Тексты
Вернуться к списку | редактировать | удалить | Создать новый | История изменений | Статистика | ? Помощь
Akoide vlast’
Akoide vlast’
вепсский
Средневепсский западный
Ende
eliba uk da ak .Ukou , akou oli koume poigad .Kaks’ poigad oliba neinuded , a koumanz’ poig oli holosti .
Guleji ihten niiččenke .A nece niižne deruun’as mugoine oli koir , mugoine koir !Da läžui , kaik händast ii voitud nähta i vareižiba .
Guleiba hii armijahassei .Necen prihan otiba soudataha .Sanuiba .Niiččen kucuiba Fen’aks .
"Fen’a , sinä mindei varastad-ik koume vot "?
"Varastan , Vasin’ka , varastan "!
"Minä tulen i sindei mehele otan "!
Se priha služi armijas .A Fen’a značit varast’ koume vot .
Priha tuli kodihe süguzuu , koume vot proidi ka .Besedou kävi sigä dei .
Fen’a sanub : "Nügde sinä , Vas’ka , mindei mehele ota "!
"Ka otan , - sanub .
– Ka en tä , kut tatam da mama-se ".
"Ka sinä ,- sanub , - manitid mindei , koume vot varastin ka .
Nügde ala küzu nikel ".
Tuli priha kodihe ."Tatoi da mamoi , minä , - sanub , - ladin neida ".
"Ka ladid neida , ka keda sinä ladid otta , mamale-se ofot teta "?
"Ka dovedise Fen’ad "!
"Vooi , Fen’ad ka !
Fen’ad otad , ka miile elod ei linne sid’ .I ležn , i koir "!
"Om da , koume vot varasti Fen’a , ka dovedise Fen’ad otta , mamoi ".
"Ota , ota "!
Nu ajoiba svathuzile , Fen’an mehele otiba , svad’ban vändiba .Toižuu homencuu libuiba , tat da mam kaikid poigid jagoiba .
Vas’kale tuli huba korjeine , länged , suičed , da hebod ii tulend .
Jagoiba , muga eletasoi .Huba pertiine .Eletasoi .
Tuli pihapanom , praznik .Kaik katkele ajetase .Adivoihe ajetasoi .A hiiläzoi hebod ele .Išttasoi .
Minä sinnä joksin hijale , hii išttase iknan sires .
"Ka mijak , Vas’ka-däd’oi , iknan sires ištutei , et ajagoi nikuna praznikale "?
"Ka miilamoi ele , prihač , hebod ".
"Ka Mikul-däd’ hebon möskendeb koumes rubl’as ".
"Ka mäne-ske , ota .
To miile hebo-se "!
Mini andoiba koume rubl’ad , suičed .Minä mänin , Mikul-ukole koume rubl’ad andoin .Mikul-uk hebole pani suičed pähä , minä toin .
Hii otiba , hebon val’l’astiba . Zbrui konešno oli ka .Čoman diki korjan paniba .Jäl’gile korjha riputiba , ištuihezoi , ajada matkha adivoihe ka .Oli nainu-se koume virstad , ii edahan . Ak kus eliba ka .
Ajetas sinnä .Ajoiba , ajoiba .Heboine mäghepei , jo koumes rubl’as ka , surdi jo , hälle jo tari prapat’t’a .Enamb veda ii .
Vas’ka nukut’ , nukut’ , hebo veda ii .Hänou kirvez korjas , fati kirvhen , hebou pän čapoi .Hebou pän čapoi , lasketi .
"Nu , Fen’a , sinä mäne eižoihe "!
"Ka min sinä , Vas’ka !
Ka oled-ik meliš ka "!
"Koumhe kerdhassei ".
Toižen kerdan sanui .Fen’a ii mänd .Koumanden kerdan sanub , ka pän čapab .
Fen’a – eižoihe .Mäghe korjan .Ištuihe Vas’ka korjha , a Fen’a vedab .
A sigä varastadas kodiš adivoihe-se .
Mam sanub : "Kacu-ške , uk , Fen’an-se vävü vedab dei ičeväguu ".
"Mijak ?
Vävün Fen’a vedäb "!
Homeičiba .Ka ii tekoi , midä lähen enamb vastata-se .Ii ehtind .Tuliba s’o-taki .Enamb sanutud nimidä ii .
Sutkad vinad jui , toižed jui .Adivoičihe .Uk hebon , starik , val’l’asti , vävun kod’he vei .Ika Fen’an val’l’astab .
Tuliba kod’he .Eletasoi kevädehessei .
Keväduu zavodiba rahvaz pašt’a .Hiiläzoi ele hebod , nimidä ele-ka , mil pašt’a .Iknaha sihe kactas pihanpejan .
Nece Vas’ka sanub : "Fen’a , män käun , sab , mecha da minä , sanub , tegen penen adreižen , sanub , da penen äghüden , sinä veda da , a minä , sanub , napravl’ajin da jäl’ges abutan , dei kacuhtad , semendamei .Astu "!
