Тексты
Вернуться к списку | редактировать | удалить | Создать новый | История изменений | Статистика | ? Помощь
Mehed L’udmila . Kakši kirveštä
Mehed L’udmila
Kakši kirveštä
карельский: собственно карельское наречие
Новописьменный севернокарельский
Kakši
yštävyä , Miikkula ta Iivana , oššettih kaupašta kakši šamanmoista kirveštä .Tavallisie , kumpasilla halkuo pilkotah .Kirvehet oli luajittu yheššä verštahašša yheštä rautapalašta .
Miikkula heti alko ruatua kirvehellä .Hiän pilko halkuo , hakasi penšahie , lauvisti hiršijä ta käytti työkaluo kaikissa kirvešmiehen töissä šekä otti šen kalaššukšella ta retkellä .
Iivana loi oman kirvehen aittah ta unohti šiitä .
Muutoman ajan piäštä kakši yštävyä vaštautu .
– Mitä kuuluu ? Mitä ruat ? kiinnoššukšella kyšy Iivana .
Miikkula varovaisešti šilitti kiälläh kirveštä ta vaštasi :
– Ruan .Kačo , kuin on hyvä kirveš : kiiltäy , terä on näpie , kirvešvarši on šopiva .
– A mitein šiula asiet ? Kelpasiko šiula kirveš ? kyšy Miikkula yštävältä .
– Miun kirveš venyy aitašša . Läkkä , kačomma šitä .
Yštävät lähettih aittah .Kirveš yksinäisešti šeiso nurkašša ta oli kokonah ruoštun .
– Kummallista . Mintähpä šiun kirveš kiiltäy , a miun ruoštu ? murehtien kyšy Iivana .
– Miun kirveš on uuraštaja . Šillä ei ole aikua ruoštumiseh , vet še aina ruatau ta šiitä hyväštä tuli kiiltäjäkši ta teräväkši .Mitä enämpi venyt kylellä , šitä pahempi on , ta šiitä ruttoh ruoššut , luati yhtehvevon Miikkula .
Kakši kirveštä
карельский: собственно карельское наречие
Новописьменный севернокарельский
–