Тексты
Вернуться к списку | редактировать | удалить | Создать новый | История изменений | Статистика | ? Помощь
Šanel’i miwla mi̮amo...
Šanel’i miwla mi̮amo...
карельский: собственно карельское наречие
Весьегонский
Šanel’i
miwla mi̮amo , a mi̮amolla šanel’i mi̮amo , miwn bi̮abo l’ienöw , kuin ol’i Barsko-Taračejevo kyl’än’e .
S’iel’ä ol’i bajar’in usad’ba .
I s’iid’ä ol’i hän’el’l’äh ri̮adaji̮a kuwžikymmen’d’ä miešt’ä .
Kuin kučuttih bajar’ie , en t’iijä .
Miwla jo on šeiččimen-kymmen’d’ä vuotta .
Nu ka , mi̮amo i šanel’i meil’ä , kuin baršinašša el’et’t’ih .
Bi̮abon miehel’l’ä annettih šeiččimentois’t’a vuotta , a kuwžikymmen’d’ä vuotta ol’i šulahaz’ella , ukolla .
Hiän ol’i kiwgi̮anli̮ad’ija .
Kir’ikköl’öih kiwgaida li̮ad’i .
Bi̮abo Fedоs’ja , konže hän’el’l’ä ol’i šeiččimentois’t’a vuotta , paimendi hahn’iloida da šoržie pellošša .
Ol’i vihmas’iä .
Hiän tul’i mär’gä illalla paimen’ista da kiwgi̮alla nowži mi̮ata dai uinoi šin’n’е .
A un’issai n’ägöw : napul’n’ikkia [?] myöt’en l’ywd’äw z’mejamado .
Hyppäi kiwgi̮alla , kaglašta ymbär’ii kl’äppieči .
Fedos’ja un’is’s’a pöl’l’äšty z’mejia i ravahti .
A mi̮amo kez’r’iäw ikkunarannašša .
Tulow bajar’išta kuharka , kolot’t’iw ikkuni̮a , pert’ih ei tullun : “Jegorovna , zawtra k vencu dočku pr’ipasai !“.
– “A za kavo ?”.
Kuharka šano vahnan ukon n’imen .
Ruvikaš , tuhma , a Fedos’ja šoma-šoma ol’i , šoma .
Mi̮amo l’äks’i tahnuolla dai langei .
Šiid’ä tul’i da t’yt’t’ärel’l’ä t’äl’l’ä i šanow : “Nowže da huomena venčalla pid’äw varušti̮ačie ”.
Hiän šano : “T’yt’är-rukka , l’ähet kuin venčalla , ved’ämäh ruvetah , Karposkoin jovella mel’l’ičän burha on , vez’i korhi̮an’iw s’iin’ä , da s’in’n’ei skokaha .El’ä venčaiččieče t’ämänke ukonke !”.
Fedos’ja , konže ruvettih ajamah venčalla s’illačči , tahto skokahti̮a burnah da kotta (oldih iel’l’ä kotat moiz’et nahkaz’et ) tartu i hän’en hvat’ittih .
I kir’ikön lukuttih , venčaidih (otetah venčalla , n’iin mi̮amo et ole jäl’l’est’i ).
Kiriköššä šanotah : “Kodvaz’eks’i venčaiččiečet ”.
(Mi̮an’itellah – ei it’kiis’ ).
Ka t’äs’t’ä ukošta Fedos’jalla ol’i kolme lašta .
I miwn mi̮amo i ol’i n’iid’ä lapšie ...
Hiän kolmenke lapšenkei jäi , konže l’ien’i hän’en vol’a .
Mužikki̮a , ukkuo , kyl’äh ei oteta .
Šanotah : ”Mis’t’ä tul’iit , s’in’n’e i män’e !”.
A bi̮abo Feodos’ja i šanow : ”Davai pakkuomma kyl’äs’t’ä mi̮ada vähäz’en pert’izen alla .Viini̮a oššamma kyl’äl’l’ä , n’iin annetah mi̮ada ".
Viini̮a oššettih kyl’äl’l’ä , annettih jogirandaz’ella mi̮ada vähäz’en , pert’iz’en s’ijalla .
Bobul’iz’et i oldih .
Ol’i pert’iz’es’s’ä yks’i ikkuna , a toin’e ol’i ikkunan’e volokovoi , alahana .
Lapšet t’äs’t’ä volokovoista ikkunaz’ešta lawdaz’en eis’et’äh i kävel’l’äh per’t’izeh , kuin mi̮amo , Fedos’ja , l’äht’öw baršinah ri̮avolla – šyöt’t’el’iečie pid’i .
A ukko t’ämä kävel’i Ves’s’ih , Riibanoih – kiwgaida kir’ikköl’öih li̮ad’i .
Nu a s’iid’ä kuol’i .
Lapšet jiäd’ih bi̮abolla .
Bi̮abolla mi̮ada annettih Taračovašša .
Hot’ vol’a l’ien’i , a bajarowna s’iidä koišša el’i , a bi̮aboi kävel’i hän’el’l’ä ri̮adamah d’engoišta .
Šanel’i miwla mi̮amo...
карельский: собственно карельское наречие
Весьегонский
Мне мать рассказывала...
русский
– «
[
(