Тексты
Вернуться к списку | редактировать | удалить | Создать новый | История изменений | Статистика | ? Помощь
tuul’imel’l’iččiä iellä kuin srojittih t’iälä mužikat...
tuul’imel’l’iččiä iellä kuin srojittih t’iälä mužikat...
карельский: собственно карельское наречие
Толмачевский
- Šanon
, tuul’imel’l’iččiä iellä kuin srojittih t’iälä mužikat i kuin hyö ruattih : tuul’imel’l’ičän mužikka srojiu , staraičči srojie goralla , missä bol’še ollah tuulet .
Mel’l’ičät srojiečettih hyö kuužišiibihizet , što tuulella heidä pyör’ittäis’ .Ustroistvo heiläh ol’i luajittu : šiibilöi ...šiivet vualušša , ložiešta hirreštä luajituot , dolbittu i ažetettu hyö , i zakr’epittu .
Kuin tuul’i l’ieu , ruvetah pyör’imäh .
Toizešša n’okašša on šuuri kol’essu peigaloloinke , pyör’ittäy vualuo , že vualu pyörittäy toista vualuo , kumban’e šeizualleh on vualu .
A alahana vualušša vielä on kolessu , ženže muon’e , vain šuurembi razmerua .
Pyör’ittäy uže kivivualuo , kumbazeh vualuh on kivi , tämä , žornovat , kumbazet ruvetah jauhomah , luad’imah jauhuo .
I vot rubieu konža pyör’imäh i jo kaikki vualu i kivi , šielä on luajittu ylähänä late keššellä mel’l’iččiä , mis’s’ä on rugehet mužikoin tuodu jauhokši .
Kuatah šin’n’e luar’ih , nazivaiččiečow luar’i .
Luar’ista rubieu läht’emäh ruis’ il’i kagra alah kivilöih , missä kivet pyör’itäh .
Mel’l’ikkä že , izän’dä , mužikka kaččou kuin ruadau , hyviingo , tagou hän’en , podgotovit , i jauho rubieu rugehešta luad’iečemah , i ves’ma hyvä .
Kun tuulou hyviin konža , i jauhou boikko , värčie kolmekymmendä , n’elläkymmendä yön aloh talvella i jauhou .
I ka n’iin hiän i ruado , tuul’imel’l’iččä mužikalla luad’i jauhuo .
Vez’imel’l’iččiä kuin luajittih .
Tože mužikat luajittih , vet iellä gosudarstva ei luad’innun t’iälä hot’ miän mestalla kaikki .Vot .
Luajittih ših rukah .
Mužikka podber’ot mestan , kunne luad’ie hän’ellä mel’l’iččä .
Luad’iu ših kohtah , missä jogi bol’še on so skatom , šuuremmanken virranken , i vrod’e vez’i hyppiäy .
Hiän ottau , aijottau joven , štob jogi ših ei virdais’ , a läks’iis’ randah .
A kuin aijottau , a aijotti iellä vet , ka nyt luajitah cementašta , a iellä vet cementua evllun , kaikki .
N’in hiän luad’i puuhizen , vedäy šin’n’e kivie .
Vedäy koista kaikki l’ehmän da hebozen tuahet , štobi jogi zagrod’ie , vez’i štobi laškie šin’n’e mel’l’iččäh , missä hän’ellä rubieu pyör’imäh .
Nu kun luad’iu zaplotan i luad’iu mel’l’ičän , puuhizen ambar’in , joven rannan piällä , kunne vez’i randua myöt’en dolžen läht’ie .
A mel’l’ičän alla jiäy väl’i , hiän paččahilla šeizottau , štob vez’i hyppäis’ mel’l’ičän alla , čuas’t’i .
Šin’n’e laud’iu kol’essun , puuhizen kol’essun .
Puuhine kol’essu rubieu , kuin šanuo , pyör’ittämäh , vejellä hän’dä pyör’ittämäh .
A kuin pyör’ittämäh , luad’iu tak nazivajemoit l’iipačinat , kuin šiivet , lauvoista , tože puuhizet .
I vot rubieu vez’i lotokkua myöt’en hyppiämäh mel’l’ičän alla , puuhine lotokka on luajittu , štob boikko , so skatom .
Hyppiäy , jo rubieu pergamah ka n’iih l’iipačinoih , jo , vez’i .
Il’i pr’i pomošči l’iipačinoida kol’essu že rubieu pyör’imäh , vejellä .
A kol’essu , šiih on luajittu tože samoi toin’e vualu , kumban’e hän’en sojed’in’ičou kivenvualunken .
Jo šeizualleh šeizou kol’essušša .
I vot hiän rubieu pyör’ittämäh šidä kol’essuo .
