Тексты
Вернуться к списку | редактировать | удалить | Создать новый | История изменений | Статистика | ? Помощь
Jünäs načnimei rahnda
Jünäs načnimei rahnda
вепсский
Средневепсский западный
Jünäs načnimei rahnda
, otimei mö sirpin , mänimei pöldole .
Seižutimeiš artelil , mes’t’ vištošküme r’adol i kaiken polosan rahnomei .
Snapįižen rahnod sir’pil , teged väskeižen .Rugihen otad , hougeidad , kistiižen teget tänna , a nenil’ kahtol ag’jal g’o sidod .
Snapįižen pouvel kingitad i paad kogoho .Koume snapušt’ alle , koume päle , nece g’o linob kus’ snapušt’ , a seičmenden g’o päks pandas .
Muga i rahnod , kuni ii tulo ag’g’ , kaiken necen pöldon muga i rahnod artelil' .
Karziba žerdiižed hörčiideke , ii g’alos sanktad , oksideke , potom paaba kus’ snapud ümbri , verškad ülähaks , a seičmenden snapun päle vedaltas i ümbri kaiken kataba , muga i g’ataba .
Kįivab nece bapk , potom otamei i hebįl’ kegosijale vedamei , mežale , ii pöldole .Pöld pidäb pašt’a .
Seižutaba stožaran , kalun , oksit’ sinnä paaba .
Potom necen rugihen artelil vedamei , hebil’ , hebod koume – n’el’ .
Narodad mes’t’ kümne , üks’ mes’ sigä kegol päl , a kahten andloba snapud .
Kegon paaba , kuni vįiba sigä püžuda snapud .
Tomei ol’ged tukun , tegemei šoloman , necen noustaba sinnä i kaiken pän kataba .
Edol ka vedelimei kegon gomnaha , kaks’ mes’t’ sigä toba hebįl’ .
Snapud paaba regihe , toba gomnaha , roiba lavale .
Üks’ mez’ riheze mäb libo kahten mäba .
Žerdiižed sigä oma , žerdiižile nenet snapud ištutamei , ez’mäks alahan , a potom ulähaks päd .
Seinäs seinäspei žerdid' .Alombeičele žerdile ištutad , potom žerdiižen dernid' i möst edeleze ištutad , kahten ahtamei , a üks’ mez’ andlob .
Ku tegese kahtele huba sigä , üks’ lähtob , üks’ sinnä gäb .
Potom lähtoba nened sigäpei , verejuded-gi souptaba , tükičeba , štobi kįiviiž .
Potom pilimei hougon pilal , hougiimei .
Üks’ mes’ sigä päčin virigįitab , t’oudon päčin paab i kacta pidäb , ika muite vįib palada .
Lämbii lemšub ülähaks da kibinad-ne lendaba ka pidäb , štobį ii süttįiž .Konz lämpštub , souptamei päčin' i lähtomei kodihe öks .
Ön magadamei .
Kut homencel kodiš spravimįiš , pimedeine völ , časut nel’ lähtomei .
Koumen kes’ken tapelimei .
Vereižen aveidamei pimedas , pučk särahtost kaimloal , tulomei , särahtesen viritamei .
Snapud levitamei lavale , kahtepolin’ , štobį oldeiž terad .
Tapamei koumel čapil .
Vodateshe semerikat kahesa pandas , čurha i tįižhe .Nenid’ terid möt koumen kes’ken tapamei .
Gežli nellän , ka koumen tapamei , a nellänz’ edeleze vertib snapud .
Pidäb händast käta , ühten polen tapamei , mes’ kändab snapįižed , potom tįižen polen .
Kahtepolin’ tapamei .Üks’ mez’ g’o sir’pil' nened snapud čapab , a mö čapįideke siižumei .
Potom üks’ mez’ haravįičob , snapud sirdlemei čurha .Keskusteine štobį oliž tazo , rugiš sihe langenu .
Rugihel päl haravol tähkeižed vedamei kuna-ni čogeižehe .
Koumen möst tapamei , a nellänz’ mez’ haravol , vardel andlop snapįižed miile .
Snapįižen ninga lükeidab miile , mö necen tapamei , hän möst lükeidab , völ kändab haravol snapįižen .
Muga kaiken necen rihen tapamei .
Gäl’ges sidä rugihen ajamei ludįl’ .
Pidäb nene tähkpäd , štobį oliž puhtaz rugiž , čurha i tįižhe pühkelta .
Konz puhtastamei sured lomud , ajamei labidįl’ kogoho , seinäd vaste , mugoman suren kogon ajad , kuni ed dotapa .
Dotapamei konz , üks’ mez’ ištuse stuleižele i vot puižel labidol roib necen kaiken kogon .
Runged pidäb otta eriže .
Sidomei mö ol'gespei ludeižen , nečil’ ludeižel tähkeižed pašid laptaha .
Nenambeičen rugihen havadįhe amuldamei .
Kudam händembeine rugiž gäb , kudamod güväd ei gügedad , oma güväd erased ei gügedad , rung lanktob edehe , güvä lanktob rugihiine lähemba runged vaste , a kudam hüvä güvä , hän g’o mäb edemba .
Necen hüvän rugihen eriže paamei havadihe , a huban rugihen kogiižihe möst sird’ämei i udheze lükkimei i erižehe havadoho paamei .
Runged kogoho sirdämei .
Vömei skladha hebol .Sigä purnud oma , nenihe purnįhe pästamei .
A runged sinnä gomnaha i gätlemei , ol'gen sidomei , tukud pidäb vedada sarįile .
Nügüt’ taptas mašinal .
Vot tämbei mö tapįimei dai eglei tapįimei .Nügüt’ rugiž völ neniš hörčiš , ahavįičii ...
Eglei kambain pöldol ajelihe .
Mö koumel hebol vedimei snapud .
A mehid’ oli mes’t’ kaks’küme .
Nin’ ii kazva g’oga sijal , hän kazvab tol’ko sijid’möt , lähemba g’oged , krežeižil’ , logeižil’ g’ogerandad möt enamb kazvab .
Nece mec ii g’alos korged kazva , a sanktad erased kazvaba .
Čapad necen ninen , okseižed karzid' , potom derid' nečiš kaluspei .
Käčäkoho derid' , käčäkon sidaldad , sigä kaks’ käčäkod libo koume , i ko’ihe .
Kodihe tod .Kuna panda händast ?
Pid’ab panda händast ...gärvhe ligotada , bude gärv lähen om libo g’ogehe ligotada , a g’oged eilä da gärved eilä , pid’ab miččehe-ni luhtha ligotada .
Paad sin’n’a kivudon .
Gežli kivut’ eilä , paad čurkan , prižmid' sinnä händast .
Sigä ištub možet kun , a možet i kaks’ ištub , kuni hän ii tehte .
Kacuhtad händast , gežli ii voumiš , tagaze panod , gežli voumiš , noustad sigäpei .Voumiš , ka kor’ lähtob , slojil’ erigandob .
Huhtaldad , tod händast kodihe , vedaldad , hot’ ugorodale paad libo častokolale .Hän kįivab .
Erasti ka nečis ninišpei rogozad tehlimei , lavad pezelta teged vihkon , kül’betihe teged vihkon .
Edol norid’ magazinįš elenu , ka ninespei tegiba .
Jünäs načnimei rahnda
вепсский
Средневепсский западный
В июне мы начинаем жать
русский
[