Тексты
Вернуться к списку | редактировать | удалить | Создать новый | История изменений | Статистика | ? Помощь
Kuin nahka luad’ie owfčinakši
Kuin nahka luad’ie owfčinakši
карельский: собственно карельское наречие
Толмачевский
L’ivottua
kuiva owfčina veješšä puolet suwtkie , kun’i hiän ei pehmene .
Panna kozlalla , ottua mielanke n’äzrä kossalla .
Luad’ie vuaša kagrazešta l’ibo vehn’äzeštä jawhošta , kävel’yt’t’iä šepäl’l’ä i n’ed’el’i muijottua .
Konža on šuwr’i part’ii nahkua , n’iin pid’äw panna keššel’l’ä vuašatordo , a kahen puolen puizet .
Kaššat yks’it’t’iän nahkat vuašah i lad’juat ran’n’immazeh puizeh .
Nahka puizeh pan’iečow kakšiin kerroin : piä da hän’d’ä vaššakkeh , villat šiämeh päin , a n’äzrä – piäl’l’ä .
T’äššä puizešša , kuh pan’iit , piet suwtkat , a šiid’ä otat , tuaš kaššat vuašah i yks’it’t’iän heit’t’el’et toizeh puizeh .
N’äin vaihtelet n’ed’el’ie kakši , kun’i ei rubie villa l’äht’ömäh .
Rubiew villa eruomah rienazellah – šilloin jo nahka l’iew valmis’ .
Konža vuaša l’iew valmis’ i muijotettu , ših pan’iečow jogo owfčinan kohtah puol’i funtua šuolua i kakši funtua kagras’t’a jawhuo .
Valmis’ owfčina on noššettava valumah .
Valuw , šilloin pužerrat kahella kiäl’l’ä kobrissellen lujazeh käz’il’l’ä keššeššä alah päin .
Märgäzenä rippeih pannešša riwvulla pid’äw luad’ie osatkan’e , dubinua myöt’en kahelda puo käz’il’l’ä tukkuomizeh l’iččuo , alahada päin vejel’l’ä .
Kuivaw nahka .
Kuin ollow pehmie , n’iin jo valmis’ i on , a kuin ollow kovan’e – pid’äw kohennaldua .
Šil’l’ä že vuašalla kaššallat owfčinan i tukkuot kalakukolleh , n’okat kiännäl’l’ät piäl’l’ä päin i l’iččuat .
Piet kodvan , kun’i ei pehmene – käz’i kuwlow .
Tuorahazena riputat nuorah hännän juwrešta , oijennat kaglan i kl’ukalla hierot , ed’izeh randazet oijennat , a šiid’ä yl’či nahkan .
Šiid’ä kruwgalleh muwttelet šivonda kohtua i vejät verkazeldi , nahka ved’iäčöw muozekši , myt’yš ol’i , i valguow .
Owfčina valmis’ .
Voit luad’ie dubittuo owfčinua .
N’äzrän kabl’iennan jäl’geh mielanke kerras’t’a kakši pid’äw voijella kiehutetulla parkilla .
Že nahka l’iew dubittu .
Dubittu nahka ei varaja vet’t’ä .
Vihmukkah-valakkah kuin korvošta – kaštukkah turki , järel’l’äh kuivi – ženže n’ägön’e .
Šanoin šanalla , a n’yt ožutan kaikki srumentat , kaikki buwtorat , mit t’äh d’ielah god’iečetah .
[Kaččoma : kožown’an , torrot , puizet , kozlan , katalkepual’ikan , kl’ukan ].
Miän mama mahto nahkua luadie .
Tule , mie šiwn opaššan , možot konžaigi rubiet luad’imah , šanotah : igä el’et’t’ävä – ewle poikki pellon proijittava .
Mid’äi maha – kaikki on hyvä .
Kuin nahka luad’ie owfčinakši
карельский: собственно карельское наречие
Толмачевский
Как выделывается овчина
русский
[
[
[
[