Тексты
Вернуться к списку | редактировать | удалить | Создать новый | История изменений | Статистика | ? Помощь
Kut mužiikad bohattuiba
Kut mužiikad bohattuiba
вепсский
Средневепсский западный
(Sarn
)
Ende eliba ug da ak .
«Uk , minä tahtoižin’ nižuižid’ bulkaižid’ , kut oleiž jouhod naživida ».
Uk : «Naživimai , minä panen tuhkad havadon , ajan vajehtelmaha ».
Uk hebon val’l’asti , ak tuhkad havadon pani töuden .
Uk regehe pani tuhkan , ajoi .
Toine uk da ak eletas .
Sil’ ak touknad zahoti .
«Uk , touknad minä tahtoižin’ ».
«Tahtoižid’ , ka voib naživida .
Om izveskad havad , voib ajada vajehtamha ».
Hebon val’l’asti , havadon regehe pani i ajoi .
Ajab , a hänele vastha ajab mužik havadonke .
«Ei , bratan , edahaksik ajad ?».
– «Ajan , touknad om havad , da jouhoze nižuižeks iik sa vajehtada ».
– «Ka minai om havad jouhod nižušt’ ».
– «Ka om , ka vajehtagam , minai toukun čoma om ».
– «Kuverdan sä рäle andad , vet’ nižuine jouh kal’hemb om ».
– «Ka kuverdan sä pakičed ?»
– «Ka anda nel’l’ kopeikad ».
– «Nel’l’ kopeikad-se äi , ota kaks’ kopeikad , ka andan ».
– «Nu ka vajehtagamžo .
Tol’ko minai siičaz dengoid’ ele , konzni andan ».Otiba vajehtiba jouhoil’ , ajoiba kodihe .
Tuli uk kodihe .
«Ak , nžušt’ jouhod naživin’ , pašta nižušt’ bulkad ».
Havadon pert’he lendiba .
Ak ku havadon avaidab , ka ak : «Uk , ka havados ii nižuine jouh , a izvesk ».
A toine uk ajoi kodihe : «Ak , minä touknad sinii naživin’ ».
Havadon pert’he lendiba .
Ak ku avaiž , ka ...: «Uk , ii toukun , a tuhk ».
Ihtele ii uddainus touknad söda , a toižele bulkoid’ .
Proidi aigad horošijas .
Uk pagižeb akale : «Om kaks’ kopiikad vüig’d jänu , mända pakita prijätel’ou ».
Mäni .Tuli prijatel’annost .
«Minä tulin’ , vüigäd om kaks’ kopeikad , jogo oma den’gad ?».
– «Ka ele vu , prihäč , vaiše lindäs , andan edelez ».
Nece uk män’ tagaz .
Mest varastab , konz andab dengad .
Aigad proidi .
Uk akale pagižeb : «Mänen mest prijatel’annost vüigäd pakičemha ».
Mest män’ uk .Akaine homaič , ukole pagižeb : «Sinun vüignig mest astub , a dengoid’ ele .Mi zavot’t’a ?».
– «A min’ hiitämoi , ak , koljaks ».
Loučha veri .
Nece prijätel’ avaiž uksen .
«Minun prijätel’-se koli ?»
Ak pagižeb : «Kol’ , koli ».
– «Kol’ , ka anda minä hot’ pezetan ičein’ prijatel’an jäl’gmäižen kerdan ».
Ak vet ladi , dai kahten pezetadas .
Vezi-se hulakas , uk-se zdrogaiškanz’ .
Ak-se pagižeb : «Siičas koli , ka hibj-se , näged , zdrogaib ».
Sobitiba .
«Vögäm koumoile , panemai maha », – pagižeb ak .
Groban tegiba i vüiba .
Dorogou-se vihmuškanz’ diki äjou .
«Mängäm časounikaižehe ». Mäniba .
Sigä razboinikoid’ töuz’ , vihmaspäi uidiba .
Homaičiba groban , da časounikaspäi joste uidho mecha razbainikad , a šaugun dengoid’ unohtiba časounikha .
Nece uk pagižeb akale : «Dengoid’ miile jätiba , jagagam ».A grobaspäi mužik skokkaht’ : «Jagagam , minä abutan ».
«Näge , ihastui dengoid’ prijatel’ , eläpstui ».
Ištuihezoi , dengad jagetas .
Razbainikad ühten oigenz’ba kundelmaha , äjak mest’-se om časounikas .
Nece razbainik tuli iknan alle , kikištihe i kundleb , kut dengad’ jagetas .
Üks’ mužik kacuht’ iknaha , a sigä furašk nägub .
A hii jagoiba , a kaht kopeikad ühtele ii hvati .
A nece ukoine hvatib razbainikan päspäi furaškan : «Na , sinei kahtes kopeikas furašk ».
A nece razbainik uidho .
Joksi razbainikoidennost , toižed küzeltas : «Äi rahvast om ?».
«Äi , äi . Den’gad miide jagoiba , ii hvatind kaksin’ kopeikoin’ mehele , minun furaškan hvatiba da ühtele mehele andoiba kahtes kopeikas ».
Razbainikad uidiba , a nene mužikaižed dengad jagoiba , molembad bohattuiba i nügude-gi eletas .
(AA 1654)
Kut mužiikad bohattuiba
вепсский
Средневепсский западный
Как мужики разбогатели
русский
«
«
– «
– «
– «
– «
– «
– «
– «
– «
– «
– «
«
«
– «
«
«
– «
«
«
– «
– «