Тексты
Вернуться к списку | редактировать | удалить | Создать новый | История изменений | Статистика | ? Помощь
Per’t’is’s’ oldih lawčat
Per’t’is’s’ oldih lawčat
карельский: собственно карельское наречие
Дёржанский
Per’t’is’s’
očaš kolm ikkunuw , ikkunviärot , jumalugl , šiäl’ jumlat Spuas Bohročč .Ol’ boožn’iččan’ jumlih varoin , jumlat šeizottih .A pruazn’ikakš jumlill riptettih paikkoi viišifkoinken , i nuaglah riptettih čistoiloi paikkoi .Toin’ ugl šoppugl , šiäl’ emän’d varušt šyämis’t , ol’ stol i šeiz taigin lawčal .Uglašš oldih pal’čzet zalafkat , zalafkois pijettih malz’i čainoiz’i .A alembun oldih viäl’ pal’čzet , n’äis’s’ mal’l’oi pijettih .Stolašš ol’ l’ephin’ stollawd , l’evi lawd .Stol šeiz iknašt da kiwguh päin .A stolai bud’d’en ei l’evitet n’imid , pyhänpin l’evtettih skuat’t’er’i .Skuat’t’er’ ol’ kuvot valgi , resunkz’inken .A kun oldih pikrazet lapšet , vivušš rip kät’yt , a kät’kyšš oldih nuarat prot’n’it .Rangin’ riptet ymbär’ kät’kyšt , štob lašt kärbz’et ei purdais’ .
Jog per’t’is’s’ ol’ kiwgu , šuwr’ kiwgu , viäl’ oldih tok kolonkzet , kolonkz’iss pijettih kaikki molotkoi , nuagloi .Kyl’l’eš ruavet pečurkzet , pečurkois pijettih alz’i i portjankoi šinn tungittih .Kiwgulluh ol’ jalglawd a alemmakš karžink ruavet , a to i pal’č šuapkoi pid’ii , šilloin ol’ urhii äij .A kiwgull piijettih čuun’i , kuivattih šiäl lapšen ripakloi , peržpaikz’i šinn pannah puad’im pil’l’ , puad’i ol’ palaw .Kiwgull iäš očč , hingal , hingloll čugnah pandih hiil’d , kattah riäht’l’äl’l’ .Iäš toož pečurkan’ , a opečkall šiäl’ pandih kuivumah päret , päret kissottih äijiin , vet’ šilloin eij ollun lampoi oldih svičat , sviččoih n’äih pandih päret , päre sviätti kaikkeh per’t’ih , hänešt män’i šaw .Alhun kartan’ vett , ei palais’ per’t’ .
Käveldih pakkuiz’et , pakkujan’ tulow ovensuwh , pakkuw : "Podaigu hr’ista raad’i ".Ahtah 1’eibii palzen hänel’l’ .Hin jumlu kumardlow , istuccow karzinkal .Ovensuws seizottih suapput , i lawčoin all pandih su - appuloi .Nu ka karzink , karznah solahtus’ karznass ol’ lowkkon’ , sinn käw kaz’ .Karznass pijettih muajuablokku , talvell 1’eibii , siäl’ ripp kart , kartah pannah mowkut i kattah čistoill tr’apkall .
Ymbär’ per’t’is’s’ oldih lawcat , palt’it ruatt paltim piäl’l’ ukot muattih .Vanhemmat ed lapset muat laskicettih lattill , katl’icettih tur’kloill , d’er’uugoill .Piälukset oldih pit’ät a post’el’n'ikat nabeid ollella .Päiväks heid viin'esvaidih sin’coh .
Aitaš seizottih sundkat krugom aittuu , per’het silloin oldih äij narduw i sundkat oldih suwr’et , šiäl’ pijettih vuatet , oldih räčnät i paijat i kitaikat .Muwen kezäl’l’ muatah aitaš ed šinčošš ägil’l’ .Nu , täm jo kravtist ymbär’ riptet rangin’ .Vozduhu kuvoim , omblemm rangzen .Per’t’impil’l’ osob n’imid ei pand .Nu šiäl’ šygžyl’ d’er’täh räbin’i pannah per’t’impil’l’ , a talvell ildkezross naizet santah : "A nukkois’ räbn’i tuakkois’ !".Šiaglan tuat , hy šywväh .
Per’t’is’s’ oldih lawčat
карельский: собственно карельское наречие
Дёржанский