Тексты
Вернуться к списку | редактировать | удалить | Создать новый | История изменений | Статистика | ? Помощь
Kut mužikale jumou andoi viž l’ehmäd
Kut mužikale jumou andoi viž l’ehmäd
вепсский
Средневепсский западный
(Sarn
)
Derenan agjas eli ukoine akanke kahten .
Tuli pap’ , maidod hänou äi .
«Lehmäine čoma ? – küzub pap’ , – anda minii lehmäine , sijaha andab jumou viž sinii ».
Nece ukoine i akaine soglasihezoi .
«Otat , ka ota , bat’uško ».
– «Tiile andab jumou viš sijaha ».
Ukoine i napravihe pap’he lehmänke .
A pap’-se eläb keskou küläd der’nas .
«Bat’uško , toin’ lehmäižen ».
A bat’uško otvetoiči : «Pästa tanhaлe ».
A hänen tanhou nel’l’ l’ehmäd , nece lehm videndeks .
Papine sötab lehmäižen touven , a ukoižuu ni mittušt’ .
Kevädou pouksiba paimnen .
Paimen lehmät pästi .
Nene lehmäižed ajetas mecha siriči neces ukos .
Päivän hii sigä paimet’he lehmid’ , ehtou töndutiba kodihe .
Nece ukoižen lehmäine kati kohtha ukoižen tanhale , a papin’ nel’l’ lehmäd jäl’ghe .
Ukoine sanub akaižele : «Kacu , pap’ ii kelastand , jumou andoi , viž tanhou om-gi .
Jorota lüpstä , maidošt’ linneb ».
Nece pap’ sigä varastab , lehmid’ ele .
Küzeleb paimn’uu : «Kusag minun lehmäd ?».
– «Sinun lehmäd nägin’ , detkon tanhale mäniba ».
Pap’ prikati ukonnost .
«Lehmäižed oma tanhou ?».
– «Oma , tol’ko ii sinun . Minii jumou andoi , toivotid’ i jumou andoi ».
– «Kutak , sä vid lehmäd ed pidäškande üks’näiž », – pagižeb pap’ .
Uk otvetoičeb : «Tuudas torgošid’ , minä mön ».
Pap’ pagižeb : «Mö minii hot’ kaks’ lehmäd .Verhile ala mö , minä ostan .
Äjäk stoib lehm ?.
– «To kuz’kime rubl’ad , – pagižeb uk , – Kuz’kime rubl’ad tod , minä kaks’ lehmäd pästan .
Kuni dengoid’ et to , lehmid’ en pästa ».
Kut mužikale jumou andoi viž l’ehmäd
вепсский
Средневепсский западный
Как мужику бог дал пять коров
русский
«
– «
«
«
– «
– «
– «