Тексты
Вернуться к списку | редактировать | удалить | Создать новый | История изменений | Статистика | ? Помощь
Ende eliba uk da ak
Ende eliba uk da ak
вепсский
Средневепсский западный
Ende
eliba uk da ak .Ukou da akou oli poig .Nece priha mäni besedale sündumas .Sigä prihad besedou nagroiba , nagroiba , midä putei .Kundlemaha tariž mända .
A üks’ priha sanub :
- A rohtitei-ik ken pustha pert’he mända kundlemaha ?
Nece priha sanub :
- Rohtin minä .
Iškiba kehlan .Nece priha i män’ pustha pert’he kundlemaha .Nece pert’ oli derüunäspei edahan .Tuli pert’he , ištuihe rundugale i kundleb vaiknašti , ištub .Ištui , ištui .Mäne teda kuspei tuli niižne .Näge ii , a kädes …
Käduu tabazihe , sab :
- Ota mindai mehele .
- Ka kut minä otan , nece priha sanub , mehele . - Ved’ minä sindei en näge , ken oled ?
- Ken olen , a ota . Nak anda sinä ičeiž kol’ceine , ota minun i ota mehele .Tule homen ehtkoižuu svathuzile .Ed tule , nu ka minä sindei s’o ruuno rikon .
Nece priha kol’ceižen niičele andoi , hänou oti .A nägend ii , ken oli .Mehele ota , a nägend ii nikeda .Tuli kod’he .Ei mänd besedale nikuna .Libui päčile .Sapkoiš dei , sobiš dei .Pän čokeiž perha i venub kohtuu .Sutkad venub .
Tat da mam kirotas :
- Mi sinei teghe , mi sinei teghe , poigeižem ?
Potom hän sanub :
- Vot azjad ningomad .Minä mänin pustha pert’he kundlemaha , i mindei en teda ken kädes tabazi i sanui : ota mehele .A ed ota , nu ka azjad hubad , minä sindei rikon sö ruuno .
Nu , roditel’ad dumeiba , dumeiba :
- Nu , sanub , dovediše mända .Ken oli da ved’ , dovediše ajada svathuzile .
Ajeiba svathuzile .Mäniba .Pertiš nikeda ele , vilu .Loučha ištuiheze .Kacuhtiba , kuspei-se tegihe stol , stolale tuli samvar diki čoma , kuudaižed čaškad , adivoičetiba hiidäzei , zakuskoid säkijid , a nähkoi nikeda ii .Hüvä .
Nece niižne ozutanus ii , a sanub prihale :
- Ningomuu pejou , kacu , tuugat svad’bou , tänna .
Läksiba svathuzilpei .Mugomuu pejou , kudamuu pejou niižne sanui , soberihezei svathuzile , tuliba svad’bou .Tuliba , kacuhtiba .Samvar stolal .Stolad diki čomin lat’t’ud .Zakuskoid , keiked .Čaškad kuudeižed .Čajud jomha ištuiheze , kacuhtiba , niižne läksi , diki krasivi , čoma .Sädos .Nece niižne voikaškanzi svad’bas , voiki , voiki .Čajun joib’a , söib’a .Kaik sijad s čestju radoiba .
- Nu nügde ajagam mijale , ajagam satmaha .
- Satjid-ni tuleb-ik ?
- Tuleb , sanub nece niižne , - satjid tuleb äi .
- Nu tuleb ka , ka minei ele , ei mil adivoičetada .
- Ala huudu , ajamei kod’he ka . Nu ajamei da .Kacu siičas .Dedam tob kaks’ sundugašt : rustan i mustan .Nu ka ala lenda iče sinä korjha .A käske , dedam okha iče vöb .
Homeič priha sundugeižid , mustan i rustan .
- Lenda , sanub , dedoi , sinä , a minä emboi .
Paginan priha kuleb , kaikide kuudas , väčatas äi , a nähtas ühten tol’ko nevestan .Hüvä .Sid’ lendi sundugeižed korjha .Svad’bou ištuiheze , ajeiba , tuliba derenaha .A satjid tuli äi .
Niižne sanub :
- Kacu , tariž nügde huutta tedad midä , vinad !Na-ške , sanub , dengoid da mäne loukha , da to , sanub , buč vinad .Dei aveida , pane kouheižed diki äi ümbri .
Muga priha radoi .Ajoi hebou loukha , bučin vinad osti , lačhu pästi , kouhaižed ümbri pani .Nene čortad vinad juib’a , juib’a , dei humouzuiba .A dedaze sanui : pol’he öhösei miše uudeiž kodiš .Humouzuiba čortad dei sutkad magaziba .Mäniba kodihe sutkoiš päliči .
Ded sanub :
- Nu , kut sigä ?Kut eläd da mil , sab , adivoičiba ?
- Muga , dedoi , adivoičeti , nu ka enamb igäs miile ka i dumaida ii tariž . Muga adivoičeti da beregoiči .
A nece svadib proidi .Niižne andoi avadimuden rusttas sundugeižespei .
- Nügud’ sinä nece sundugeine aveida .
A priha eli bedno .Sundugeižen priha aveiži .Sigäpei lähteškanzi živatoid , läksi lehmid , heboid , vazoid , lambhid .I muga hii eleškat’he necen murz’aimen ke diki bohatas .
Ende eliba uk da ak
вепсский
Средневепсский западный
-
-
-
-
-
-
-
-
-
Зайцева Нина Григорьевна
Жили раньше старик и старуха
русский
-
-
-
-
-
-
-
-
-