Тексты
Вернуться к списку | редактировать | удалить | Создать новый | История изменений | Статистика | ? Помощь
St’opin D’ohor tapettih bes’odas
St’opin D’ohor tapettih bes’odas
карельский: людиковское наречие
Южнолюдиковский (святозерский)
A
D’ohorat služban sluužii .
Bes’odas torevuttih brihad , da siid D’akum Miššad oli häi Gordin D’akum Miša se hänen püšti .
Häi kuoli kieras , daže ei voittu ni lidnah tuoda , kuoli dorogale .
Daže suoled vačaz lähtedih , da sih kuoli hänel nečitä .
D’akum Miša se püšti hänen , ühte prikol’en’ait , bes’odas .
N’eidižiden perät torevuttih .
Da siit kieras hänel daže muštelttih ked neidižed ol’d’ih pagettih da kai , kieraz lat’t’aile sordui ka suolet pakuttih lat’t’aile .
Muga vačan leikkaži kieras se D’akum Miša , sil D’ohoral .
Nu a siid vie , vie minule tulou se muštai vähäižel ku nenga tul’d’ih n’eidižed sigä bes’odaspiäi Dašačii da kai tul’d’ih : ”Ojojoi , sanou , läkämme ühtes perttih kaččomah ”.
A mill oli ...Nu , n’eičükluadu ka pidäu lähtäi kaččomah kui on .
Kodih oli tuodu , ka vie oli hengis , pand oli boklaučale , virui azetettu piä ülähpiäi .
Häntte ferššalad vačče , se hänel sidottih , lidnah tüötäh sanottih .
A siid ol’d’ih da net tuodih neččih , käzipaikal kai oli , suolet pan’d’ih vaččah da sit käzipaikal sidottih vačče .
Siit müö ištuimme , siid neičükät nu , itkedäh vot kui muštelttih .
A se kudai püšti hänen siit tuli .
Kai sid muamod , n’eveskät kai itkedäh .
Vie heil kačo Duard’ oli , minä vie unohtin sanomata , se sizär da Katti da D’uard’e , enämbi ni olnu ni kedä ei .
Siid küzüu : ”Andagatte , suun kuivauu andagatte vetteu andagad vette ”.
Viruu nouzou , a se püštäimiez Miša nouzi , siid oli staučče edes , verno prošken’n’at püudämäh .
Ka ei hänel ottanu vette suuh , ku rubeži andamah , ka häi nenga kiändi seinähpiäi piän , ei ottanu .
Hänel daže vett ei ottanu , kudai püšti sen vett ei ottanu luzikal suuh .
Siid se väl’t’t’ih se neniz iäre kauhtanuois kindahat , bokkah ištui .
Siid anduoi sizäreh Duar’d’e hänele vette , siid otti .
Nu a siid tüöttih net , ferššalad lähtedih , da kai lidnah ei loitokse ni viedu , dorogale i kuoli .
A sille Mišall andettih viiž vuotte vai .
Viiž vuotte türmäz ištui dai piäzi .
A vie kačo siit nai dai Poštah kehno mäni koda-vävükse .
Mužikan tapuoi mugoman .
St’opin D’ohor tapettih bes’odas
карельский: людиковское наречие
Южнолюдиковский (святозерский)
Дёхора Стёпин убили на вечеринке
русский
[