Тексты
Вернуться к списку | редактировать | удалить | Создать новый | История изменений | Статистика | ? Помощь
Kod’ivuatetta powkuttih
Kod’ivuatetta powkuttih
карельский: собственно карельское наречие
Толмачевский
Pez’imä
latteida močualahaz’illa vihkoloilla , d’er’imä näillä , stukn’iloilla tuohiz’illa čuwrunkena .
Šidä midä vielä ...
- Kuin čuwruo luad’ija ?
Mis’tä čuwruo viid’i ?
Kiveštä .
Kylyššä vettä palavoitat , n’e muretah kivet i l’iew šiin’e čuwru .
Ka n’iillä čuwruloilla d’er’imä , a poruo keit’t’imä nämä tuhkačut ol’i luajittu .
Puizeh panemma vuattiet , tuhkačun žen vuattein piällä , ših tuhkat i panemma .
Vettä kumuamma palavua i kiwguašta kivie laškima šinne poroh .
Kivellä palavoittima , kiehuttima , ka .
- A pert’ie kuin pez’ijä ?
A pert’ie pez’imä näillä ...ka močualahiz’illa vihkoloilla , d’er’imä opotkoilla tuohiz’illa , ka .
- A hernehkorrella ?
I hernehkorrella d’er’imä , i veiččilöillä d’er’imä i šečkoilla d’er’imä .
A latteida enämbi d’erimä gol’ikoilla , vaššašta gol’ikat , gol’ikoilla d’er’imä .
- Kuin latetta pežettä ? Ed’izeh midä ?
Enžis’tä kaššamma močualahizella vihkolla , šidä gol’ikalla ka i d’er’imä , šidä huwhomma močualahizella vihkolla .
Vejellä kahella i kolmella daže huwhot , kun on äijäl’d’i revukaš late , ka .
Käz’ipaikkoida powkkuomma da hangella i l’evitämmä .
Kun’i on hangi , hangella i piemmä .
Šidä otamma da pežemmä , kuivuamma , jo valgiet l’ietäh .
A šiidä ...
A vuatteida powkkoumma , valgeida powkkuima .
Šiidä že porošta laššemma poruo .
A s’in’iz’ie st’iraiččima osobe kartašša porolla .
Vuatteida kataiččima , ol’i kruwguloi katalki , šiämeh vuattiet kiär’immä , a piäl’ičči kataiččima ...
Pit’kä dubina luajittu pygälöinkenä , šillä vuatteida kataiččima katalkella .
Kävel’imä jovella vuatteinkena .
Jovešša oldih luajittu prolubat .
Prolubašša huwhtoma kičuagoilla , i kolot’t’ima lumella kičuagalla , šidä huwhtoma prolubašša , ka .
Kod’ivuatetta kuvomma , da i powkuomma da hangella i l’evitämmä , i valguamma , ka .
Ägeillä aijolla kuivuamma vuatteida pihalla , nämä od’ožnoit , turkit i vatnoit od’ožnoit , štobi ei hori šöis’ .
Ennein torokkanoida kyl’mät’t’imä , sus’iedoih kävel’imä kyl’mättämäh , a muwda emmä t’iedän , vain kyl’mätännällä izved’ima torokkanoida .
A lut’ikkoida ...n’iin i oldih , emmä t’iedän millä izves’ .
- A kuin työ heidäh , torokkanoida izved’ija ?
Ikkunat avuamma , ovet avuamma , iče uijimma toizeh taloh ned’el’iks’i , torokkanat i kyl’metäh .
Kod’ivuatetta powkuttih
карельский: собственно карельское наречие
Толмачевский
Гигиена
русский
-
-