Тексты
Вернуться к списку | редактировать | удалить | Создать новый | История изменений | Статистика | ? Помощь
Pelduoižen lohkon külät: (7)
Pelduoižen lohkon külät: (7)
карельский: людиковское наречие
Южнолюдиковский (святозерский)
Nu
siid vie oli Präkäz nouzet kaks kilometrit poikki d’oges Login .
Tožo oli kül’ä u ei äijät taluoit kolmetoš , viištoš ül’en äi .
Da siit tošo d’ärvirandaz eli .
Ei olnu muga heiden d’ärvi , Loginan d’ärvez i ei lähtenü d’oged ni kunna muga umbilambikse kirguttih .
Toko nagrettih , sanou : ”Läkämme vai Loginah , mänemme ka mustad ahvenište süömme ”.
Vez’ eini kunna lähtenü moiže ka mustad ahvenižed oldih , sanou , vot on kalat miittumat .
Nu a siid oli Priäže , se suuri külä .
Siit Priäžän rindal siit kaks kilometrid on Niimägi .
Niimäges tožo d’ärved ielnu , kaivuois .
Šängimäh kävüttih kilometrit kaks pezemäh sobid libo midä ka siit sinnä .
Präkäs tožo kač- ku olihäi loitton d’ogi ielnu .
Siid buukku pandah regeh da siid viedäh mel’l’ič perttih .
Siid mel’l’ič pertis sigä huuhtotah d’oges sobad da siid d’äril’l’eh regeh tuodah .
Kezäl se vie hot’ oli sigä luhte ka vähäižel , а talvel kuzbo pezet ?
Siid mel’l’ičperttih pandah moužet kaks taluoid libo kolme kerävütäh , buukkud regeh hebole regeh da siit sigä mel’l’ičpertis .
Kaži (kaži ⊂ daže ?) kummaksě kačot miittumat d’ärvirandas ei eletä külätkä , ozuttaheze kummakse .
Vot muga tožo Niimägez oli , hüö Šän’gimäh kävüttih .
A ken d’ärvirändaz eläu ka d’oga omas randas läht oli , peze dai huuhto dai midätahto ruada .
– Nu a edelleh Niimäges kunna dorog ?
Se mäni Kindahah , Siämärveh mäni .
Kindaz vie oli kakstoš kilometrit Niimägespiäi .
Minä olin sigä Kindahaz , elimme dai ajelin podvodat viemäz oli .
Kindaz eli d’ogirand oli suuri d’og oli Šuojun d’ogen randaz eli Kindas .
Koski sil oli ka pošči metrit kakssadat pidutte , koskell oli sroittu silde se , suuri sil .
Nu , mänet ka kačot vai läpettäu kosk alahan proidii se Šuojun d’oges , nu a häi eli nenga ülähpiäi i kosken karill elettih kosk oli .
Nu a siid d’o sinnä Kindahas proidit ka oli šest’d’es’śat’ pervuoi učastk oli , kirguttih šeissat pervuoi , kilometrit kakskümen viiš .
D’o sel lähtöu Siämärven pogostale piäi dorogaine kaide oli .
Minä oli Korzah viemäs omat poigat kous Šekeemäs häi učiheze , vahnin poige Iivan .
Siit viein Ol’ešan Miikkulan da siiten oman poigan , heiden t’el’eg meiden hebo .
Kač pidi kui ruata : sigä hebo heil еj olnu viemäh meiden hebo pandih , a heiden tel’ek kaččoi .
A sigä moižet pahat .
Siit tulin kodih tožo , buabuška küzelöu , muatuška : ”Nu midä sigä da kai ”.
Ielnu nene neicükät piened da starikke nuotale da kai .
Min itken , sano (sano ⊂ sanou ): ”Mäne päčile , mäne päčile , nouze da sanele ”.
Hai itköu i min itken : vunukke pahah kohtah puutui , vot on miitutte azeit .
Siid mugomal vilul tulin ni odva hebon lasketin .
Muguoine pahamieli , poige pahah siäh puuttui uččimaheze .
A nügü kačo učittiheze dai , ol’d’ih dai d’älgele rodiih Korze sentre .
Pelduoižen lohkon külät: (7)
карельский: людиковское наречие
Южнолюдиковский (святозерский)
Деревни в окрестности Пелдожи: (7)
русский
[