Тексты
Вернуться к списку | редактировать | удалить | Создать новый | История изменений | Статистика | ? Помощь
Pokrovan jäl’geh on Guurei
Pokrovan jäl’geh on Guurei
карельский: собственно карельское наречие
Толмачевский
okrovan jäl’geh
on Guurei , enžimäne päivä Roštuonpyhäššä .Guurei i Aviva .Hyö ollah troje sv’atie , kolmen .Tämä on tože hyvä pruazniekka , kallis .Eliässeh mäni tytär miehellä , muamo i poručil heiläh , Guureilla da Avivalla , što mie teiläš annan , poručaju tyttären oman , što työ händäh vardeiččizija .A šidä hänen muanitti ženihä šeže , a hiän oli naizikaš .Muanitti kodihize , a koissa oli naine .Hiän oli salduatta že .Koissa oli naine .Dorogalla hiän i venčakol’čazen häneldä kisko .Mänet , naizella šanou , nin šie šano , što mie en ole naine šiulaš .A šidä ka hiän ...jo lieni hänellä lapši , a lapši lieni tuattoh nägöne .Naine jo i dogadi , što hänelläh on otettu tämä naine , hiän oli naizena , pidi händäh naizena .
A šidä ka heilä lieni ženmuone slučai .Lapšut že šyndy , a lapšuon žen naine , mužikan naine i otravi .A hänellä lieni žuali šidä lapšutta .Tuli hiän vettä tuomašta , lapšut jäi yksinälleh kodih kätkyöh .Tulou , vain vuahut šuušta noužou lapšuolda .Hiän jo i otravi žen lapšuon , že naine mužikan .Ne vuahuot hiän nosofkazeh rabiešteli , tähellä i pani .Niillä vuahuzilla ...Lieni tuašen heiläh bualat , i lieni piršestvo .Ne vuahuot hiän otti da livotti da šidä šillä naizella šanou : davai , šanou , miriečemmä myö šiukkena , davai , šanou , juollamma myö čeres šiun bualoida näidä .Hiän otti da ših r’umkazeh hänellä ne vuahuot livotetuot i pani naizella .Naizen hiän i otravi .Naizen kun otravi , kuoli ves’ma ruttoh .A šidä naizen šežen kätkiettih i šidä i ruvettih duumaimah : mintän , šanou , väliän hiän kuoli ?Davaimuakko roičemma , šanou , eigo hiän ole otravittu .Hyö žen naizen roidih , vračat i priznaidih , što hiän on otravittu .
A šidä žen otravijan otettih da hänen eläväldi i kätkei .Eläväldi kätkei ženke naizen kena yhteh grobuh i pandih .A šidä ka hiän šielä i mainiččou grobušša , šanou : Guurei , Samulii i Aviva , šanou , neušto työ miun hylgiättä .Muamo vet’ miun poručči teiläš , šano , što työ sohran’ali bi milma .Šidä ka hiän i očutil’s’a omaššah kiriköššä , kumbazešša kiriköššä hyö venčaičiečettih i šielä hiän grobničoilla ieššä hiän kykyttämäššä i lieni .Hiän očunieči , kaččou , on omašša kiriköššä i oma rahvaš .Mistä šie , šanou , täh ?Ka näin i näin , šanou , mie olin kätkietty , šanou .Hiän pahaččazeh šuorinnun i kodihize i popadi .I muamoh ših popadi kirikköh , hänen i otti kodih .Žen jäl’geh i tulou že muanittaja mužikka hänen .Nu , kuin , šanou , eletäh šielä žen ?(peitty tyttö že ) Sanou , kuin eletäh šielä miun vunukkazet ? Da , brihaine , šanou , kažvau , jo on šuurikkane , a že kuundelou tytär , midä hiän pagižou .Šuurikkane , šanou , muašša maguau .A šidä i ozuttuači hänelläh , mužikalla šillä .Ka händäh i ruvettih haukkumah , midä , šanou , šie ruavoit , eu šiula i huigieda , eläväldi kätiit , da vielä i valehtelet , što on jo vunukkaine šuurikkane .Nikumbast’a eu , šanou , vunukkazen jo kätkijä i eläväldi .I moržiemen tämän otiit da muanitiit da kätiit .Ka on min označai Gurei , Samulii , ka tämä pruazniekka , Roštuon pyhän enžimäne päivä .
Pokrovan jäl’geh on Guurei
карельский: собственно карельское наречие
Толмачевский