Mäniba mecha .Penen adreižen sidoi , da penen äghüden sidoi .Toiba , mäniba pašmaha .Kindiba , pašiba dei .Muga .A narod-se udivl’ajiše .Mugoine hilläine ...Strašni čud .Fen’a kindab , a Vas’ka adras pidäb .Kindiba , kindiba .Dei nece Fen’a ägestab .
A Vas’ka sanub : "Minä kuti sindai kädes pidän da jäl’gil ka , kuti hebon ka , veslemb .Vedän kädes ka kebnemb "...Ägestaba .
Sigä tat-se Fen’an sanub : "Mäne-ške , sanub , ak , lapsid-se riža .Ved’ rahvaz semetas , ka Fen’a-se semetas vei ii ".
Ak joste , munid mastn’aha , vinad sigä .Tuli .Tuli ka sigä ...
Sanutas : "Ele kodiš .Hii piidou naku ka , ägestadas da kinttas da ".
"Kutak muga , anop dumaib , ägestadas da kinttas , hebod ele ".
Mäni sinnä , homeiči , Fen’a äghen vedeleb , a Vas’ka značit vicanke jäl’ghe käveleb .Hän jo ei varasta , nece anop’ , nimidä .
Vas’kale , midä puti , Vas’kale , midä puti : "Lapsen imbri iloitelese , da lapsen minun nakazivajut da abiditas da .Varasta "!
Anop’ tuli lähemba .
Vas’ka , nece vävü , sanub : " Nu-ko sinä-ki eižihe "! Anop’ ii mäne . "Nu-ko eižihe !Kahten ka vedoudad .Ägestoudamei da mämei čajud jomha ".
Ka anop’ midä puti .
A nece Fen’a sanub : "Mamoi , kacu , tule eižihe da abuta , ika sinai-ki pän čapab .Hebou čapoi dei .Minä vareidan – pän čapab ".
Anop’-ki heboihe , kahten ägestouziba .
Nece Vas’ka sanub : "Mäne nügde , Fen’a , lämbita čajud mamaleiž ".
Ka bapka pazi eižišpei , ka darom čai dei , kod’he joks’ . Tuli kod’he .
Nece uk küzub : "Nu kut eletas vävü da Fen’a "?
Eletas , ka ninga , ka ninga ...Ka sigä ...Nece sanel’ , sanel’ keik sijad bapka , ka väriž .
Ka uk sanub : "Mända mini kacta ".
Uk tuli toižuu pejou .Ratas sigä .Uk tuli : "Zdorovo , dei vam pomoč ".
Fen’a ägestab .Vävü dei sid’ , kahten ratasoi .Uk tuli : "Kut elätei da , kacuhtada ".Mäni rad , mäni rad .
Nece Vas’ka sanub : "Fen’a , darom ägestuz .Mäne-ške , pane čajud lämhä ".
Mäni Fen’a , čajud pani lämhä sigä , prigotovi , keiti midä-se .Vas’ka mäni , butulkan vinad oti , tuli , ukon vinou joti .Uk kod’he pajonke män’ .
Bapka sanub : "Kut sigä eletase "?"Eletas čomin !
Hüvä muga eletas ".
A narodale-se čud , ka strašni čud .Hüvä i mužikale čud .Pašn’an lopiba .
Tehkam sobranije !Tehkam !Tegiba sobranijan .Fen’a sobranijale ei mänend .Mužikad , akad kaik mäniba sobranijale .I Vas’ka mäni .Kaik Vas’kale čududelese .Nu i ak , ak ka ak .Ii koirustelde .Ka radab hot’ min ka .Kaik čududelese .Hüvä radab ka .
Zatrigam-ko tänambei tehtase akoide vlast’ .Zatrigam .Hüvä .Zatriba .Sobranije kevaduu ka končihe .Dei homencuu asttas kod’he suimaspei .Tuudas .
Nece üks’ ak i kolotiše .Nece Fen’a mäni avaidamha .A pihapejan homendez .
Tuli dei : "Ka midä , sab , ehtou sobranijou-se "?
"Vei sinä , Fen’a , sobranijou-se !
Sinä ku tedeižid , sobranijou-se ehtou min rešiba ka "!"Min "?
"Ka nügde tänambeižes pejaspei miide vlast’ "!
Ii uskond Fen’a , joks’ toižen akannost .
Toižuu akou : "Ka midä sobranijou "?
"Ka sobranijou-se ...
Fen’uško , sinä ka !Nügde min mužikale käskemei , sen hän i rata dolžen "!
Koumandenno joksi .Koumanz’ sosetka sanub : "Nügde , Fen’a , jo vlast’ ka vlast’ !Vanhakeine mugoine .Minä igäs ningošt pejad en eländ !Näged , miččed ozavad .Tänambeižes pejaspei akoiden vlast’ "!
Hüvä .Tuli kodihe , lehmäd lüpsmäta !Lüpsinragendon potkul Fen’a .
"Libu , lehmäd tari lüpsta !
Tedad , ed , miiden tämbei om vlast’ , akoide !Enamb hüväd ii .Tartutei dei fatib !Magadad kuti bajar’ "!
Se libui ka : "Fen’a , seičas , lüpsan seičas , Fen’uško , lüpsan "!
