Тексты
Вернуться к списку | редактировать | удалить | Создать новый | История изменений | Статистика | ? Помощь
Kuin luad’ija regie
Kuin luad’ija regie
карельский: собственно карельское наречие
Толмачевский
- Šanokkua
kuin toko en’n’ein Työ luad’ija regie ?
- En’n’ein luajittih , koivuz’en varuššetah , skol’ko šielä , dvenadcat’ sant’imetrov pakšuhutta .
Nu , šin’de hän’dä , luajittu oli stuanu .
Hän’dä kiän’n’etäh per’oеkah .
Tuorešta kiän’n’etäh , da .
A šin’de hän’en šivotah i kuivatetah .
Hiän kuivi šygyžyh šuaten .
Šin’de rubiew mužikka r’egie luad’imah hän’eštä , kaikki hän’en obd’elajet .
Šin’de luad’iw kablahat koivuz’et kuivat hyvät .
Ei ole šuwret .
Ka i vain näih polozn’iččoih lowkoz’et kablahih varoin ollah .
I ažettaw šin’de yl’en jo kiind’iekši , štobi hyö l’ekuttais’ ei .
Šin’de šidow hiät kablahat molemmista jallakšista na skol’ko šielä sant’imetrov polozn’ičča pologajeca .
Polozn’ičča on šielä sant’imetrov tr’idcat’ al’i sorok , štobi ol’is yhen rownuo hän’en .
Nu , ka šidow r’ejen .
Nahl’ostkat panow , vičoilla hän’en obd’elajet , per’otkan , štobi hiän ei l’ekkuis’ .
I gotovoje delo i r’egi .
Kablahat ollah , šidä nahl’ostkat ollah pandu kaikki šubi .
Šido i gotovoje d’elo ...
- A mon’igo toko kablahie kapandih ?
- Šeiččimiin kablahiin , viiz’iin kablahiin pannah i ka .
- A mittynäzeštä puušta toko kainalovičat bol’še oldih ?
- Tuomin’e , raidan’e .
Ka ollah , kainalovičat .
- A mintän ?
- A hiän štobi per’otkan šidois’ .
Hiän on kablahah jo dolbittu , pandu , kablahašta aštuw per’otkah hiän .
Per’otkah hän’dä kiän’n’etäh , štobi hiän katkeis’ ei .
I šivotah yhteh , yhen tiäl’dä puolelda , toizen tiäl’dä puolelda , vaššakkeh .
A šin’de keššeštä viel’ hvat’itah , viel’ sv’azka on , ka .
Ka i r’egi gotovo , kar’ielan’e rubiew ajelemah .
- A jesl’i ka kuin kunne edäh pidäw ajua , n’iin pannah vielä midällow ?
- L’iew panna laijat ...
Ka duga , i per’otkah hänen n’okat šivotah , a duga l’ienöw laijoin piällä .
Min l’evyz’en luad’iw i že i l’ienöw .
Ka , šin’de pl’et’itäh pl’et’oškoida kuin post’ilkaz’eks’i , tämän post’ilkaz’en panow hän’ellä , hiän istuw , ajua hyvä , spokoino .
- I keralla hein’iä otetah ?
- Keralla hein’iä otetah , täh i pannah pl’etuhah , pl’etuhakši kučutah ...
- A jesl’i ka edäh läht’iet’t’ih , n’iin hebozella vielä i kagrua otettih ?
- Ob’azat’el’no , kagratta ei ajeldu en’n’en .
- A mih pandih ?
- Toroba ol’i en’n’en , holščovkoista kuvottu , täštä luajittu .
Tädä väh , ottaw värčin viel’ puolen .
Šielä kilogram vos’emdes’at’ .
- A šyöt’t’iä kuin ?
- A toroba pidäw r’iputtua hän’ellä , i piä torobašša i šyöw hiän tämän kagran .
- A ka jesl’i l’ibazet ollah ?
- Hebon’e , kun l’ibie on , rawvotat potkovoilla , potkovoilla l’ienöw ei l’ibie hän’ellä .
