Тексты
Вернуться к списку | редактировать | удалить | Создать новый | История изменений | Статистика | ? Помощь
Lapšista
Lapšista
карельский: собственно карельское наречие
Вокнаволокский
Totta
š pitäy šanuo šiitä , šynnynnäštä , šuahen kun ?Noo .Ka kun žynnyttimä lapšen , hoš illalla el’i yöllä .Työššä ol’ima , työštä tul’ima .Lapšen šynnyttimä .Noo .Puapohan še pit’i käyvä tä , puapuija .Huomenekšella pit’i työt ruatoa , lehmät hoitoo .Ta hoš vähä , vähäkin työ , vähempi työtä ott , ei n’iin šuureh työh pie läht’ie .Noo .Še šyötäntäkeino ol’i , nän’n’ie hyö šyötih ta i šarvie pit’i šyöttyä , jotta kenen kera šatut šuat šiitä jättämäh n’in , eihän še näläššä voinun olla lapši šiitä .A ei s ollun še n’iim mahtol’l’isušša , ol’i hyvä kašvatuš , kun nyt on kyllä ka .Šiitä še vaim piti matata aina .N’in kun žie ičeki muissat šitä , jotta on še ollun , kurjemboa aikoo .A lehmät meil ol’i , maituo meil ol’i ta šitä muuta šyömistä no .Mitä mie häntä muuta ?Täyvekše on kašvettu nyt , šuuret ollah , kouluo on käyty vähäs ...vähän’i kuki ta .Töissä ollah ta šinä i kaikki .
A pieneštä lapšešta šano , otta kuin työ häntä hoitija …kiärijäko työ mihi vain ?
Kiärimä , kiäri ...Kiärimä , kiärimä , myö kiärimä lujah ta viel ol’i leviet ne vyöt , millä kiärimä oikel lujah .Ta šen ei pitän šiitä tuota l’ikkuu , aina kätkyöššä tuuvitettih toiset , jotta šait piäsit siitä työh .Muutahan šitä ei ollun hoitajua šiitä šiinä .
A kuimpa šanottih n’iitä vöitä ?
Ka kapalovyöt .
Kapalovyöt .
Kapalovyöt .Še ol’i kapalointa še , kun kiärittih .A ne ol’i l’eviet , ne vyöt , millä kiärittih , jott ei tul’is painamah niät n’iitä laš …lapšeh .Noo .
A konša lapši alko kävellä , n’in piäššettihkö lattiella ..?
Piäššettih , ne , piäššettih , myö piäštimä , ennen eikä n’iill ollum pukšuo eikä mitänä n’i , niin gun nyt šuoritah pukšuh , myö piäštimä iham pal’l’ahilla , pikkaraisella paitasella .Ryömittih .Enšin gum myö alkoma pityä , vierekšenneltih , šiitä alettih ryömie .Noo , šiitä hyö alettih jo tuota , laučan šärveššä nouštih , laučan šärvih tä šiinä kulettih , hivutettih ta šiitä aštumah lähettih .Miulaki läksi yhekšän kuukauvev vanhana , še mi šovalla män’i .Poika .Noo ta .Šillä keinoin’ n’i kašvattima .A joukollah hyö , ihan aina oltih joukollah , hyö oldih , kun , kun läksimä kunne .Kežällähäm pit’ heinällä kulkie , kaiket aikoa .Ta joka paikašša .
Lapšet matašša oltih ?
Ei matašša .Pirt’t’ih jättimä .Toizien , ka toisiel lapšien gera , näijev vanhempien .Juššiham miula hoiti n’iitä , pahempie .
Teilä montako on lašta ?
Ka kuuši .Kašvo ai …täyte …täyšiaikasekši ihan kuuži , on kašvan ihan täyšiaikazekše , a kaksi kuol’i pienempänä .Van’himmat kuoltih .Nyd oj Jušši viijenkymmenev vanha , kun on .Van’hin hiän nyt .
Montako tyttyö on ?
Ka kolme tyttyö , kolme poikua kašvan .
A mintähpä kuoltih ne pienet lapšet ?
Ka em mie t’ietäm , mi heilä tul’i še ol’i .El’i puolev vuotta še , van’him boika kaikkein , oiken ol’i l’ihava , ta šiitä n’in kun tul’i , n’in kun tiälä šaanotah muokkuaja tauti .No ei še monta , pävän hiän šiinä , muokkual’i ta kuol’i šiitä , ihan .A toin’i kuol’i pienempänä .
Šamaštako tauvista ?
Ei .Še kuol’i šemmosena , kun eryähäm päivän el’i tä kuol’i , kuol’i näin täštäh väin ei .Še ei bitälti elän .
A vot kun hampahat kašvettih lapšella , n’in ol’iko mitä kipuja ..?
Ka ol’i , še toisilla ol’i vähäsen kipuo .Vačča , vaččatauti ta šemmon’i , jotta n’in kun kipieltä tuntu .A vačča män’i kuit’enki l’öyšällä , tä vaččatauti ol’i .A ei kaikilla .Toiset pit’i hyvin kepieštä tultih .Et’ n’i t’ietäm , mill aikua i tultih toisilla [hampahat ].Noo .
