Тексты
Вернуться к списку | редактировать | удалить | Создать новый | История изменений | Статистика | ? Помощь
N’iär’it’ykšet i muwt šanonnat
N’iär’it’ykšet i muwt šanonnat
карельский: собственно карельское наречие
Толмачевский
1. Ei
kiel’d’el’e , ei vagual’e , andaw andiekši .
2. Šyöw žuadno , kuin Angaman bron’i .
3. Olet avokeroloista avokero .
4. Biesan viižahuš on t’ämä ris’t’ikanža .
5. Šoitulla jäl’l’es’t’i aštuw brihua , kuin hawvin hammašta (pikkaraz’ie da äijä ).
6. Šiännyit , n’in čiban maiduo jäl’l’es’t’i .
7. Čirhis’t’y , kuin čiil’i .
8. Krain’oi kewhyš l’ien’i , jawhuo ew i šil’mäh panna .
9. Hot’ korvah i pawgua , n’i mid’ä ei kuwle , gluhoi koppalo .
10. El’ä šuwrendel’ieče , et ole Gorn’an gos’ta .
11. L’eivät kaikki : l’iew hambahat vuarnah riputtua .
12. Lapšen šuaduoh tuwvah hammašpiiruada .
13. Heit’t’el’iečöw , alemmakši Oreškan kaivuo heit’t’iäči .
14. Voijah voruija i tappua : ollah yn’n’äh henget’t’ömät .
15. N’in kyl’miin , äššen hibiehiir’i kävel’öw .
16. Hiitroi rebo , et orazella pekkoh рis’s’ä .
17. Ka on pahalaz’in hukin ildan’e .
18. On n’eskluadnoi , kuin hukinkorenda .
19. On pit’kä , kuin humalariwgu .
20. Hyvä tul’i , vähä män’i , šai darovoida .
21. Žemmuon’e häd’ä on – n’in hammaš halgiew .
22. Ilmol’l’izet kummat ollah kobrašša !
23. Mužikka on tuhma , kuin il’vewš .
24. It’ki , it’ki , da itulla i otti .
25. Jallat kyl’met’t’ih , on kuin hukalla kerošša .
26. Jän’iks’en nahkalla on pekko paikattu .
27. Kaččel’iečow , kuin vora jarmankašša .
28. Kagra , el’ä nagra : iče lagoh langiet .
29. Katen ladva , ew kaikkie piälakašša .
30. Olet kebiekengän’e , kaikkuanne kergiet , kunne ei kučuta .
31. On kuin kevon alda kiirakkan’e [hiir’i ].
32. Vävyl’l’ä kiel’i on , kuin Moskun ruoška (on boikoi paginalda ).
33. Kizuaw , kuin kaz’i hiirenken .
34. Kiät šäris’s’äh , kuin kanantappajalla .
35. T’ämänilmaine kud’mo , kobisko olet .
36. Kukonun’i tartu .
37. Mängiä , kuldagora vaštah .
38. Ka käby n’okkah l’ien’i !
39. Lapšet ollah n’äl’gähizet , kuin n’uakat .
40. Lapši it’köw kaiken päivän , kuin kiel’eštä riputettu .
41. Udala on , rebuos’t’aw , kuin l’eht’irebo .
42. Tukat los’n’itah , kuin harakanšulga .
43. Tua väl’iän l’äht’öw padua luad’imah (kuolow ).
44. Fors’iw tuhmatukku , iče on kuin l’ötöniho .
45. Aššutah , kuin makšanjagajat (jäl’l’ekkäh ).
46. Tuada et proved’i : on miel’entagan’e howkka .
47. Mit ollow nua muštašiämizet ollah .
48. Šez’ih kaččuos’s’a miel’i met’t’ä keit’t’äw .
49. Tua on Ruočin šuošša , šinne šua et doiji .
50. Tuaton muruzet i palazet ollah lapšešša .
51. Narodua keräwd’y kuin Šalon kaivolla .
52. Ka hot’ ois’ nowšša šavigoralla [kiwgualla ].
53. Mužikka on , kuin n’yl’giet’t’y jän’is’ .
54. Päivä on n’äl’gävuwven pid’ehyš .
55. Huomnekšešta ildah šuat nagolo jalgatan’n’ikašša .
56. Humalahizenke vačča kyben’yz’in on .
57. Katoš on harva , kuin rid’il’ä .
58. L’äks’iis’ pruaz’n’iekalla , da on hän’d’ä pit’kä , lapšišta ei piäže .
59. Moržiemut kuin hel’ie hein’än’e .
60. On t’ywn’i , kuin jumalanl’ehmän’e .
61. T’yt’t’ö on boikoi , kuin šukkulan’e .
62. On ruškie , kuin mun’ija kanan’e .
63. Miehel’l’ä män’i pahoin : ožattomah očin kočahti .
64. Ka on pahašanan’e : jäl’gimmäz’en šanan šanow enžimmäz’ikši .
65. Jäl’gimmäs’t’ä lašta šanotah pahnanpohjimmazekši .
66. On ruškie , kuin paistun bukva .
67. Popad’i moržien pit’käkiel’i .
68. On pit’kävihan’e : viikon vihua pid’äw .
69. On piärawkakši , gor’aššukši heit’t’iäčen .
70. Koččiw torah , kuin piät’öin kukko .
71. Briha on prostoi , kuin hebon’e .
72. Puol’it’erän’e jogo paikkah rabel’iečow .
73. Ilotat rahvašta , rahvahan ilo šie !
74. Rawkalla ei šua omua piäd’ä šyöt’t’iä .
75. Kävel’et kuin ribu-T’iitta .
76. Äijä narodua tul’i , ei vain omat , rujot i rammat keräwvyt’t’ih .
77. Ka on ruttopäiväl’l’ine , tul’išuw .
78. On boikoi da laihan’e , kuin šalaikko .
79. Šammalšalku – tovet i t’yhjät šammaldaw .
80. Kebiekengän’e : koččiw , kuin šavuharakka .
81. Tulow da valehtelow , šiibyz’it’t’ä l’en’d’el’öw .
82. Peit’t’el’iečow , kuin mežahiir’i .
83. Šivottavua pagizow .
84. Šuor’iet , šuor’iet , da nagole et n’iih vuatteih (toivottuačet , a tule et ).
85. Šuw kuin reppänä .
86. Šuwrendel’iečet , olet kuin šuwrimakukko .
87. Darovoilla el’ät , kuin šyöt’intattari (nahl’ebn’ikka ).
88. Ših vereh pid’i kaikki šanuo .
89. Tartu kuin ruga i eruo ei .
90. N’äl’gähin’e olet kuin t’iid’iehawkka .
91. Tuhkan’äppi , n’i mid’ä maha et .
92. Ollah rutot , kuin tul’ikorbilazet .
93. Vain värt’inäl’l’ä i puissaldua mieš , on kuin tröppy .
94. Pöl’l’äšty , iho valgoi , kuin vaha .
95. Pahalaz’in ved’ehin’e [ved’ehizekši šanotah i joven haldieda ].
96. Virkošl’eibä keroh tarttuw .
97. Tua vuahikero vuaherdaw : t’yhjiä i totta pagizow .
98. Ol’iin un’iborova , kaiken ijän šuačiin muata .
99. Un’ipöhl’öl’l’ä on nagole vähä magavuo .
100. Mid’ä l’ien’iit n’imeh t’emmattavakši ?
N’iär’it’ykšet i muwt šanonnat
карельский: собственно карельское наречие
Толмачевский