Тексты
Вернуться к списку | редактировать | удалить | Создать новый | История изменений | Статистика | ? Помощь
Terentevän Iivanan pereh
Terentevän Iivanan pereh
карельский: людиковское наречие
Южнолюдиковский (святозерский)
– Kedä
oli Terentevän Iivanal ?
Iivanal tožo oli ...
Sus’edad ol’d’ih .
Ka suuri pereh oli , da suured eloksed ol’d’ih .
A müö ehki naimme , da olimme ka ühte igäd elämme , d ühte perehüst elimme .
Starikan minä muštan , ainoz oli ...
D’o , kačo , minä heile sih tulin .
Ka se oli Ivan T’eren’t’ič , häi sluužii ende vet’ hätki sluužittih , armiis sluužii .
Ka häi sigäi nai , starikke , oli Mih’ouna , hänel akkann .
Siid d’o sil akal rodiiheze kač e laste hüö ei häi kieras siiten .
Oli Ikku vahnin poige , siid oli D’oška , siid oli Natti , siid oli Paušši , siid oli An’n’i .
Ned ol’d’ih Mih’ounan lapset .
Nu a siit kačo Mih’ouna se ku kuoli , lapsed net kai sih d’iädih da kai .
Pidäu naida sille , Iivanale , Ivan Teren’t’ičal’e .
Nenguoine art’t’eli laste d’iäi , ka kui sinä elät ?
Siid hai nai Präkäs , otti Paušis F’odorounan , nu , nuoren akan nu .
Siid d’o , kačo , hüö zavodittih sii elädä .
Vie starikke kai oli hengis , moin oli bodruoi starikke ka .
Vie ei d’agettuheze kai ühtes perehez elet’t’ih .
Nu a siid Ivan Ivanič d’o nai se Mih’ounan poige otti Barduoi niemez Balahoonovaz Annuškan .
Siid D’oška lähti sluužbah , sinnä d’iäi .
Paušši lähti sluužbah tožo nai , sinnä d’iäi L’eningradah .
Nu a Natti mäni miehele , Kindahah Anni mäni .
Bel’aajeuskuoid ol’d’ih vedo , sid oli prikaššikat , siid häi mäni Arhangel’skaspiäj oli Al’eksandr Ivanič , sille mäni Anni se nuorin tütär miehele , ven’alaižele .
Nu d’o se kai heidem pereh d’aguoih a siid vie Se Ikku eli vie kai siit .
Sit F’odorounan d’o ned poigad toižem muamon akan poigat , rubettih elämäh d’o , suuret kazvettih .
Vahnin poig oli Miša , siid oli Vas’a , sid oli Nas’t’a , siid oli Fed’a , siid oli Man’a da vie Miikkul oli , da vie Ol’eša .
Kačo miituine d'oukk oli .
Neč oli Ol’eša kaikiz nuorin poige .
Vot F’odorounal d’o mi oli n’el’l’ vai viiž poigad da siit kaks tütärtte .
Nu siid hüö ku d’o rodittiheze , se Miša nai .
Siit hüö d’agettiheze , se Ivan Ivanič heiz d’aguoiheze , vahnim poige se Ivan Teren’t’ičan .
Kodi se d’agettih .
Siit toine sroittih art’t’elil .
Nečen verde mužikkad on da kai da sit hüö prikaššikuoittih da kai ka bohatad oldah kodi stroittih , siid lähtedih .
Se F’odorouna lähti uudeh kodih elämäh Mišan da Vas’an ker .
Nu a Ol’eša lähti uččimaheze burlakuoimah dai Miikkul .
Man’a mäni miehele , Nast’a mäni miehele .
Nu a sih neččih d’iäi vahnale pomestale vai ku elämäh , Fed’a tožo omasküläz nai .
Fed’a d’iäi ...Ivan Ivaničan ker popolam .
A Miša lähti lidnah .
Vas’a lähti lidnah .
Da siit kai heiden kodi se uuzi müödih .
Da kai heiden sih pereloimu loppih n’ügü si on , Fed’an akan se , Fed’a , kačo , kuoli .
D’iäi poige da siit siid vuittih Teren’t’evän vuitishäi , vedi Priäžäh , bok pertin , da stro iii kodin siid eläu , Priäžäs se Fed’an akke , nu .
A toižet ...tägä hüö ku se uuzi kodi müödih häi ...
Vasid da net Katid naidih d’o kai Troškovaz Vas’a nai , a Miša se nai vahnimbe poige nečis Pekan Timuoin Danilan tüttären otti .
Nu siid hüö tännä lidnah kodi ostettih lidnas , se Pelduoižen kodi müödih .
Nu a siid heit tože otettih pitkäh ajoh loitokse se Miššad i Vas’s’at , nu .
Da siid net kodih akad ned d’iädih , d’iädih lapset .
Katile d’iäi tütär da poige , a Vasile d’iäi kaks tütärtte .
Nu vot nügü hüö sigä ...
Tože tüttäret miehel , poigad naižiz eletäh .
Nu mužikuoid heit sinn otettih , kunna sl’eeduiiheze , sinn otettih .
Nu a Ivan Ivanič tožo kuoli , Ivanouna kuoli .
Nu a el’äu Klaša da Zina , ned Ivan Ivaničan tüttäret , da poigat , da Pet’a , muid ni ked ielo .
Vot siit heiden kai rodoveh dai kai lapset .
Terentevän Iivanan pereh
карельский: людиковское наречие
Южнолюдиковский (святозерский)