I r’egi on tarmaz’ittu šinalla .
Kebie hän’ellä ved’iä i hyvä .
I gorah voiččow nowšša , rawvotettu hiän on i ei ole l’ibie podkovoinke , i r’egi lähtöw kebiel’d’i aštumah .
- Nu , a jes’l’i ka toko talvella pruazn’iekalla kunne nibud’ ajella , n’in šiloin ajatta rejellä ?
- Pruazn’iekalla ajua , n’iin luajittu ollah kor’jaz’et , i kor’jaz’eh issutah kolmen-n’ellän keššä i läht’ietäh ajamah .
- A kor’jas’t’a kuin luajitah ? Mittynän’e hiän on ?
- Kor’jan’e on žeže puušta , koivun’e jallaš , när’eiz’illä t’ossuz’illa opšeidu pohjan’e .
Kablahat žeže koivuz’et .
I zadkan’e luajittu hyviin , obbeijah šielä , en’n’en fan’eroida ei ollun , n’iin lauvalla , složitah , kruas’itah .
I hyvä i ajua , i šoma , i hyvä .Ka !
- Kuin hebos’t’a val’l’aššetah ?
- Länget , s’ed’olka , potpruuga , r’innuš .
Längilöidä šivotah iče , koivuz’et kl’eščat luajitah , koivušta .
I kaivetah lowkot , kunne rahiks’et pannah , ka i t’an’itah rahiks’en .
Šin’de vemmel’ , vemmel’en žeže kiän’n’etäh .
Vemmel’ on vetlašta luajittu , on i tuomešta , on i väz’inäštä .
Väz’inäštä vemmel’ jygiemba , kovemba , vetlašta on pehmiembi vemmel’ .
Län’gipuut obošjut voilukalla , hyviin šivotah , i zaičinkan tän’itäh , štobi heboz’ella nissalla n’i l’evie , n’i kaida ei ol’iis’ .
Heboz’ella olgupiälöillä l’ienöw pehmie .
Ol’i hamut’ina vielä .
Tämän hamut’inan šivotah län’gipuwloih ženže .
Šin’de piäl’ičči hamut’inašta pannah voilukan pehmien , hän’ellä l’ienöw olgupiälöillä yl’en jo pehmie , hyvä .Ka !
Šl’ejat en’n’ein oldih .
Nyt že ei ole šl’ejoida , nyt ajellah šl’ejoitta , en’n’ein oldih šl’ejat hyvät , hiän pod goru lähtöw , n’in hiän pidäw vielä i r’egie hebon’e , šl’ejoista , hyvät kun šl’ejat .
A kun pahat šl’ejat , n’in katetah .
Piäh pannah ohjat , ohjat hyvät .
A kun boikoi hebon’e on , n’in rawvat šuwh panet , štobi ei hyppäis’ boiko .
- A jes’l’i ka raččahalla vielä ajella ?
- Ohjakšet vielä pidäw .
Ohjakšet , konečno , nyt on nahkaz’et , a en’n’ein iče mužikka puno työštä ei n’in l’iinašta .
L’iina že ol’i lujemba i korgiemba .Ka ...
Muasl’enčana čurahamma kor’jaz’illa .
Kellä on kor’jan’e , n’iin kor’jaz’eh istuoččow , a kellä ei ole kor’jas’t’a , r’egeh , da r’egeh šidow nämä laijat .
Täššä issuttaw lapšie , da vaššat šidow aizoih da vembel’eh i čuratah da nagretah .
Muasl’enčana čuud’ittih , ka vaštua šivottih vembel’ih da , i kuda midä , i träpiččäkuluo i nagratettih rahvašta lapšet .
Oldih vielä našein’ikat , hebozella kaglah panet , šielä pikkaraz’et buruz’et hel’is’t’ih , veššelä i hyvä .
Ajaw n’in edähädä kuwluw buruz’et i kellon’e alahana yks’i pikkaran’e .Ka !
Kuin luad’ija regie
карельский: собственно карельское наречие
Толмачевский
Как делали сани
русский
-
-
-