Тексты
Вернуться к списку | редактировать | удалить | Создать новый | История изменений | Статистика | ? Помощь
Ižand emaganke da sused-lihanik
Ižand emaganke da sused-lihanik
вепсский
Северновепсский
Sädihe
lähtta ühtel aigal mecha , pimedaha korbhe , sen'he ižand emaganke da sused-lihanik .
Pant'he kašlid sel'gha i lähttihe .
Hät’k pidi astta vai ii hätk , no iilä ses sanad .
A vot om az'z’ mitte .Kut tult'he mecha i mida se hö ii nähkįi : ühtes bokas barbikod kazdaze däredad , toižhe polhe kacuhtad ka ses bokas pedajad enččed dölole mödha koverdeleze .
Keratihe , keratihe sent i pidaškanz' kodihe lähtta .
Mänoba , mänoba , a kodid nägu ii .
Segįitihe .
Mii siid tehta ?
Ka tegend om tedmiine .Zavottihe kaik koumen kesken ühthe än'he kidad lastta : «A-a-a !Au-u-u !»
No niken-se vastuzänt mödaspai ii anda , kut vaise üks’ nägotiin mugažo : «A-a-a !Au-u-u !»
Nähtaze , az'z'ad tegihe hondod da völ päleze näl'gt tuli .
A kus pidab sada sömišt’ ?
Küzutaze toine toižel .No siid kerdal vouse ved’ tedmata .
Ainastaze kaik koumen tedrin pezale .
A pezas ištįi tedr’ .
No ižand : čapp !
Ičeze kobril i tabaz’ necin tedren , i hiviš meliš sanub :
– Nuguni sömanke mö olem .
Pidab dägaškata nece lind , i mise nikeda abidoho ii dätta .
Ken mahtab d'agada ?
- Na , ota sina , emag , d'aga , – sanub ižand emagale .
A hän :
– Nu min sina , ižand .
Anda vai d'agab paramb lihanik .
Hän dö tedab kut d'agada pidab .
– Ka kutžo , kutžo , dö völ mina en mahtne , jesli kut olen lihanik .
I otihe d'agada .
Ezmäks liikaz’ pän i andaškan ižandale .
Sanub :
– Vot sili , ižand , jesli kut sina oled pämez’ , ka i vot na sili pä .Üks’ pä kanzan edes om hüvä , a kaks’ liinob völ paramb .
Liikaškan’ sougaižed i sanub emagale :
– Vot sili , emag , nened samiad parahimad sougaižed sättutaze antta vaise sili , mise sina voižid pühäpään emagusen seil voita .
Muga lihanik i d'agįi necin tedren .
Ičtaze d'agospai ii ümbärnu : doidii liha kaik ičeleze .
A seile pidaškan’ mest kävelta näl'gal , kuni ii puuttut kodihe .
Ižand emaganke da sused-lihanik
вепсский
Северновепсский
–
–
–
–
Хозяин с хозяйкой да сосед-мясник
русский
«
–
-
–
–
–