Тексты
Вернуться к списку | редактировать | удалить | Создать новый | История изменений | Статистика | ? Помощь
Pelduoižen lohkon külät: (5) Salmeniška, Kaškana
Pelduoižen lohkon külät: (5) Salmeniška, Kaškana
карельский: людиковское наречие
Южнолюдиковский (святозерский)
– Kävüidgo Salminiškah ?
Salme , olin
!
– Nu miittumat küläd oldah sigä Nuožarvespiäi Salmeniškahpiäi ?
Salmeniškaz oldah ...
Müö kävüimmePriäžäspiäi , oi lidnaspiäi ajelimme , muuruoih ajelimme .
Ku Nuožarveh ajat , siit Mikkill on .
Nu virstat puolikümen vai mi heit sigä , et kačo mi on ...
Sii müö Mikkiläh mänimme , siid Mikkilaspiäi nel’ kilometrid on Salmeniškah , siit Salmeniškaz olimme , mašinal , pr’amo .
Siid on sigä ...
Muštuoitan müö vüö (vüö ⊂ vie ) ku lähtimme sille suole , muard’ah , üöstüttih .
Henged meid oli kuus seiččei .
Meill oli Salmeniškaz otettu n’eveske .
Da hänel oli muamo , svuat’t’e , sanuoi , što se on suo muuruoisuo , Šoga mägen n’okas .
A minull oli pam’atti ku hüvä ka muštin .
I müö sigä kävelimme , kävelimme minä sanon sille Pavarickuoile An’n’i : ”Hoi , ei tännä pidä mändä , müö üöstümme ”.– ”A kunna ?” – ”Šogamägem müödäh pidäu meile mändä , siid äskü muuruoisule puutumme ”.
Muga lähtimme dai muuruoisuole puutuimme .
Se on suo Salmeniškan suurutte kahtetoš kilometrid on üksku d’ärvi .
Istim muuruoi .
Vot siid müö d’o d’ärilleh .
Da siid d’o olin vie d’älgele toštii olin sigä , Salmeniškas .
Enzi kieran olimme Priäžän kavati , Nuožarveh tulimme .
A toižen kieran tulimme D’essuoilan dorogad müöti , sigä nečis , Kutižmoz läbü , da siid D’essuoilah n’ezahod’a .
Al’okkin külä oli .
D’essuoilah siit kiändäheze hurah kädeh dorok Korzah .
Sinnä ajuoimme , siit Korzaz oli proidihui Salmenkülä , siid oli ...oi kuj on siid em mušta küläd mi oli ei tobd’e küläin on .
Siid nouzet Salmen külän proidihui , sinnä Mikkilähpiäi , siid opät’ Salmeniškan proidit .
Salmenišk oli d’ärven randas tožo eli i vie miidne liennou d’ogi olnu se onnako oli Suomespiäi d’ogi sordui .
Siid oli daže olimme , proidiimme ka parded oldih kai .
Net sanou oldah Suomen pardet , vai mouže meiden ol’d’ih ka sanotah suomelaižiden pardet sanou oldah .
Pezimökseh sigä muard’as tuldui d’ärver randaz .
Ištuimme , hengävüimme da siit sih küläh tulimme .
– Mainičematta meil d’iäi Kaškanan külä , miituine se on ?
Kaškanan külä Simaništoz lähtöu , kakskümen virstad on .
Minull oli Kaškanas sizär miehel , sinnä tožo kävüin , ajuoin podvodad dai mug olin pruaznikal .
Kaškanan külä üks on .
Mänet sinnä kuus kilometrid d’iäw Leppiselgät proidit kunna simaništolaižet ruattih dai kai Vuažene ...ei Vuaženen , Brada-d’ogi , nu pieni d’ogut , kirgutah Brada .
Nu a siid Bradan sen proidit siiten on .
Niitut tuldah , povorotte nouzed üläh , buitoku külä nägüu sigä , vai heitätö povorotas d’o külä ei nägü se .
Toižen povorotam mänet siid d’o küläle nouzet .
Niitud heil lähin eno alahan , a d’ärved ielnu Kaškanas : neče , kaivoz vette kandettih d’ärvi , d’ogi oli loitton se Vuaženen d’ogi , lähin ielnu siit .
Bradan d’ogi kuus kilometrit Kaškanaspiäi .
– Oligo d’oges Vuaženes sigä kasket ?
Midi ?
– Kasket .
Kasket ?
– Kosket !
Kosket ?Oli .
Vuaženen d’ogez müö ajuoimme podvodah ka koski on pala kesket , muga proidii daže Vuaženen d’oges kohiži kuuluu .
Ajat talvel ka vai turu mänöü duumaiit .
– Külän lähel ?
Ei lähinnu loitton kuuluu , kilometrid mouže nel’l’ on küläspiäi .
– Koski ?
Kosket , Vuaženen kosket da kai .
Šigä müö kačo ku vähän sen , sigä nene vuaženčad da siit kaškančat sigäi elettih , meil muga , vähäižel gostih sinnä mäned da kai .
A omal mual tägä kačo Pühäd’ogel da kai , sigä enembäl .
– A kunna dorok Kaškanaspiäi edelleh mäni ?
Kaškanaspiäi mäni edelleh Kujärveh , Mečuoiniemeh , vot , Mečuoiniemi da Kujarvi sinnä kävüttih .
Kakskümen kilometrit kaškančat sanottih oli siid Mečuoiniemeh da Kujarveh .
Sehäi tulou d’o sinnä kui heit sanotah Svirin čurah , vot Svirin čurah Mečuoiniemi da siit Kujarvi .
Kaškanan neidižed ad’vuoih Mužalan da kai bohatištot siid Mužalas sigä näge , kakskümen kilometrid da kai proiditah ka ei äijät ni olnu .
Siid vie Mečuoiniemen neidižed ol’d’ih beśoduois .
Meil moižet neidižet Mečuoiniemen fartovuoit , minä muštan olin vie nedoroske , neidine ka moine int’eresno kaččoi miittumad on fasonad da miittumad neidižed da kai kui , mugomad oli näbedäd neidižed ol’d’ih Mečuoiniemen .
Tuldah Miitrain päivil ad’vuoih da siid nareko Dürgissuai oldah , vot ende kui gostittih , pruaznikaz da pruaznikkah .
A rodiit’el’at sigä kodis ruatah .
Ken voivalline neidine ka siit bohatuoiden ka kävelttih gostiz vai käveltäh .
Pelduoižen lohkon külät: (5) Salmeniška, Kaškana
карельский: людиковское наречие
Южнолюдиковский (святозерский)
Деревни в окрестности Пелдожи: (5) Салменица, Кашканы
русский
[
[