A yl’izeh n’okkah , ka luajittu raudan’e n’okka , n’okkah on issutettu kivi tože samoi , ei yl’en šuur’i .
I rubieu pyör’imäh kivi , žornovat hyö šanottih , ka miän kar’ielat šanottih kivet , jauhonda .
I vot ših že ruhak .
Ylähänä on lagi , kuin per’t’issä .
Luan piällä ollah šielä jyvät .
I jogohin’e mužikka jauhoja šielä .
Čer’oda tulou , po očer’ed’i , šiun jauhuo .
Kuat i rubieu jauho tän’n’e tulemah .
A mužikka tämä iče special’ista , kaikki ruadau , izän’dä .
A jauhomua hiän otti iellä bol’še ei d’en’gana , a jauhona .
Jes’l’i on šiula , šanomma , viiz’i vär’čie .
Viijel’dä vär’čil’dä hiän ottau , pгudat iellä oldih , puгdalda funtan .
On , šanomma , dvadcat’ pudov , dvadcat’ funtov ottau jauhuo .
A kivilöidä tože hyö iellä luajittih jauhuo varoin , što evldu zal’ivnoin iellä kivet , kuin ka nyt’t’en .
A d’iikoista kiveštä .
Ka podber’iu d’iikoin harmuan kiven , ei ois’ ruškie , kumban’e yl’en murenou il’i ves’ma kova , ei šua i taguo hän’däh .
Podber’iu kiven , harmuan , bol’ee pehmiemmän , tuou kod’ih .
Štobi hän’dä luad’ie kruugloiks’i , n’in molotkoilla hiän kl’eučalla pergau , pergau , možet bit’ mon’i kuuda , i luad’iu kruugloi , keššellä luad’iu loukkozen , i alah i yläh luad’iu ženže muozet kivet , podgon’iu plotno , kuin i pidäy .
I šidä ruadau mel’l’iččä jo n’iin šielä kymmen’en päiviä , hiän noštau hän’en i tuašen tagou , pergau molotkoilla , kuin zubila .
Tagou , tuaš panou , tuašen rubieu hän’ellä jauhomah , luad’imah jauhuo .
I luajittu ol’i kaikki käz’iillä omiilla da pajašša raudoida , prostoilla ruavolla .
Nu miel’l’ičällä vielä oldih ustroistvo heiläh , štobi i šuur’imua luad’ie .
Šuurimua iellä luajittih hres’ijanat ...
Laukoista vähän oššettih , a luajittih omua .
Kyl’vet’t’ih ozrua , kagrua .
I luajittih bol’še ka ozrašta šuurimua , i šuurimat ves’ma i hyvät .
A kuin luad’ie ?
Tože mel’l’ičällä luajittih .
Ženže muozet kivet , no kiven že izän’dä noštau yl’embiäh , ol’i žemmuon’e nuoran’e luajittu , i šin’n’e prosto laudazet pr’icepitty , a täššä pyör’ittäy dubinazella , štob kivi nouz’iis’ .
Šielä on laudazen piällä , laudan’e noštau hän’en yl’embiäzeh , i vot kivi noužou yl’embiäh i rubieu luad’imah ei jauhuo , a šuurimua .
N’e šuurimat ottau , a šidä on vejalka heiläh , provejivajet , aganat pois’en ottau , pölyt pois’en , a jiähäh čistoit šuurimat , i šuurimašta keit’et’t’ih ka prosto kuašua i pudruo , nazivaiččieči tak , ka täh rukah .
A vielä šuurimua luajittih i koissa , daže i mie tädä muissan vielä .
Koissa kivet , ložiešta čurkašta , pil’it kakši čurkua , san’t’imetrua kakšikymmen’dä ložehutta , alah i yläh varoin .
Yl’immäzeh luajit ručkazen , luajit loukkozen , kobralla panet šin’n’e ozrua , a keššellä , štobi hiän luad’iis’ šuurimua , murendelen čugunan , il’i murendelou ken mužikkan’e , i kolot’t’iu r’ebrom čugunapalua .
Šin’n’e puuh tuagenah i yl’izeh .
I ka , vaššakkeh panou , keššellä štirkazen panou , štobi hiän štir’azešša pyöriis’ že yl’in’e kivyt , i ka panou jyviä i rubieu pyör’ittämäh , pyör’ittämäh .
I vot l’eikkou šuurimua .
Tože tuulella ottau laškou aganat i pölyt i vručnuju ka täh rukah , konža ei žen verdua pie kun .
I luad’iu šuurimua , rubieu kaštašiän’dä piiruada paistamah i kuašua keittämäh .
tuul’imel’l’iččiä iellä kuin srojittih t’iälä mužikat...
карельский: собственно карельское наречие
Толмачевский