Тексты
Вернуться к списку | редактировать | удалить | Создать новый | История изменений | Статистика | ? Помощь
Enzi kieran nägin rakkat
Enzi kieran nägin rakkat
карельский: людиковское наречие
Южнолюдиковский (святозерский)
– Nu
vot mainičit sigä , d’ärvez Arhangel’skaz oli raakkad vai midä ?
Oli oli !
Äj oli raakkat .
Kačo siit venehid ei kaikil olnu .
Šura ku panouhäi lautal , ottau Gen’an lautale dai iče , siit panou ruagaižeh vilkan , korzinkuoin suau raakkat ksaduoin paluoin tuou .
Siid ned raakad vai pläšitäh pertis .
Minä dumain : ”Ojojoi nenid d’o kaluoit ”.
Ühten ehtän vierim magata .
Kaku vel’l’i rubettih kl’äpšämäh sigä pirulis .
Minä kirgun : ”Oi , An’a , oi , An’a !Rikotah meit kavai kläpšetäh nenit , nenil noktiit pergetäh ”.
Nu a siit toižen kieram minut tüöttih kalah .
Minul oli kačo ukol azuttu dogovor viištoškilod andai kuus .
Ku mänenhäi kalah skluaduh - män’ , män’ ka siga vie priimitäh da zdaitah skluadus .
Neč oli brigadire , oi , en d’o tiä Nikolai , Nikolaikse entiä miks kirguttih ižännimel .
Kalat se tukku nečiz on skluadun lat’t’ail .
Sanov : ”Val’l’iče , kotorii riba sanou sille paremb on , niil’üöit kaluoid val’l’iče ”.
Minä nenga perčankal šeluoin , šeluoin , val’l’ičinv val’l’ičin - ku sigähäi minul kobrištau raakkekulu perčankan !
Minä ku vongahtan (igässäh ennähnü ) ku fukniin nenga , se vai loškahtah seinäh .
Iče kohtkidad vongun .
A rahvaz , ned ribakat , kačoškattih minuhpiäi , sanou neče nügü uravui a se .
Brigadiire , sanou , Nikolai : ”Ka , Ignat’ouna , ti čevo , sanou , midä nügü sinä nenga rängüt ?”
Midä minä sanon : ”En tiä la miidne kala tartui mille kädeh la .
Vot nügü kačo la kätt čut ei purnu sih .
Vai andagatt viršiižeh kalat , iäre lähten kodih ”.
Tulin kodih , sanon la nenga entiä miidne kala ka ...raakke sanou tartui .
Siid ristitüižed nagrettih , naverno , minut .
Dumain la hengi lähtöu , muga pölgästüin sih kalah .
– Nu a kouzbo ezmäižen kieran ?
A enzimäižen kieran nägin ....
Lähtin pel’onkuoit niil’üöit pezemäh randah .
A sigä plotad on ej ole väl’l’ileh on , kuavih on iškedü net plotad da .
Mänen sinnä pezemäh .
Minä huuhtuoin huuhtuoin pel’onkuoit , sigä ku tulouhäi käbäliid niilüöit šliehkuttau .
Käbälid nenga viuhkuttau äijäl , viukuttih viuhkutti .
Minä duumain on vedehine , vedehine dai vedehine , nu , la täs .
– Enzikierad nägit ?
Da enzikieran elädessäh , min elin , kaikes igäs nägin sen raakan enzi kieram minä .
Sinnä lükäižin pel’onkäd dai kai , tulen kodih : ” Avoivoi , avoivoi !”
- ”Mi rodiiheze ?”
- ”Entiä ! La mi d’ärves tulou , minuh la tuli pr’amo minuh ottamah ”.
Tütär sanou : ”Ka l’äkämme , kačomme mi oli .
Kuzb on pel’onkat ?”
- ”Sinnä lükaižin la pel’onkad dai kai ”.
Mänimm ottamah .
”Mid oli , sanou , ielo ni midä , mama , täs , sanou ”.
- ”Tuli la tuagapiäi - tuli randammüödäh pitke la muguoine nene künded vai entiä mid e valgedad vai viuhkuttau käzid da siid .
Sanou mitahto ka on ”.
Siid müö otimme net pel’onkad iäre da lähtimme .
Siid enzikieran siid d’älgele ned raakat ku nägiškänzimme .
Dai rahvaz ned eläjät sanottih sanou , raakkad on meiden d’ärves , sanou , siid d’oges äi , se , sanou , sinut pölgätti .
Siid en rubennu varaidammah : hot’ mänen randah vedele libo midä k en varaida .
Dumain , ei la süo tuai , ei hüpni la , vedes sigä kävelöu ka .
– Nu süöittego raakkat siit ?
A siiten , kai nečidä vedeh kip’atkah pandah , kiehuu , siit sigä süödäh , čiistitäh moiže pikki d’o .
Vähäin on ku , vähä on leibät ka .
– Lihat ?
Nu lihat vähäin .
Lapsed net tuodah , süödäh .
Siid d’älgele : ”Oi la sinä , älgäd lähtegäd enämbi suamah !
Lähtegäd älgät vous’o , olgat päivilleh nenid raakuoit ”.
A lapsil in’t’eresno , nengomat tuldah čuudot ka .
Enzi kieran nägin rakkat
карельский: людиковское наречие
Южнолюдиковский (святозерский)
Впервые я увидела раков
русский
– «