Mitäpä luajittih , kun löyšällä vačča tul’i ?
Ka ei mitänä muuta , kun kylvet …kylyh käytettih ta kylvetettih .Mityttänä l’iäkett ei n’iil’l’ä annettu .Noo .Ta vielähän n’in žanottih , jotta kun muamo t’ietäis’ , jotta la …kummon’i , mimmon’i on še hammaškipu , n’in värttinäh pilkkois’ ta še , šilla lämmittäis kylyn , kun ei muuta halkuo olle .Noo .
Noo , šiitä lapši teilä kašvo , näin vuotta kakši , kolme tul’i , šiitä …n’in’ , n’i jättijä toisien keralla , n’iin ?
Ka niij jättimä .Miula šynty tämä , Šanteri .Ei .Elähän , kun Šylvi !Šylvi kun šynty miula n’in .No kuta še hoiti ?No Šylvie !N’ikolaita , N’ikolaita Jušši hoiti , kun keviällä šynty .N’in kešän hoiti , mie päivät ol’im mečäššä heinällä .Kešän hoiti tämä šiitä van’hin .
A vanhako ol’i ..?
Ka ol’i kai šil’l’a joko , šiinä .Ol’ikohav vähem …enämpi , kun kymmenev vuotta .Noo .
A kuimpa šuorittija šuurempie lapšie ?
Ka kuim myö šuorittima ?Šillon ol’i vielä pahemmat aijat , ta paha , ei n’in kun nyt ole šuoritettu .Eikä kouluh , eikä minnenä .Paharaisašša da töppöseššä juoštih joškuš ta šemmosešša .
A talvella kävi vet hyö pihalla , ol’i heilä mitä ?
Käytih , käytih pihalla , käytih pihalla .Pihallahan še ol’i mielehin’i , vaikk ois pal’l’ahij jaloim mänty .Noo .
…millä leikittih lapšet pienet , pieneštä šuat’en ..?
AK : No mie em muissa kyllä ikruškoita olomaššah , ott ois ollum mityttänä heilä .Mitä l’ienöy iče löyvetty n’i .Puikkoloista vuoltih ta šemmosie .Noo .
A hyvim pien’illä lapšilla että i mitä antan ?
Emmä i mitä .Noo .Vanhemmilla on šitä , mitä alko n’i ne puaska …puaskoilla leikittih tä šemmosilla .Kešällä pien’ie kivijä , tä muuta mitänä ikruškua heil eij ollun .
Eij ollun ?
Ka mitä šitä ol’i ?Eihän šiitä i j ollun tämmöistä , n’in kun nyt on aika .Noo .
…mitä työ leikkijä … šuurempana , näin kun on vuotta kakšitoista-kolmetoišta ..?
Kuklasie ompel’ima ta .Ol’i miula yksi aivan oštokuklan’i še , tä sih šil’l’ä , šillä leikkimä ta ompelima ta .
A kuin ompel’ija ?
Ka luat’ima šemmoista , töttöryö vuattiešta ripakošta .Ta n’iil’l’ä paitua ompel’ima ta mekkuo , ta koštuo , ta perinyä , tä potuškua vielä , ta muat ašettima , t’ikkuloutista luat’ima šänkyö tä .Šillä keinom myö leikkimä .
…a konša monta henkie yheššä ..?
Ka juoksima peittosillah .Juoksima peittosillah .
…kuin leikkijä peittosih ?
Ka šehän , šehän ol’i peittosillah leikintä šemmon’i , kun tuota .Kuuruttamahhan yksi jäi .Noo .Šiitä kum mäntih peittoh .Šiitä kun juoštih šiel’tä , kul lähtöy še eččimäh še kuuruttaja , ka šiitähän še pitäy , toisiej juošša šiihi , paččajah , mistä lähtöy še , kuuruttaja .Kuv voit piäššä , tä kuv voitih piäššä , n’i piäštih šielä , a kej jäi , jott ei piäššyn šiih kerinnyn , tä še i jäi šitte kuuruttamah .Ta šillä keinoin’ n’i ta .
A pallon kera kuimpa leikittih ..?
Pallon kera myö emmä leikkin , miän aikana eij ollun pal …pallom pel’ie .Noo .
Että i luat’in’ n’i mištä ?
Emmä i luat’in’ n’i mis’tä myö .A näillä ol’i jo lapšilla , miäl lapšilla ol’i palluo kyllä .Ne juoštih palloh .
Noo , a talvella ..?
Talvella lume …lumešša pelmuttih .Šukšella hiiheltih tä lum …lumešša .
A millä , čun’illa ajeltih ..?
Čun’illa ta šukšilla , čun’illa ta šukšilla .
Aha , a jiällä ol’iko mitä ..?
N’i näillä še ol’i jo , miäl lapšilla ne …Meil eij ollum , meil eij ollun .Meil ol’i kum puun , pan’ima järveh tä šen’ n’in kun krusuavakše [?] še , šiinä , čuna šiitä tä šil’l’ä pyörittimä .Iččie .
Lapšista
карельский: собственно карельское наречие
Вокнаволокский