Тексты
Вернуться к списку | редактировать | удалить | Создать новый | История изменений | Статистика | ? Помощь
Ukoine ongiti, ongiti i sai ahnuden
Ukoine ongiti, ongiti i sai ahnuden
вепсский
Средневепсский западный
(Sarn
)
Oli ende ukoine da akaine .
Hiil’ lapsid’ nikeda elen .
Iks’ puču pertine i murenu kart .
Ukoine ihten kerdan mäni järvele ongitamha .
Ongiti , ongiti – sai ihten ahnuden .
Nece ahnut pagižeškanz’ : «Pästa mindai tagaz , mi sinii tariž , sen i tegen ».
Ukoine sanub : «Ele minai pertid’ i kartad ».
Ahnud sanub : «Mäne kodihe , lindeb pert’ i kart uz’ , i konz midä dovediše , tule järverandha i vicaižou ropota vedehe i minä sanun sinii , midä dovediše ».
Nece ukoine mäni kodihe , nägeb – pert’ uz’ i kart pertiš uz’ .
I bapkale sanub : «Minä olin’ ongou , sain’ ahnuden , ahnud minunked pagižeb , i minä händast tagas pästin’ ».
Hän minii sanui : «Mäne kodihe , lindeb pert’ uz’ i konz midä dovediše , kucui hänennost ».
Nece bapkaine sanub detkole : «Oi , sä meletoi , sä meletoi ».
Detkon tagaz oigenzi : «Mäne živo , käske , okha voumheks kinttas ».
Nece ukoine mäni järvenrandha i ropotaškanz’ vicaižou .
Nece maimaine tuli , kizub : «Midäk , sinä , dedoi , tulid’ ?»
– «Tulin’ , bapka laiše , käskeb voumheks kintta i pašt’a ».
– «Mäne kodihe , – maimaine sanub , – lindeb kaik voumiž ».
Nece ukoine tuli , nägeb – kinttas .
Zaidi pert’he , bapka mest laiše : «Mäne , živo tagas sinnä i käske , okha semetas i rahndas , ele živatoid’ , okha živatad lindäs , astjad , voumheks liibän taptas , živatad paimetas , okha voumheks pašttas i kinttäs ».
Nece ukoine järverandha , vicaižou strikutab vedehe i värižeb .
Nece maimaine tuli i kizub : «Miak sä , dedoi , värižed ?»
Ukoine sanub : «Ninga , ninga , bapka ii pästa pert’he , käskeb voumheks rahnda , tapta , voumheks uberd’a , oldaiž kaik astjad , živatad , paimned , voumheks kiittäiž , pašttaiž , mišo miil’e ii dovedižihez nimidä rata vanhil päivil’ ».
Nece ukoine molihez maimaižele : «Voidik tehta nene minun bedad ?»
Maimaine sanub : «Mä kodhe , lindeb kaik voumiž ».
Nece ukoine tuli kodihe , nägeb – pertine enzne , murenu kart .
Bapka päččogas värižeb .
Detko hänen päle laiše : «Hüvä oli , ka sinii vuu paremp tariž , n’ugude elä enččes pertižes , murenudou kartou i murenudou padou ».
Muga eläškat’he igän .
(AA 555)
Ukoine ongiti, ongiti i sai ahnuden
вепсский
Средневепсский западный
Старик удил, удил и поймал окушка
русский
– «
– «