Тексты
Вернуться к списку | редактировать | удалить | Создать новый | История изменений | Статистика | ? Помощь
Oli ennein mužikka papilla kazakkana
Oli ennein mužikka papilla kazakkana
карельский: собственно карельское наречие
Тунгудский
Oli
ennein mužikka papilla kazakkana .Rubei durakkua val’aimah .Pappi käsköy jo pois , ga kazakka ei lähe .Missä lammissa ved’ehini paino rahvašta , pappi työndäy kazakan šinne .Mäni hiän šinne , lambih rubei verkkuo laškomah .Rubezi ved’ehini painamah venehen pohjasta .A kazakka noššaldi ved’ehizen tukist’a veneheh .Verkot laški , da vei ved’ehizen papin taloh , pani kiugual’l’a : "Toin t’eilä ämmön ".Vareudu .Vei hänen aittah da algo vielä šyöttyä ved’ehistä .Pappi šanou akalla : "Työnnämmä meččäh olomatoinda hevost’a eččimäh ".
Da käveli , käveli mečäššä , dai dogadi kondien .Ei muuda kuin kondiella päičet piäh da kodih .Tuli kodih , šido tanhuoh da andau šillä l’eibyä .Pappi kyžyy :
– Miksi šie l’eibyä murotat ?
– Ga onnakko kun heboni mečäštä tuuvah , ga l’eibyä annetah .
Pappi kun mäni tanhual’l’a , kaččou – kondie .Mölyn kera pagoh lähti juokšomah .Muate venyttäyvyttih .Pappi šanou :
– Työnnämmä meččäh muamuo eččimäh .
Kazakka eväštä kes’s’elih , juoksi meččäh .Dogadi meččähizen akan .Šai šen harjakšist’a da vuali šen kodih .Tuli kodih , kiugual’l’a kökähytti issuttua .
– Täššä , – šanou , – teilä muamo .
Pappi duumaiččou hän’dä hävittyä da lähettäy muijen kylän pappiloilda käymäh ottamattomie velgoja : erähällä kolmešadua , toizella kuužišadua , kolmannella yhekšänšadua da juohattau papit .
A kazakka kondien pisti val’l’ahih , meččähizen akan pani jamššikakši , a ved’ehizen akan issutti rinnallah .Läksi ajua hurauttamah .Ajau , mäni papin luo .
– Anna velat , – šanou da sel’vittäy .
– Ga ei ole velgoja , euga midä .
Männäh toize papin luo , šegi ei tunnušša .Männäh kolmannen luo .Keräyvyttih kolme pappie da alettih kazakkua kleskaija .A kazakka komanduičči oman voiskan :
– Kondie kuadamah , ved’ehini vedämäh .
Ne hypättih pappien piällä .
– Ga elä , hyvä veikko , anamma rahua hoš kuin äijän !
Dai kučču poiga pois elukkah da šai tuhat viizišadua rubl’ua rahua da läksi papin luo .Tuli papin luo d’engojen kera .Kondien vei tanhuoh , a meččähizen akan da ved’ehizen kökšäzi kiugual’l’a .Šyötti elukkah .A pappi ei ruohi enembi perttih tulla .Muattih yö .Pappi akalla pagajau :
– Lähemmä huomenna pagoh , ei täštä eris piäže .
A kazakka i kuulou .Pappi varušti šuuren kes’s’elin d’engua , toizen eväštä , pani n’e sinčon čuppuh .A ruvetah hyö kaikki muate ."Ana uinuou , ni šiidä lähemmä ", – duumaiččou pappi .
Kazakka mäni , šuuremmašta kes’s’elis’tä d’engat puissaldi , iče kes’s’elih .Pappi yöllä šanou :
– Nyt lähemmä .
Da šuadih kes’s’elit šel’gäh .Matattih , matattih , päivä valguou .Pappi šanou :
– Lebäyvymmä , ei enämbyä tavota .
A kazakka kes’s’elis’tä hil’l’akkaizeh karjuu :
– Vuottakkua !
– Ga kehno , jo tulou , juokše , akka !
Lähtietäh juokšomah .Juoštih joven rannalla šuate .Šiih i jiädih , ei voidu ielläh männä .Kazakka hyppäzi kes’s’elis’tä :
– Täššägo i oletta ?
Šyödih šiinä , ruvettih muate .Kazakka buitto maguau .Pappi šanou :
– Ruvekkah hiän jogipuoleh .Mie kun šiula šanon "pehni !", šie työnnä jogeh .
Ruvettih muate jogirannalla .Tuli kazakka , šiidä akka da pappi .Pappi akkon’eh oli vaibun dai uinottih .Kazakka nouzi toizeh puoleh muate .Nyykkyäy pappie : "pehni ", pappi akkah jogeh syyvällyttäy .Nouzou pappi .
– Ga miksi omaš akkaš ved’eh työnzit ?
Ongo šiula žuali akkua ?
– Ga buitto ei ole !
Kazakka pamahutti pappie tagapuoleh – kun on igävä , ni mäne .
Oli ennein mužikka papilla kazakkana
карельский: собственно карельское наречие
Тунгудский
–
–
–
–
–
–
–
–
–
[Поп и работник]
русский
–
–
–
–
–
–
–
–