Mužik käded pezi , hijamad kändi , mäni koume lehmäd lüpsi , kojokud-gi meidon-se : "Kuna , Fen’uško , sehleita "?
"Lüudad iče padad !
Tedad , kus eletas ".Meidon sehleiči .
"Kacu nügde , Vas’ka , minä nügde sindai opendan !
Minä , kacu , mänen pagastaha .Pagast koume virstad mijoupei .Sinä lämbita päč , pašta kolobad , segloičed , kalitkoid pašta .I nakka virstan taga järvespei to vet samvaraha !Vädr sid’ , i samvar lämbita "!
Vas’ka sab : "Hüvä , hüvä , Fen’uško !Lämbitan , dei kundlen .Vaiše ala äjou abidi ".
Mužik oti , koloboid paštoi , kalitkoid paštoi .Kävel’ , vet toi , samvaran lämhä pani .
Asttas pagastaspei .Ištuihe čajud jomha .Södas .
Čajud joi da : "Hubad kalitkad paštoid "!
"Ka ved’ prosti necil kerdal .
Udou kerdou ved’ minä parembad paštaškanden "!
Nu Fen’a hälle prosti ezmäižen kerdan .Hot’ lajihe da .
Išttas iknan sires .Astub starosta dei .I hiiläzoi oli vüigäd starostale koume rubl’ad .
Astub starosta dei .Išttas iknan sires .Starosta tuli pert’he dei : "Nu , kut vüigänke , maksaškanded vei etei vei "?
Ka nece Fen’a i Vas’kale ii andand vajeht-ki sanuda .
"Maksta-se dengoid ele .
A otamei .Udeks pühäkspejaks den’gad tegen ".
"Kut sinä teged "?
"A vot uden pühänpejan tuled , nu ka "...
Nu sigä nece starosta händast kingiteleškanz’ , Fen’a značit , andoi veihen - uden pühänpejan den’gad koume rubl’ad lindäs .
Ezmärgen , značit , libuiba , hän mäni , lüuzi deren’as tovariššaks priheižen , oigenz’ Vas’kan pil’mähä nedalikš , koume rubl’ad dengoid samha .
Vas’ka da tuliba podr’adaha .Otiba pilan sigä kaz’onnijan ižandou .Radoiba nedalin .
Sobatan necen pilan katkeižiba , da nedalin süibä .Saiba hii koume rubl’ad .Ižand hiile koumed rubl’ad i andand ii .Pilas da söndas vokurat .
Tuli kod’he Vas’ka .Vas’ka tuli kod’he , dengoid tond ii .Ka Fen’a händast en teda kut i laji .
Homencuu pühänpejan libui .Möstona Vas’kale käski rata : kalitkoid paštta , koloboid paštta , vet järvespei toda , kül’betin lämbitada .
Hän pagastha mäni .Keik sijad Vas’ka radoi .Hän tuli pagastaspei .Mäniba kül’betihe .
"Kül’bet’he mänen ka , rugišt runged levita , ika jaugad redustan kod’hessei ".
Hän oti , rugišt runged leviti , ak kod’he tul’ .Čajud joiba , išttasoi stolan päs .Veslad , kül’betiš kävünuded , äjou diki mugošt skandalad ele .
Astub starosta roudeižen dubineiženke .
Homeičiba : "Vas’ka , a mini-se kuna "?
"Ka en tä , kuna sinä mäned ".
A hilläzoi oli kaks’ havadod kartohkoid čogas uksiš .
"A sinä bude , Fen’a , mäned , sab , havadoho .
A minä sidoudan , da sindai čogha siižutan .I starosta , sab , tuleb , ka dumeib kartohkad . A minä sanun : sindei ele kodiš ".
Hüvä , Fen’a seičas pit’kha havadoho ličoihe .Vas’ka oti , noreižuu diki vahvas sidoi , dei siižub čogas .
Starosta tuli pert’he ."Nu , kutak hoz’aika "?
"Ka hoz’aikad ele kodiš ".
A iče hän nece ižand sormou ozutab havadoho .
"Ka ele ka , azj huba .
Den’gad maksmata tiilätei .Näged , hän mindai maniti .Minä , sab , händast homaičeižin , ka ved’ sanuižin ".
Nu ižandanke pagižiba , pagižiba .Dei lähteškanzi .
A ižand-se : "Om da , en teda kuna mäni ".A iče havadoho sormou ozutab : anda dubinou !
Nece tuli starosta havadonno : "Nu , sab , hüvä , sanub , Vas’ka !Sanu hoz’aikale , štobi udeks pühäpejaks uudeiž dengad koume rubl’ad ".
Da völ kolahtoiti dubineižuu havados-se .Nece Fen’a sigä havados-se .Mugoižuu roudeižuu dubinou mi väged pandud , sil’mäd ei nägu üht .
Havadon Vas’ka ruši .Fen’a sigäpei lähteb .
Läksi sigäpei da Vas’kale jougha kumardust : "Vas’ka , ota tagaz vlast’ !Minei nikut ei tarbi .Enambad emboi služda , ika toižen sil’män hädab , udes pühänpejan tuleb ka "!
Akoide vlast’
вепсский
Средневепсский западный