Тексты
Вернуться к списку | редактировать | удалить | Создать новый | История изменений | Статистика | ? Помощь
Miška i Маša
Miška i Маša
вепсский
Северновепсский
Eletihe baba da
deda .
Hiil oli vonukeine Maša .
A hänel oli mamm da bat't’ se koldud , a bab da ded se vonukeižen kazvatet'he .
Kerd ninga zavottihe :
– Babuška da deduška , pästkat tiide Mašad gribįihe .
– No ka algat zablut'ke , algei Mašad dätkei .
No , a niičukeižed mecad möto lähttihe da kaik kogotaze da ukutetaze : au , au , au .
A änt Maša kuule ii , dei Maša zabludilas .
Pidi kodihe tänna kätaze päivale mödha , a hän , rouk , kändihe nakkana .
Voikab .
Töuz’ burakeine gribįd i segįi .
Astį , astį , tegihe dö hämär .
Pertine tuli , hän pertižehe i mäni .Mäni , ka siga Miška-medved’ živöt .
– Oo , Mašen'ka , tulid ! Pane gribeižed nakhu i milei eci täid , kabiče pä .
Maša , rouk , ištįhe , voikab , voikab , voikab .
Mišal kabič pän .
– Dei pajata .
Hän :
«Baju , baju Mišad , baju , baju Mišad .»
– Ed muga .
– Kutžo ? - Maša sanub .
Ii teda kut pidab Mišad bajutada .
Kuspei se oli kuulnu , mise lapsid bajutetaze : baju-bajuški , baju !
– Vot kut bajuta : «Baju-baju Mišad , soupta sil'meine , soupta korveine , umbišta neneine .»
Hän , rouk , voikunke se :
«Baju-baju Mišad , soupta sil'meine , soupta korveine , umbišta neneine .»
Miša i uinoz’ .
Miša dö hrappib magata .
A hän pordhile i läks’ .
Ištub pordhil i voikab ka , voikab ka , voikab ka .
Döksob höbo .
– Mida , niičukeine , voikad ?
– Baba da deda kodiš , a mina kondijal kobras .
– Ištte milei raccile i pidelte grivas .
A Miška heraštihe ka Mašad iilä i pajata ii .
A höbo döks’ , döks’ , a höbo lapsenke s'otaki , ii lujas döksnu .
– Hrap , hrap ! Miška tuli da hänel tagadöugad ranič , ranič dei Mašan tagaze ot't’ .
– Mikš pagened ?
Mašal dö kaik sijeižed säreitaze .
– Živo mindei uinota !
Maša möst voikunke :
– Baju-baju Mišad , soupta sil'meine , soupta korveine , umbišta neneine .
Möst Miša i uinoz’ .
A siid üks’ lehm mänob mecha hätkestunu .
Hän dö möst pordhil ištub da voikab .
Lehmeine nece proidub dei [sanub ]:
– Mida , niičukeine , voikad ?
– Ka deda da baba kodiš , a mina kondijal kobras .
– Ištte milei raccile dei sarviš pidelte vahvemba .
Nu , a lehmal udar’ ninkine ka ...Dökselob , dökselob , lujas-ik döksed .
Miška heraštihe , möst iilä Mašad .
Most läks’ küksmaha .
Küks’ , lehmän ranič , kaiken udaren rasti dei Mašan ot't’ .
Posadaha lehm tuli nagolo veres .
– Avei , entä mii om tehnuze ...
A baba da deda dö täga ii ni varastagįi .Raz dö niičukašt’ ii tulnu .Toižed tuld'he dei lapsed sanutihe , mise : "Em nähtud dö amu Mašad ".
Maša dö segįi , kac , mecha om puutnu kondijale .
Sönu om dö kondi .
Kondi :
– Uinota mindei .
Möst Maša-rouk kačei :
– Baju-baju Mišad !
A meles se sanub : «Ii nä ehti Mišale .
Mišale necile pideiž viičel ajatada kurkhu , ka kut pidab ajatada ?
Väitti , pidab hitrostid väheine .»
– Baju-baju Mišad , soupta silmeine , soupta korveine , umbišta neneine .
Miša i uinoz’ .
Homesel lübįi .
– Miša , miil iilä nimida ka .
– Mida olda ?
– Ka iilä miil ni čainikad , iilä ni katl'ad , iilä miil ni krupad .
Miša siičas bazarale mäni , siga rahvaz pel'gastut'he kaik .
Hän mida pidi ot't’ : čainikad i posudad i krupad , mida pidi ot't’ kaiked Mašale i taššib gurbal havadįd kogonaze .
– Kac , na .
No , Maša se kodiš nägi , kut baba kiitab .
Hän , rouk , kiitab .
Eläškat'he .
Eletaze Mišanke .
Mida , eisa nikeine mända kodihe ka : küksob dei , ii völ sö ka .
Eletaze .
Kevaz’ dö tuli .
Tal'ven Maša i eli , gor'a , Mišan pertižes .
Ka , hän völ toižen kerdan sanunu : «Eilä miil ni sobid , iilä miil ni od'alįd da ».
Miša möst mäni bazarale , dei möst bazaral od'alįd i pölusid i matrasid i kaiked vargast’ .
Mišad pel'gastutaze rahvaz , pagetaze , mise kondi bazarale tuli .
No , eletaze , eletaze .Kevadel lähttihe : pidab hougod zagotouda .
A päiveine paštab .
Maša se sömha ištįihe dei Miša se sanub :
– Milei om uni , - Miša se sanub .
– Nu ka uni ka vere , vere , mina silei täid ecin .
Hän dö , Maša se , ii ni vareida nuguni händast , teddab , mise ii sö ka .
A hän päipaštol kabič , kabič hänel pän , Maša se , näggob , mise dö fureidįitab nagolo .
Hän (Maša se ) ku ottab da viičel Mišale ...
Hän vaise : khh ...
Maša [sanub ]: «Slava tebe gospodi , kondijan olen riknu .»
Kodihe tuli tropašt möto kudambel höbonke da lehmeiženke se aji .Da dedei da babįi ii uskkįi , mise Maša om tulnu .
– Ka kuspei sina dävitįi ?
Ved počti dö vodes ed olnu .
– Ka olin kondijal kobras , da kacu , kondijan olen riknu .
Lähkam vei , elod om mii kandižnu .
Posadas höbįid ottihe da tuld'he , elo kaik kondijan pertižes ottihe .
Karstihe dorok se , dorok se kaid .
Dei telegiile valdhe dei kahtel podvodal kodihe todhe .
Dei Maša živa .Dei muga i eletaze .Dei täambei siga eletaze .
Miška i Маša
вепсский
Северновепсский
–
«
«
–
–
–
–
–
Медведь и Маша
русский
–
–
–
–
–
–
–
-
–
–
–