Тексты
Вернуться к списку | редактировать | удалить | Создать новый | История изменений | Статистика | ? Помощь
Pelvahan kažvatanda i t’yökši luajinda
Pelvahan kažvatanda i t’yökši luajinda
карельский: собственно карельское наречие
Толмачевский
Pellon
aštoiduoh kyl’vet’äh pelvahan .
Kyl’väjäl’l’ä vakka ieššä , eišt’yw i kyl’väw , jogo harpawkšella luow n’äpin s’iemen’d’ä .
Vihmaz’ista pelvaš vihahtaw , l’äht’öw kažvamah .
Nowššow harvazeh soruo – pid’äw n’e kit’kie .
Hein’aigah pelvaš zavod’iw kukkie .
Kukkiw pelvaš šomah hel’iez’il’l’ä s’in’iz’il’l’ä kukkaz’illa .
Kukkazet huomnekšella on äijäl’d’i avawdunnuot päiväzeh päin , illalla kukinnan heikend’äw , kukkazet yökši tukkuwvutah .
Kukinnan jäl’geh rubiew piähyt čyl’kyl’l’ä mänömäh .
Kun’i on vihanda pelvaš – čyl’ky on valgie , rubiew pelvaš šual’istumah – čyl’ky rubiew ruškuomah , kuidu kovenomah .
Šual’ista pelvašta pid’äw ruveta d’er’imäh .
Ei pie d’erie yks’in kuiduz’in pid’äw hawruol’l’a t’äwžin kobrin , pivozet kiin’d’iezeh šiduo i šeizattua kuwl’ahaz’ih kuivamah .
Jogo kuwl’ahazeh panet kymmenen pivos’t’a .
Pelvaškuwl’ahazet vejät hebozella guominoh , šiid’ä ahat riihen pardeiz’illa , l’ämmit’ät riihen .
Roičet pivot järel’l’äh guominoh , kolot’it hiät pual’ikalla (ket perret’t’ih kur’ikoilla , ket puidih briwžoilla ).
Kolot’ittuoh , riivinlawdah riivit’t’ih .
Pelvahan s’iemenet tuwlešša viššattih , šel’giet s’iemenet puwrnuh kuattih .
Kolot’ituot pelvahat logah l’evit’et’t’ih .
Lovalla piet’äh , kun’i ei šuor’ie .
Kuin kergiit l’evit’t’iä vägövih kaštieloih da l’ämbimih šiäl’öih , šilloin väl’iämme šuoriew .
Lovašta pelvahat noššetah , kuboloih šivotah , pois’ vejet’äh .
Žen jäl’geh pelvahat lowkulla lowkutetah .
Lowkutannan jäl’geh pelvaš pehmen’öw , rubiew päis’är eruomah , vid’iemel’l’ä vivotah , jiäw vain har’jata .
T’yöt ed’izeh har’jatah rawdahar’jalla .
Rawdahar’jan jäl’geh t’yöšt’ä eruow ruohin .
Ruohtimešta kezrät’äh ruohinlangua da kuvotah värčie .
Rawdahar’jan jäl’geh t’yöt har’jatah šuvašhar’jah .
Šuvašhar’jašša t’yöšt’ä eruow paičeš .
Paičekšešta kezrät’t’ih rondulangua , kuvottih piiččuo da koštuo .
Šiid’ä luajittih hattarua da ložieda käz’ipaikkua pywhkies’s’ä käz’ie .
Šuvašhar’jan jäl’geh pivoz’ista šivotah pelvaškiäryö .
Kiäröt vadvotah da luajitan kuožal’ipiäd’ä kezrät’t’äväkši varoin .
N’äin ruadoma en’n’en .
N’yt ruatah mašinoilla .
N’yt kolot’ittuo pelvašta šanotah trestakši .
Trestana mašinoilla šuatetah kohti zavodah .
Ei pie rahvahalla n’i viduo , n’i kuduo , n’i kezrät’ä .
Tuwvah mat’er’jua lawkkah – t’iijä oštua .
Viel’ä valmista i ommelduo .
Pelvahan kažvatanda i t’yökši luajinda
карельский: собственно карельское наречие
Толмачевский