Тексты

Вернуться к списку | редактировать | удалить | История изменений | ? Помощь

Pert’is’s’ä ümbäri lawčat

Корпус: диалектные тексты

Дёржанский

Информант(ы): Туманова Анна Семёновна, 1901, Васильевское (Vas'il'eskoi), Зубцовский район, Тверская (Калининская) область
г. записи: 1967
записали: Пунжина Александра Васильевна

Источник: Образцы карельской речи. I. Говоры Республики Карелии, тихвинских и тверских карел, (1994), с. 263
ф/архив ИЯЛИ КарНЦ РАН: №852/6-9

Pert’is’s’ä ümbäri lawčat
(карельский: собственно карельское наречие)

Nu šano, Anna S’emjonovna, mid’ä ol’i pert’is’s’ä en’n’ein?

Mid ol’ meil’ ennein pert’is’s’ä? Mid ol’, osobennoid n’imid e jollun. Kiugu šeiz’oow, kiugull on, značit šiäl’ä, čuun’at, port’jankat, kiugušš olla pečurkat, pečurkah alz’ii panna, šiäl’ ka ruavolt tulla, määr’ät panna. Osobennoit kiugualla n’imit e jollun, hüvii ka, čuun’at, da kud mid’, kud mid’. Portjankat ed hattarat, hattarat. Nu ka, a patom, e jollun kiugualla n’i zanaveskas’t’, n’imid’, n’iin, kiugull. A, per’t’is’s’ oldi vain lawčat, lawčat ühet, lawčat, skammit. Magaimm toš, skamloin pil’l’ l’evittl’immi, pos’t’el’n’ikat oldih, kuvomma holsan, kruas’ima, doroškoill. Šomat oldi, hüvät’, a koože kattuči, d’er’uugan kuvomma, träpič šukua l’evittl’em, vanhoi plat’joi šiäl’, kitaikoi, kud mid’. I, langat luamma, ruavamma d’er’uugan, od’d’uloi e jollu meil’. Är’mäköil’l’ kattl’ičim, tulupoill, tur’kill kud mil’l’. Hüvi e jollu, od’d’uloi meil e jollu n’imid’, poduškoiss oldi nuavoločkat tož holsthiz’et, poduškat muaz’et šuuret, kaikkeh pos’t’l’ih, podušk. Magaim, a kežäl’l’ magaim zavs’o lattilla.

Pos’t’el’n’ikašša olgie naverno?

Pos’t’el’n’ikka, ollell nabeid, pos’t’el’n’ikka ollell nabeid, i magumm lattilla. Muataa muvannet i kravatišš, šinčošš on, kuvomme vozduh, omblemma rangzen. Postl’ih riptetah i muatah. A pert’is’s’ mid osobennoid n’imid e jollun, oldih ka täšš posuudat, šiäl’ čugunat, padat, mal’l’at oldih ran’š puuhzet, luz’ikat puuhzet. Mid ol’ osobennoida? Mit täšš viäl’ ol’? E jollun n’i z’irkalloi, n’imid. N’i s’viattu, ladankall... pannah täh butilkzeh vähz’en karas’iru, propkzen ruatah i viritetäh, kopt’alkanke tämäm i issum, i kez’r’äimm.

I päriel’l’ä toko istuja?

I pär’iel’l’ä, oldi pär’iel’l’, pär’iel’l’ oldi, svičč on.

Že mit’t’ün’än’e?

Muan’ dubin šeiz’ow ka šen’iin, hänešš ollah täšš rawdan’ pr’ibeidu, i ollah šorkzet tänn, štop pär’ piz’üis’. Vir’tetäh keššel’l’ per’t’ie, šeiztetaa, ümbär’ isstaa kezr’itäh.

Alahana kartan’e šeizow?

Daa, zalonkan panna, i kartzen pannah, stop langeis’. Kartzen panna zaslonkan pil’l’ i šiiričč langiw kartzeh, štop ei lattilla, a kartzeh män’is’.