Тексты
Вернуться к списку | редактировать | удалить | Создать новый | История изменений | Статистика | ? Помощь
Ruis’рuwstаh n’äh
Ruis’рuwstаh n’äh
карельский: собственно карельское наречие
Толмачевский
Kaiken
oman ijän el’iin Ruis’puwsalla .
Ruis’puwsta kyl’ä mon’igo vuotta on olomašša – t’äd’ä en voi tarkah šanuo , en mie ole šigäl’i kir’jamieš , mie vain t’iijän žen , što olen kuwvetta kol’enua .
Enžimän’e el’äjä Ruis’puwsalla ol’i S’iila .
Mis’tä hiän tul’i t’änne – ew t’ieduo , ei muisseta , eigo šänella t’äd’ä .
Miän puamet’illa enžimän’e n’imi on S’iila .
Hänen poiga ol’i Marke – Mark S’ilič .
T’iäl’d’ä šuat on l’äht’en miän fomil’ja Markоw .
Marken poiga ol’i Iva – Ivan Markovič , Ivan poiga ol’i Riigо – Gr’igor’ii Ivanovič , Riijon poiga ol’i Ondrei – Andr’ei Gr’igor’jevič , miwn tuatto .
Hiän el’i šeiččimenkymmen’d’ä vuotta l’iz’änke , ol’i äijän-vähän kir’jah mahtaja .
Hänel’l’ä ol’i kir’jutettu n’imet : tuaton , d’iedoloin i pravod’iedoloin .
Hiän šano , što enžimän’e el’äjä Ruis’puwsalla ol’i S’iila , a šiid’ä rubei kyl’ä kažvamah .
Ed’izeh srojieči päiväz’eh očiin sloboda .
Ol’i Os’os’s’alda nowššun pereh .
Šiid’ä T’eron vel’l’ekšet tuldih ed’ähäd’ä , Murman’iešta päin , hyö pagoh hypät’t’ih t’änne , oldih mis’t’äollow d’ielašta puwttunnuot .
Heid’ä tavotettih , no ei šuanun tavottua , piäštih pagoh perehil’öinke .
Kyl’än mužikoilda pyrrit’t’ih , pakottih äijäl’d’i : „Pr’iimikkiä kyl’övehekši“ .
Kyl’ä otettih omakši .
Viel’ä šanottih , što ollah hyö mis’t’äollow „järveštä nowššuot“ .
Lapšie hiän toizet lapšet n’iär’it’el’l’äh : ,,Oh šie , järveštä nowššun !“.
T’er’ičän roduo n’yt on kyl’äššä kakši taluo , a viel’ä kakši taluo on l’äht’en Akad’emičeskoih el’ämäh – stančalla , Volоčkan tagah .
N’yt kyl’ä on kahteh slobodah n’el’l’äkymmen’d’ä taluo .
Miwla on jo šeiččimenkymmen’d’ä enžimän’e vuoži , olen P’otr Andr’ejevič .
On miwla poiga Van’a , hänel’l’ä on jo n’el’l’äkymmen’d’ä vuotta .
Miwn Ivan Petrovič on šeiččimet’t’ä kol’enua Ruis’puwsan el’äjie .
Rigeneh oldih palot ...
Kolhozan luajittih kuin i muwvalla .
Ed’izeh män’d’ih kolmekymmen’d’ä taluo , toizet viel’ä kodvazen pyz’yt’t’el’iečet’t’ih .
N’yt on predana Jamnoin mužikka Ovčin’n’ikov Ivan Al’eks’ejevič .
Miän kolhoza ol’i yl’en spravnoi , ewllun häd’iä n’i mis’t’ä .
L’eibä-šyöt’t’iä miän peldoloilla kažvaw hyviin .
Miän kohuššalla d’iedot muissuteldih l’itvan aigua .
L’itva proid’i miän kohuštua myöt’en , eis’t’y kyl’ie myöt’en .
Kuda-kumban’e kyl’än’e jäi koškomatta .
Šanottih , Zuabrus’s’a da Ber’ogovoi , n’äis’t’ä t’iet’t’ävis’t’ä kyl’is’t’ä .
L’itva tappo rahvašta .
Mužikat kirvehyz’iin vaššattih heid’ä .
Šurmah šuat torattih .
Ruis’puwstua vaš on kalmiz’o , n’iin i mänöw kakši vualuo r’adalleh .
Mulloin , šanottih , zavod’ittih peskuo ved’iä , da hyl’l’ät’t’ih – rubei nowžomah piämal’l’ukkua .
Kuin šanotah , n’iin i on : kalmiz’o Dutkin luona ber’ogašša goralleh on tože kalmiz’o .
Jogirandua uwttaw vejel’l’ä , viijit’äh luwt r’is’t’ikanžan .
Os’os’s’an goralla tože on kät’kiet’t’y .
L’itva keräi eluo i žiivattua otti , äijäl’d’i ruašti da šatatti , h’äd’äwt’t’i rahvašta , znai muissetah , kun pahua unda .
Miän tuatot muissetah voinua Turkin muanke .
Suvorovua paistih .
Pl’ennoiloida ol’i vejet’t’y , n’in guominot t’äwvet oldih .
Šiid’ä hiät kunnollow yl’ennet’t’ih .
Bajar’in aigua miän kyl’äššä , Jamnoissa , Vin’d’žašša ewllun .
Miän mama ol’i otettu Ploskoilda – šeiččimen virštua väl’i .
Heil’ä ol’i bajar’i Snaz’ina , Lopakošša (t’iäl’d’ä kahekšan virštua ) ol’i bajar’i Makarov .
Šanel’i mama , kuin el’et’t’ih bajar’in aigah .
N’el’l’ä päiviä ruattih bajaršinua , kakši omalla pellolla .
Yl’en mon’ikummal’l’in’e ol’i bajar’i Snaz’ina , monda kohtua paissah i n’yt hän’eh n’äh viel’ä , ei šais’ kuingi šiwla kaikkie i šanella .
Rahvaš ris’s’it’t’ih šil’mie , kuin kirboi bajaršina i l’ien’i vol’a .
Omalla ijäl’l’ä šuwr’i permenä ol’i el’ännäššä , ol’i r’evol’ucii .
Ka ol’i mis’s’ä d’iivua , kuin čuar’in ajettih .
Ol’igo t’ämä toivottu !
Kuin l’iennöw šuannun luad’ie t’ämä L’en’inаllа , ka ol’i piälakka hänel’l’ä .
Os’os’s’an Karassun Miša šeizo počotnoissa karavuwlašša , konža L’en’ina šano bron’evikalda Finl’and’iista tulduoh .
Kuin šano , n’iin i l’ien’i .
Rahvaš tuldih kod’iloih .
Muat tuaš juattih , ol’i z’eml’amiera tullun .
Uwdeh rukah rubeimma el’ämäh : igä el’ä , igä i opaššu .
Ruis’рuwstаh n’äh
карельский: собственно карельское наречие
Толмачевский