Тексты
Вернуться к списку | редактировать | удалить | Создать новый | История изменений | Статистика | ? Помощь
Kalua pyvvimmö ijän kaiken
Kalua pyvvimmö ijän kaiken
карельский: ливвиковское наречие
Тулмозерский
Kačo
, karjalazet ainos laittih koit kunnetahto vezirannoil .Harvah kus lövvät kylän , kudua on loittuo veispäi .A kalua pyvvimmö myö ijän kaiken kui i kai karjalazet .Erilastu sanondua on kalastajih näh , što vaiku pattii ei kergie ahvenen kuduh da tedrin kiimah .Kačo , ahven kudoo hätken , tedri kiimoiččou hätken .Vie sanotah : ahven ahaval kudoo , a särgi seäl lämbimäl .Mustan pikkarazennu brihaččuzennu , sie kaheksavuodizennu kymmenevuodizennu , juoksendelimmo Lomun melličäl .Kohtu oli moine Kollahan jovel .Oli sie enne Lomujevien , Lomun melliččy .Sit oli moine pyöre , ylen hyvin särgi kudoi .Vuotimmo konzu hoabah puhkenou hiiren korvan suurevus lehtyt .Sit rubei jongoi särgi ottamah , i hyvin särgi puutui .Kyläs oli meile kaikkiedah seiččei kodii i kolme nuottua oli .Kai nuotat oldih rannas .Jogahizel oli ižändäl oma valgamoine , kus pidi venehen .Valgamozen tyves ardo , kus piettih nuottua .
Kalua pyvvimmö ijän kaiken
карельский: ливвиковское наречие
Тулмозерский