Тексты
Вернуться к списку | редактировать | удалить | Создать новый | История изменений | Статистика | ? Помощь
Käppi
Käppi
карельский: людиковское наречие
Южнолюдиковский (святозерский)
– Kedä
oli Kapin taluois siit , kudai paluoi ?
Käpin taluoiz oli ei äijäd olnu .
Se oli moine , Käpikse kirguttih .Käpid ol’d’ih kädet , käpiz ol’d’ih .
Häi oli Ondr’ovan rodud .
Ondr’ovan Vas’an oli tuatto da se Käppi vel’l’eksed ol’d’ih , Käppi ainos lidnaz izvoššikuoičči .
Nu hänell oli akke , se Pentel’jouna .
Nu a siid vie Tan’a se kuoli , dai Pentel’jouna kuoli , sii häi vie se Käppi nai St’opanounan .
Nu , toin akk oli , entiä kus tuoi .
Moin oli forsovuoi akke , tukat sugiu , da kai ainos käveli .
Siid vie häi otti Mišan D’akum Miikkulan poigakse .
Heil oli kodiine Titovuoid vaste , nu , siid Časoumägeh piäi , nu , pieni kodiine da kai .
Nu a siiten se Käppi kuoli , St’opanouna kuoli da siit .
Niitud da , näge , ende pidi niitud da peldot , k ei olnu ka : se silmät süöi , štob oliiš niitud da peldot ei .
Ka pidäu lähtäi burlakuoiččemah lidnah .
Nu hänen sigä Ondr’ovan üks d’agovuitti da neččida , ka niitud da peldot on vähäine .
Nu se Miikkul sigä häi eli , eli , eli , eli , siid Viidanal nai .
Nu vot , Mašan kera siid zavodittih elädä , siid Maša se kuoli .
Sii häi otti Pelduoižis Pedrin sen D’er’emejevas , Pollin akakse .
Siit hüö sii eletäh Käpin sil pomestal eletäh , eletäh .
Siid entiä kui se Pol’l’i lähti pruaznikale a Miikkul se kulu viinad d’uoi .
Da kai laške mužikke .
Lähtöu kündämäh häi , ka päiväižet hebo ottau ken häntte kazakakse , adran ker seižou peldon randal , a pilveksez magadau .
Ka seg on eläi ?
Mužika k s ei ole ni ühte eläi ni kunn ei päde .
Ni burlakakse ei päde , da ni omale hresjansvale ei päde , da ni kunna .
Vot nenga ruadau häi .
Eig olnu hebod , eig olnu lehmät .
Nu siid häi muga ruaduoi , ruaduoi , siid entiä , kui siiten Käppi sidä kodid vie ei pol ...siit pol’t’t’i kodin !
Miikkulan aiga kus liennou tulnu keväd miikkull oli .
Pruaznikalg oli vai ej olnu .
Kurii , da siid vieri saraih magata .
Da sütüi , da čut sinnä ič ei palanu - vedettih rahvas .
Kodi kulu kai paluoi , mi oli lomut , mi oli , ka sih kai palettih muntid i kuntid .
D iččedäh rahvaz vedettih .
Se kodin pol’t’t’i sih , Käpin pomestal .
Vot muga eli .
– Nu stroiigo sid d’älgele ?
Ei stroittu da ni midä ei .
Mugai d’iäi se sih , da siid iče lähti häi siit burlakuoiččemah .
Mugomad dielod oli .
– Lapsid ei olnu ?
Ej olnu , ni ked ei olnu .
Käppi
карельский: людиковское наречие
Южнолюдиковский (святозерский)