Тексты
Вернуться к списку | редактировать | удалить | Создать новый | История изменений | Статистика | ? Помощь
Sündüntaltte tuli perttih
Sündüntaltte tuli perttih
карельский: людиковское наречие
Южнолюдиковский (святозерский)
A
siid ainoz muštel’t’t’ih : d’üriži ka siid d’ürü neče , sündün se tautte tuli d’ürüntautte tuli heile perttih .
Ol’eša-diädüška ku tuli , burlakkannu lidnaspiäi .
Nel’seinäižen kodiižen , stroii , a huonuksed ned ol’d’ih vie heil , se oli vahne kodi .
Siid mami meidem mušteli i minä min suam muštamah oli heil pertti vahne oli ka nečč oli pordahad ol’d’ih heil nečis , südämez ol’d’ih ei pihal pordahat .
Se vahne pert’t’ oli , kouz Ol’eša-diädö se siid oli .
A siid heil muamot sidä kučuttih Mih’ounakse vod en tiä kuz oli otettu se muamo .
Minä ris’t’uoiks kirguin sidä St’opanounat , Matrosaz otettu .
D’üriži d’üriži sanou d’üriži , sanou , tultt iški , ainoz muštel’t’t’ih midä tuou häi muštamal .
Sanou muatuška ainoz mušteli sanou ku rodiiheze .
D’üriži d’üriži sanou , d’üriži , sanou , tultt iški .
Siit , sanou , ku PühäIl’l’an dürü sanou , šräigäidäu tultte .
Se sündüntaltte tuli trubah i trubaspiäi lähti pieleh , uksempieleh lähti , i siid oli heil südäimpordahat s’enčuoil kalidorad müöti .
Nu pordaste tät’eväd müöti muah mäni i mugai ongi .
Ainoz muštel’t’t’ih šil’e oli , vot ainoz babi mušteli dai ris’t’uoi , šil’es sanou moižen ajuoi ku taltal ajuoi kaivuoi , se mäni muah .
Siid häi ku häi rodih dai sanou : ”Hoi , lapset , salbakat truba , salbakat truba !”.
Ainos se L’uba-t’otka sanuoi , minä ris’t’uoikse kirguin dai meiden mama : ”Salbakad , lapset , truba , sanou , salbakat ”.
Dai sanou eno hüvim mušteli se Mih’ouna .
Trubaspiäi se tuli moine ku taltte , ku tuline taltte , i lähti , sanou , dušnikan sih loukkoh i uksem piel’eh , i sinnä müöti , sanou , tät’äväh i muah mäni .
Ainoz muštel’t’t’ih .
Kuni , sanou , emme riiččinü kodit ka t’ät’äväz moine ajettu ka , sanou , dorok kunna proidii .
Ainoz L’uba-t’otka mušteli .
A siid hüö uuzi kodiine sroittih , siid elettih kahtei olnu ni kedä ei siid vai kahtei eletäh .
Nu siid d’o , kačo , voine tämä rodii da akuiraičo .
Pädiš hot’ siid olda kodiz ei pidäu sanou , ajada muailmaлe siid mollotiin .
Ol’eša-diädö Arhangel’skah kuoli , a L’uba-t’otka vie kodih tuli siit kodih kuoli akuacaispiäi .
Sid heiden taluoi kai i lopiiheze .
Sündüntaltte tuli perttih
карельский: людиковское наречие
Южнолюдиковский (святозерский)