Тексты
Вернуться к списку | редактировать | удалить | Создать новый | История изменений | Статистика | ? Помощь
Каакомиэли в Похьоле
Каакомиэли в Похьоле
карельский: собственно карельское наречие
Керетьский, Кестеньгский, Оулангский, Тихтозерский
Ainuo
on akalla poika ,
ahkivolla naimah läksi .
Päivän šoutau šuovesiä ,
toizen šoutau muavesiä ,
5 kolmannen järvivesiä .
Tulou čikon luokše .
Čikko vuatteita pešöy ,
räpähiä räikyttelöy .
Čikko sanou Väinämöisellä :
10 "Šano totta , Väinämöini ,
kunne läksit , Umentolaini ?"
"Läksin kalan pyyväntäh ,
otin verkkoja venehen täyven ,
laivan täyven laškomia !"
15 Čikko vaštah šanou :
"Ei še ennen miän izoni ,
kuin läksi kalan pyyväntäh …
Hoi sie , veikko Väinämöini ,
Šiula on kolme šurmua matalla !"
20 "Oi sie čikko , ainuo čikko ,
šano taki , mi on šurma ensimäini ?"
"Še on šurma ensimäini :
kuin on tulini koški ,
tulisešša košešša on tulini koivu ,
25 tulisešša koivušša on tulini kokko
yöššä hammašta purou ,
päivät kynttä kryčkyttäy
miehen piätä purrešša ".
"Ei še ole surma , miehen surma ,
30 eikä poikašuun urohon .
Anni-čikko , aino čikko ,
mi on toini surma ?".
"Kuin on rautani aita
muašta taivahah šuati ,
35 čičiliuškoilla šivottu ,
kiärmehillä on kiännetty ,
uloš šuin , uloš hännin
miehen piätä purrakšen !"
"Šano taki , ainuo čikko ,
40 mi on šurma , kolmaš šurma ?"
"Še on šurma , kolmaš šurma :
mänet , mereheh kuavut ,
panet polvella pistyh munan .
Mi on munašša ruškieta ,
45 Še päiväkši paistanut .
Šiitä rupiet itkömäh ".
Pohjan ukko , pohjan akka ,
Pohjan entini emäntä
kuulou : ei itku – lapšen itku ,
50 še on partašuun urohon .
Pyhkiy pienen pirttisen ,
lähtöy laštusie viemäh ,
lykkiäy pienen venehen
i lähtöy ehättämäh .
55 Ehättäy hiän Väinämöisen .
Tulou Väinämöini i šanou :
"Nyt tulin tänne naimah !
Muut kaikki häihe tulkah ,
vain ei yhtä Kaakomieltä .
60 Šokiet venehen šoutakkah ,
rammat raččahan ajakkah ,
vain ei yhtä Kaakomieltä !"
Pohjan ukko , pohjan akka ,
Pohjan entini emändä
65 antau Väinämöisellä olutta :
kettu piällä , kettu alla ,
kettu keškellä väliä .
Kaakomieli i tuli .
Šano vanha Väinämöini :
70 "Mikse sie tulit , Kaakomieli ?
Silma ei kučuttu ".
Kaakomieli i šanou :
"Koira še kuččuhu tulou ,
hyvä lintu lykkelekše .
75 Komie še on kučuttu vieraš ,
komiempi kuččumatta .
Läkkä torah , Väinämöini !"
Väinämöini še šanou :
"Läkkä torah , Kaakomieli !"
80 Nu tultih torah .
Kaukomieli še šanou :
"Šivalla ielläh , Väinämöini !"
Väinämöini še šanou :
"Šivalla ielläh , Kaakomieli !"
85 Kaakomieli siitä otti veičen huotrašta ,
tuiman rauvan tupešta ,
löi oluvet ristih ,
joi oluvet onnekšeh .
Kaakomieli še šanou :
90 "Nu šivalla ielläh , Väinämöini !"
(Še oli totta tietäjä ).
No Väinämöini ku šivalti ,
ni kuin kiveh kil’l’ahti .
Kaakomieli ku šivalti ,
95 lippai piäh , kuin livun lumešta ,
niin kuin nuat’in nakrehešta .
Šiih še loppuh tora .
Šiitä Kaakomieli rupieu naimah .
Каакомиэли в Похьоле
карельский: собственно карельское наречие
Керетьский, Кестеньгский, Оулангский, Тихтозерский
5
10 "
"
25
30
35
40
45
50
"
65
70 "
"
"
"
"
90 "
95
Евсеев Виктор Яковлевич
Каакомиэли в Похьоле
русский
5
10 "
"
25
30
35
40
45
50
"
65
70 "
"
"
"
"
90 "
95