Тексты
Вернуться к списку | редактировать | удалить | Создать новый | История изменений | Статистика | ? Помощь
Kut mužik i kondi semenziba nagrišt
Kut mužik i kondi semenziba nagrišt
вепсский
Средневепсский западный
Ende
eliba uk da ak .Uk mäni mecha palod semendamha .
Tuli kondi :
- Uk , midä semendad ?
- Ka ladin kagrad semeta .
- Ka palo-se om minun .
- Sinun ei sinun , da minä čapoin , da minä radoin ka , minä semendan .
- Ed semenda , en käske .
- Käske , kondi . Ühtes semekamei .
- A ühtes ka semekam .
Mužik paši , kagrad semenzi , sügüz’ tuli , kagr kazvoi .Homeič kondjan .
- Nu , kondi , sanu , otad ladvan vai tüven .
Kondi sanub : - Konešno , tüven .
Mužik tuli , kagran rahnoi .Kagran uberi .Säng’ …Kondi tuli , ka säng .Kondjale nimidä ei tulend .
- Užo , mužik , uduu voduu ed manita .
Toižuu voduu mužik kondjan homeiči .
- Midä semendamei ?
- Semekan nagrišt .
Nagrišt semenziba .Sügüz’ tuli .Mužik kondjanno mäni .
- Nu , kondi , otad ladvan vai tüven ?
- Muloi manitid , a töu voduu ed manita . Konešno , ladvan .
Mužik tuli , nagrhen nühtiba , leššiba , nagren uberiba .Natid jätiba .Kondi tuli natid .
Mužikale i sanub :
- Mužik , užo , touvou hougod tuled , ka minä sindei opendan .
Tuli tal’v , vilu .Pertiš viilu .Hougod ele .Mužik ajada ii rohti .
Ak sanub :
- Aja , mužik , aja .Minä , - sanub , - tulen sinunke .Otan kavaz’ludan , da , sab , seižun edemba .A sinä sanu - ak om oružjanke .
Tuliba sinnä .Ak seižub , mužik tuli , a kondi varastab .Ak homeič sigä kondjan , mustištab da .
- Uk , midä sigä mustištab-se ?
- Tervazkand !
- Tervazkand om ka , mijak ed navali ?
Kondi sab :
- Navali , navali , da hilläšti .
Mužik kondjan reghe navali .
- Navalid ka mijak ed norui ?
Kondi sanub :
- Norui , norui da välläšti !
Mužik norui välläšti .
- Ka mijak tervazkand om , ka kirvest ed iške ?
Kondi sanub :
- Iške , iške , da siriči , kousthaze .
Mužik kirvhen kousthaze iški .Kondjan kinktäs noruškanzi .Kingiti veiše , kondi ku kriknib !Hebo fatib , da kod’he .Ak da uk tabazihe , da tol’ko ehtiba .I toiba kodjan kodihe .Kondjan rikoiba , kondjan lihan söibä , a nahkas sapkoid ombliba .
Kut mužik i kondi semenziba nagrišt
вепсский
Средневепсский западный
-
-
-
-
-
-
Зайцева Нина Григорьевна
Как мужик и медведь репу посеяли
русский
-
-
-
-
-
-