Тексты
Вернуться к списку | редактировать | удалить | Создать новый | История изменений | Статистика | ? Помощь
Teren'tevän Ol'eša
Teren'tevän Ol'eša
карельский: людиковское наречие
Южнолюдиковский (святозерский)
– Tämä
oli Teren’t’evan Ol’ešan ?
Iivanan !
– Iivanan .
Nu a tämä nügü siid oli toine vel’l’i heil Ol’eša .
– Nu kedä hänel oli ?
Perehte ?
Ol’ešal oli ...
Ku elimme kai sus’odad da olemme da kai tiedämme .
Sen starikan tožo minä muštan , moin oli n’ousku barde , Ol’eša-diädöks kirgutah .
Ku mänet vid’ olim minä miehel ka sanotah : ”Mäne , n’eveske , sinnä täh meiden ühte rodud ol’d’ih ka , pakiče tädä libo tuada libo midätahto moine ”.
Tule , tule turkki piäl ainos kudottih verkkot .
Hüö verkuoit püuttih .
Siid verkot a siid oli heil sigä vie Kol’l’eriks kirguttih , üksd’algaine Miikkul .
Nu siit heil kolme vel’l’este : Ol’eša ...
Iivan el’ osobi , a Ol’eša se otti Kol’l’erin .
Ende tožo verkkod da d’ärvid da kalat püuttih .
Ka iče Kol’l’eri ambui drobul d’algah , siiten d’alge pakui .
Kalud’alge hänel оligi , kirguttih Kalud’alge , Huabid’alge mužikkat sidä .
Nu a siid hüö siid zavodittih elädä .
Se Ol’eša-diädüšk oli nainu Loginas , Heglačus , Ser’g’ounakse kirguttih , moine tožo römsakuoid oli .
Tok se ”Kalud’alge ” sanuoi : ”Neč on Loginan obras ”.
Ainos kirgui sidä Ol’ešan akkat .
A se muguoine vahne ...vahnassuai eli starikannu , ni nainn ei da ni midä d’algad , ei olnu ka muga .
Nu siid heill oli ükse poige Peša da tütär oli Okulin .
Okulin kuoli neičukännü , a Peša sih heil’ d’iäi elämäh .
Nu i siit kačo eli d’o naitettih , hüö iče vahnavuttih , naitettih Peša Pol’akovaz otti sen Irin’n’än .
Nu siid zavodittih elädä .
D’o se Ol’eša-diädüška kuoli , dai se Loginouna kuoli .
Net kai ”Ruaged’algad ” eivie kuole Ruaged’alge hätken eli .
Ainos kalat püudäu , da tarbottih d’ärvel da verkkot kaikem muan verkkod azetetah .
Da siit kalat müödih da ol’d’ih da .
Nu a siit Peššat tožo otettih kunna pidi sinnä , Irin’n’e diäi .
Lapsed rodittiheze , oli D’oška , poige , siit Šan’ka oli , da siid oli Anni , da siid Dun’a nu kuoli - äj oli laste ka kuol’t’t’ii erähät .
Vai ku d’iäi elämäh ...
D’oška tožo kuoli .
Šan’ka nüg on , da siid Vas’ka , sil Pešam poigid d Irin’n’an , vie da Man’ka vie on nečis ...
N’eičükäd tožo kuol’t’t’ih , ken kuigi , kolme d’iäi , kolme , siid enämbe kolmet kuoli .
D’ ol’d’ih suuret , siit kuol’t’t’ih hänel .
Nu i sih heiden pereh lopiih da iče se kuoli , se Peših’a .
Da vie D’el’a mäni miehele ...vie heidem prikol’enii se , nečis tütär kačo nügü pogostal eläu , vie hänele suai seiččei vai kaheksa poigat da tütärtt , on tožo prikol’enii on suuri .
Lähti Pol’akovan čurah , ei lähtenü Teren’t’ev’an čurah , se vahnin tütär .
A muut kai sit eletäh .
– Muštadgo , kui Kol’l’eri ambui d’algan ?
Oi siid emmušta .
Häi oli sigä ende muštel’t’t’ih , sigä vahnat staruuhad muštel’t’t’ih entiä kui l’ähti .
Drobul kui ambui .
Oli d’alg oli l’eikattu täs ülembä polvet .
Ainoz oli puu d’algass , toko kirguttih Kol’l’er , Kol’l’eri-d’alge kol’l’au entiä sidä .
Em mušta kui , nu staruuhat sanottih mečäz entiä kui drobud mändih da kai .
A sii leikattih hänel d’alge .
I lopun igän eli eigo zarazinnuh eigo midä .
Vai bäbeži käveli .
Teren'tevän Ol'eša
карельский: людиковское наречие
Южнолюдиковский (святозерский)
Олеша Терентьев
русский
«
«