettu hiil’dä .
Hiil’ihawda i paja
карельский: собственно карельское наречие
Весьегонский