Тексты
Вернуться к списку | редактировать | удалить | Создать новый | История изменений | Статистика | ? Помощь
Pluutta mužikka
Pluutta mužikka
карельский: собственно карельское наречие
Тунгудский
Оli ennein
žemmon’e pluutta mužikka .Mäni kolme velleštä halguo leikkuamah .Hiän heilä šanou :
– Miksi työ stolovoissa joga kerran d’engat makšatta , kun šyöttä ?
– A kuinba ?
– šanotah toizet .
– A miula tämä šliäppä makšau : šillä kun huiskuan – dai makšettu .
Ga toizet ihmetelläh :
– Kuin že voit kaikešta ruuvašta makšua ?
– Tulgua vain huomena restoranah , nin niättä .
Dai tuldih toizet kučuttuh aigah .Hiän jo ieldäpäin oli kaikki d’engat makšan da kai zakazainut .Čekit vain ottua .Hiän tuli , šöi , joi .A toizet kačotah .
– Tuošta hiän nyt monda šadua makšau , tuommozen veron šyöy .
A hiän nouzi stolašta , šliäpällä heilahutti .
– Izändä , šelvätgö ollah ?
– Kai on makšettu , – šanou izändä .
A toizet hänellä jälgeh .
– Myö šie meilä že šliäppä .
– Ga voin mie , – šanou , – myyvä .
Annatta viizikymmendä rubl’ua mieheštä .Že tulou šadaviizikymmendä rubl’ua kolmešta .
D’engazet kovottih , oššettih šliäppä .Yksi šliäpän piäh pani .
– Davai lähemmä restoranah , nyt makšua ei pie .
Mändih restoranah , tilattih viinat da muut herkut .Juuvah , šyyväh , midä vain on kallehembua .Šyödih noin kolmeh šadah rubl’ah .Šliäppäpiä zakazivaiččou .Ruvettih lähtömäh .Tiluaja heilahutti lakillah :
– Izändä , šel’vät olemma ?
– Ga mitein že šel’vät , enžin rahat makšakkua .
Heilahutti toizen kerran :
– Olemmago šel’vät ?
– Ei , ei , makša rahat !
Da rahat pidi makšua .Mändih pihalla .Yksi šanou :
– Šie pahoin lippazit .Hiän vet’ lippazi toizin puolin .
Toine šanou :
– Huomena mie šliäpän otan .Pidäy tilata niidä ruogie , midä hiän tilazi .
Dai mändih toissapiänä restoranah .Zakazivaijah šidä , midä mieš oli zakazivainun .Šyödih , juodih .Lähettih da lipahutettih šliäpällä :
– Izändä , olemma šel’vät ?
– Ga kun rahat makšatta , nin šiidä .
Tuaš hiän pidi že makšua .Paissah :
– Valehteli .Lähemmä tapamma hänen .
A mies smekaičči , jotta d’engoja voijah tulla periämäh .Huomeneksella perti lämmiteššä da lihakeiton kiehuos’s’a huomuau , jotta tullah miehet .Hiän čugunnikan kiuguašta tavotti da vei žen pordahilla .Ne kun tuldih , hiän šanou :
– Ladno , kypšet jo ollah lihat , vierahilla juštih .
Kučču miehet šyömäh .Šyyväh šiinä .Miehet kyžytäh :
– Kuin šiula čugunnikka ilmain tuletta kiehuu ?
– Ga kiehuu že , hangella hos pane , kun vain keittämistä šiämeššä on .
– Ga myö meilä .
Äijängo otat ?
– En äijyä , kakšikymmendä viizi rubl’ua kaikkieh .
Oššettih čugunnikan , lähettih meččäh .Mändih , leikatah halguo .Tuli murgina-aiga .Yksi mäni , pani lihat , vejen da jauhot kattilah da läksi leikkuamah .Toizet vähäzen aijan piäštä käšetäh kaččomah : kun ollou kiehun da kuču .Kaččou , tulou da šanou :
– Ei kiehu , riide on jo piällä .
Leikattih vielä halguo , läksi toini kaččomah .Ga i jiäššä on kogonah .Tuaš valehteli – duumaijah .Čugunnikka on jiäššä , jotta kirvehellä ei šua veštyä .Valehteli durakka !Da murotettih čugunnikka .
– Lähemmä kehnon tapamma !
Tullah , ga hiän sarajalla regie luadiu .A toizet ei ole ni nähty ennein kogo regie .
– Miksi šie tädä luajit ?
– Ga luajin ičelläni hebozekši .
Kunne lähen , nin ei tarviče kävellä .
– Kuinhän ilmain hebozetta kävelöy ?
– Ga kaččokkua , paikalla lähen .
Hiän istuu sankkah – da sarajapordahie myöt’en alahakši .Termän alla karjuu : tpruu , tpruu , a čuna ičeštäh piettyy .
– Etgö šie myö meilä tädä korjua , kun meilä on loitoš meččäh kävelendä ?
– Tämän mie hos teilä möizin , ni tädä työ että maha upravl’aija .
– Ga etgö šie meidä juohata ?
– Ga juohattazin , vain rahvahan aigana ei šua juohattua : ei lähe matkah .
Tiän pidäy vediä meččäh šuate .Mänettä korgiella goralla , lähettä šiidä .Moužet rubieu kuundelomah .
Hyö makšettih viizikymmendä rubl’ua da lähettih vedämäh .Vejetäh ylen korgien goran piällä , missä hiän halgopinot alahana oli .
– Ga täštä myödämägeh kuottelemma .
Alahana on mutka , missä hyö halguo leikattih .Regi läksi juokšomah .Da ravieh juokšou .Yksi šanou :
– Pidäy piettyä .
– Ka midä pietämmä ?
Kergiey lähembänä halgopinuo .
A hyö kun goran alla piäštih , da mutkašta halgopinoja kohti .Yksi šanou :
– Pietä !
– Anna mänöy halgopinoih kiini , iče piettyy , – šanou toin’e .
Čuna kun halgopinoh mäčähti : šebä poikki , iče pitäkšeh .Nouštih .Yksi sanou :
– Valehteli , kehno !
– Ei , – šanou toin’e – Myö emmä kyžyn , mitein rukovodie kattilua da šuapkua .
Emmäkä tädä mahtan rukovodie .
Da mieš jäi puhtahakši .A hyö mändih meččäh halguo kuadamah .
Pluutta mužikka
карельский: собственно карельское наречие
Тунгудский
–
–
–
–
–
–
–
–
–
–
–
–
–
–
Плутоватый мужик
русский
–
–
–
–
–
–
–
–
–
–
–
–
–
–