Тексты
Вернуться к списку | редактировать | удалить | Создать новый | История изменений | Статистика | ? Помощь
Niičukeine i kozeine
Niičukeine i kozeine
вепсский
Северновепсский
Eletihe
koumekimnevozne akk i nel'kimevozne mužik .
Akk radįi mal , semenz’ da künz’ , ägest’ , da lehmad da hebod pidi .
A mužik oli mor'ak , [mužik ] kezal lähtob i süguzel tulob , konz dö dä külmab , ajeluz lopiže i tulob kodihe .
Hö kahten eletihe , ka nimida ii tetud : silei nimida ii olnu , ni počtad , nimida .
A lähttes mužikan parahodan tabaz’ vedehine , vedehine tabaz’ , nimil ii pästa .
Sanub vedehine hänele : «Vot anda mida sina et teda kodiš ».
Hän kaiked i suuli hänele : lehmid i höbįid i kaiken ičeze imuššestvan .
Sanub [vedehine ]: – Ii , mili nimida ii pida .
A mida vaise sina et teda , ka se mili pidab .
Hän duumei , duumei : «Minžo mina en teda ?
Kaik sijad mina tedan kodiš , midažo mina en teda ?»
No , pidi soglasitsa , sanub :
– No , okha , ota mida mina en teda , pästa vaise .
A kodihe tuli , ka akk kohtunke .
Vot mida ii tenu mužik .
Hän akale sanub :
– Akk , - sanub , – pahan mina olen tehnu .
Kacu , lähttes parahodan azot’ vedehine i suulin mina , mida mina en teda .
Mina vet’ tenu en , mise sina oled kohtunke .
No , teravas akk i rodi niičukeižen .
Niičukeine kazvab lujas hivä .
Voden dö kazvei , toižen voden kazvaškanz' .
A hän oli muga i sanunu , mise niičukeine dökseliškanz' siga dö .Ka hö dö el'getihe , mise nugut’ dö tuloba otmaha laps’ .
No , ühtel homesel laps’ dö kävel’ dei pagiž , mamm da bat't’ mecha i pagetihe , laps’ magatta i dättihe .
Laps’ nece heraštihe , voikab , voikab : mamad iilä i papad iilä .
A kozeine se i kuulišt’ .
– Mida , sanub , – sina voikad ?
– A , sanub , – iilä ni mamad , ni papad .
- A , kuule , sindei mameiž da papeiž oma suuldud vedehižele . Täambei tuloba sindei otmaha .
– Ka mii mili , niičukeine sanub , – pidab tehta ?
– Ota sareil heinad tukk , regudehe pane da iče aigemba tege pidäteine , sädata platjeižehe sinun dei virita tohuz .
A sina tukun keskhe mäne .
A mina noreižen kädehe otan i kuna pä kandab lähten sinunke .
Sina iknad aveida .
Nece rouk niičukeine , može koumevozne niičukeine ot't’ necen pidäteižen lämeinke (karasinad ii olnu ka särez oli , sinna hiiled kerbotaze ).
Niičukeine necen pidäteižen sadat’ , tohusen virit’ stolale , stolale mida siga ladi , iknan aveiž .
Iče sinna hiinan keskhe ličihe , kozeine noreižen kädehe , kozeine läks’ dorogad möto .
Mäba , mäba , kuulištet'he hahatesenke , hohotusenke asttaze :
– Oo , kackat , bardanke koza mänob .
– Mängat , mängat , koza sanub , – siga dö nevesta tiidatei varastab , lämeižed paletaze , iknad aveitud , stolad lattud .
No , hö kozad ii kosttud .
A koza edeleze mänob .Kus mödmägen alle döksob , vastmägen alle šagul .I pagetihe hö edehaks .
A hö tul'dhe , kozal nähtaze lämei palab .
Hodal tul'dhe , tresnitihe päpolihe , a nece pidäteine derevänni ka ko-kol-kol lavale .
– Aa , nena ehti , nece koza om ... Kükskam koza !
A kozad küksmaha mändhe .Mändhe , mändhe ...
A koza miččehe se derevneižhe tuli , taričihe öks , siid dö päiv proidi .
A ned däl'g kadotethe ka ii vįitud i lüuta , senke i lähttihe .
Homesel kozeine lübįi , möst necen emagan , necen niičukeižen piit’ sinna i lähttihe edeleze , sanutaze : «Ii vei tuldeiž völ vastha ».
Hö asttihe , asttihe .Možet sanugam miččennijaha lidnha dö , lidnha tuld'he .
A niičukeine kazvįi dö ii päivid möto , a časįid möto .
Niičukeine tegihe , ka voib dö pesta i uberida .
Kozeine taričihe emagale lapsenke .Mise nece voib dö pesta lapsen i stereida .
– Vaise kozeine pidab beregįita , niičukeine sanub , – kut i mindei .
Zavottihe siid eläda .Emag da ižand hiväd .
Niičukeine siid dö kazvįi lujas .
A hiilazei plemännik eläb kus-se siga .
Plemännikal mugįižel-že vozrastal rodnuze prihä .
Nece prihä käuškanz sihe tötannu da dädannu i nece niižne hiile pondravihe .
Hö dö kazdihe suurikš .Ved’ starin se teravas sanuze , a aig se ii muga proidu .
Hö i naidhe , naidhe i hiil dö siga rodihe päliči vodes laps’ .
A mamm da bat't’ perdihe päliči kahtes vei koumes päivas , nähtaze , mise kac , pidäteine langenu , last iilä , dei kozašt’ iilä .
Sanutaze : «Naverno , i koza ottihe , i laps’ ottihe .»
Eletaze hö eletaze , muga dö ravastut'he .
Hiile dö viiškimin vozin dei kuuz'kimin vozin .
A necile niiččele se mel'he , sanub : «Oliž libo ajada rodinale , völak oma milei roditel'ad ...»
No , mužik sanub : «Lähkam , löuned bude ka ...».
No , kel’ Kijevaha vöb .
Küzeltihe , küzeltihe , derevnäha i tuld'he .
Tuld'he derevnäha , taričihe öks dei .
Niičuk dö , tütär se mehel , dei laps’ dö hiilazei todud dei .
Sanub :
– Oli ninga kons-se , rahvaz pagištihe , mise old'he suuldud mamm da bat't’ laps’ vedehižele .
A mamm da bat't’ kactaze toine toižhe i voiktaze , voiktaze , voiktaze hänen tähte .
Sanub :
– Miide laps’ om , miide lapsen teddab , kut hän miide lapsen teddab , mise mö olim , mina olin suulnu vedehiižele .
Hö ii tekįi , a hän se teddab dö : nene oma bat't’ da mamm .
Hiil oli koiv ištutet iknan alle , nu ka hän koivud möto tedišt’ necin pertin .Hot’ niičukeine oli völ ii suur’ , a tundišt’ .Koiv oli dö sangištunu suureks , sanktaks kaznu .
No , potom necen kaiken hän starinįič mamale da bat'ale , sanub :
– Mina ved se niičukeine .
Kozeine mindei kaič .
Ön magazin , kozeine milei käsk ninga tehta , kozeine vei mindei ezmeižehe derevnäha .
Bat't’ da mamm voikud , proššend'ad hänel pakitaze da , tervehtaze da .
Voiktihe , voiktihe siid lapsudenke , siid gosttihe , dei ottihe mamm da bat't’ dei lähttihe , lidnas siga täambei eletaze .
Niičukeine i kozeine
вепсский
Северновепсский
–
–
–
–
–
–
Девочка и козочка
русский
«
–
–
–
«
–
–
–