Тексты
Вернуться к списку | редактировать | удалить | Создать новый | История изменений | Статистика | ? Помощь
Pelduoižen lohkon külät: (9) Mange, Priäže, Matrosse, Pošt
Pelduoižen lohkon külät: (9) Mange, Priäže, Matrosse, Pošt
карельский: людиковское наречие
Южнолюдиковский (святозерский)
– A
edelleh sidä dorogad müö miittumat külät tuldah ?
Riiselgäspiäi ?
Nu ka vot siidhäi Nuožarven külät tuldah sinnä .
Mange tulou .
Ende Nuožarved om Mange , Mangall on d’ärvüt kaide , da d’ogi , oja matkadau .
Se on hüvä kohte – vahne , vahne Mange , d’ärvi on kaide , kalat suada i oja matkadau siit аlah proidiu sinne .
Nu a siid d’o sinnä kačo minä sanuoin Kaskesniemed da kai lähtedäh d’o Nuožarvi lähtöu .
– Nu lähtemme Präkäspiäi edelleh , sinnä lidnahpiäi midä oli ?
Präkäspiäi ku lähtethäi lidnah sinnä ...
Müö ainos kačo lidnah kävelimme burlakuoiččemah dai elot nu , suomah (suomah ~ suamah ) burlakuoiččemah libo pruaznikuoile libo midä müö emme sanonu Petrouskuoi , sanottih ainoz lidnah , lidnah lähtemme lidnah .
Präkäz lähtet Priäže on .
Vahne se vahne Priäž oli , moine külä pitke .
Niemel’l’eh enzimäižeks mäned on Lietemägi , ainos kirgutah Lietemägi .
Kodit tožo vahnat , ei hüvät , Terunküläks kirguttih , siid d’o mänöu sinnä Terun-külä , Keski-küläh , Keski-küläks kirguttih se oli Šiškinan kodid da kai sigä bohatuoiden .
Siit se Keski-külä se mänöu d’o , ojassuai , Kikin-ojakse kirguttih , Kikin-oja se lähtöu , Keski-külä loppih sih .
Nu a siid lähtöu vie Keski-küläs sinnä Terun-agd’e , edelleh se , Terun-agd’e tännä d’iäu d’ärvem müödäh , sigä elettih Kočkinad da kai vot Terun-külä .
A Suavan-agd’e se oli d’o lidnan n’okke .
Se piäl’či nečis Kikin kodiss d’ogudes poikki .
Se d’ogi , oja , lähti Priäžän d’ärvez mäni Šän’gimäh , vot ’siid i kirguttih Kikin-oja .
Se sinnä lähtöu Suavan-külä , muit külid ej olnu se loppukülä , neččinä lidnah ajades .
Nu sigä d’o edelleh dorogad müöti lidnah se dorogah tulou viištoš kilometrid oli Matrosse .
Minum muštamah se pieni mäned ajat daže kačot nuorembaite ka kummakse mänöu ...
St’opanan kod’ oli da siiten Zarekuoikse kirguttih .
Pelduoižiz männü miehel oli Maša Kondruoin siit omidelloh i mänet .
Da siit Oksen’t’ain kodi da Mikitün kodi oli siid Aida-Fen’akse kirguttih sen kodi .
Siid i külä oli se pieni .
Nu siid heill oli oja se matkadai silde , matke dorok .
Ka silde oli hüvä , nu oja sinnä mäni Šuojun d’ogeh tožo sordui .
Nu siid edelleh lähtet üheksä kilometrit mäned d’algai libo hebol libo mil Pošt oli .
Poštaz üks tožo (üks tožo ⊂ ükstošt ?) taluoit siit oli .
Minä daže voin muštai sanoda miiččet taluoid ol’d’ih enzimäižekse mäni Trupkakse kirgut’t’ih , Trupkan kod’ oli .
Saša oli neidine siit Pelduoižih kävüi tožo ad’vuoih di ühtel aiga pošči n’eidiščimme .
Pogostal oli meil’ miehel se Šašan Trupkaks kirguttih .
Siid oli Rogin , taluoi pieni kodiine moine enzimäižeks mänet .
Siid oli Zaharan , Bajarin oli .
Bajarin da Zaharan ned ol’d’ih net bohatat .
Nu kous emme lähte niilüöih , siit Fedorah kävüimme müö ainos sih libo San’kalloh libo neče Akimounalloh .
Se fat’eruoičimme kous tulin siid azetun .
Nu a siid sirinä nu taluoid oli äi , Ročkan kodi ei Rot’kan kui neče Onnin Ol’ešan oli da Onnin Vas’an kodid da kai .
Ned elettih lidnan n’okal , bohatat ka minä sinnä en kävünü ni vous’o ainos siit Trupkinaz da neniss Zaharas Ivanounalloh .
Kous podvodas tulet libo hebon ker libo hebota midä ka vit’ tulet kodispiäi kakskümen viiš kilometrit enämbän ka tahtod d’uoda čuajud libo midä ka .
Siit käsket : ”Keitä samvuare , Ivanouna !”.
Libo nečis tulet siit Trupkilloh .
Seičas keitetäh , d’uod lämmined da eväste palaižen süöd da .
Olnou d’en’gat kaks kopeikkat ka heität stolale ielne ka , muga lähtet , ei ni pakittu d’engad dani midä , vot oli kui ende .
A ku tulethäi podvodad ajuoimme kous tüötäh podvodah tulet ka üöz läbü tuli paluoi , lamppe stolal , ei sammutelttu ni vous’o .
Siit oli Zaharas valgei tahne , mouž on hebot kakskümen , siämärveläište dai kaiken külän siih azetutah hebuoit pidi süöttäi .
Podvodad ajat Kaškanuoispiäi .
Nu kai siid lidnah ajettih sinnä .
Fonari kell on omembe ka fonari tožo palau .
Tulifonaril kävüttih hebuoit süöttämäh da kaččomah valgedah tahnah i eig olnu , kačo , pot’er’aškad ei olnu nimidä .
Eigo regez on sigä .
Tošči nu , matkalaižed da vedod ol’d’ih ka kaikked on , ka ei kadonu ni üks ni mi da regess ei otettu ni midä .
Nuorittu regi l’ekahutettu ei kel lähtöu ende se podvoššikat toižih külih sinä mouže tuled müöhembi ka hebot süötät sentiäh sanou ei lekahutettu .
Libo pihale d’o ielo valgedah tahnah siät ka pihal reget seižottih , ni üks ni mi ei lekahutettu , kadonu ei .
Pelduoižen lohkon külät: (9) Mange, Priäže, Matrosse, Pošt
карельский: людиковское наречие
Южнолюдиковский (святозерский)