Тексты
Вернуться к списку | редактировать | удалить | Создать новый | История изменений | Статистика | ? Помощь
Kut mina gälo keskhe putuin’
Kut mina gälo keskhe putuin’
вепсский
Средневепсский восточный
Taufhen mina
mänotin’ kaiken päčuu .Dumain’ : minein’ päčile kalaine tulo ei .
Tegehesoi lämäd päiväižed , vesläd päiväižed , päiväine paštaškanz’ .
Päčile minein’ haugiižed tulo ei , tariž probuida mända .
Otin’ venehudon popravin’ .Dai bože noški .
Ištįimei .Ajin nel’ kilometrad .
Süud tulob , oja , eisa proit’t’a enambad .Veneh leta , ka tagaze eisa doitta minein’ kodihe .
Venehen sid’ gätin' .
Toižuu päivau läksin’ , doidin’ gärvelosai .Ühtcan merežašt oli gättut minain’ muloi kevaduu vedhe .
No , dobrį molodec , merežaižed panin’ .Kacauta , mina san , eik putnu .
Minein’ lähttes kaks’ haugišt’ putuiki .
Kodihe tulin’ , päivän narovin’ , toižuu mänin’ .Püdusudod kacuškanzin’ , minain’ haugižed oma , kacauzin’ , pol’ meršid’ minein’ putuiki .
No , kodiš päivan-se narovin’ .Mända , san .Gesli merežaha puttas ka uitki ei kalaižed .
Mänin’ , kacun , merežas nimida eilä , toižes kacun , nimida eilä , rüunhasai kacuin’ – nimida eilä .
Kacun , merežad minain’ ei kosknugoi , verhad ei ounugoi , ei kacnugoi .
Ustei avainuise gärves .
Otin’ da merežaižed veneheze kerazin’ .Kaks’ gätin’ .Kaikid’-se en rohtn’u kerata , minä san , lendab vai ei veneh .
Merežaižed kerazin’ , läksin’ ajamaha gärveberegadme .
Vilu oli kevas’-se , näged .
Nu ka ust’käspäi-se sulab oli , a sid’ ninga kül’m gähut .
Minain’ doitta ii saškanu .
Mina , davai muretada , dumain’ , sigau püdlim ka sinna panda merežad .
Doidin’ pohtalosai , pohtan möst ajiin’ , pol’ kilometrad linnep .Sen doidin’ i edembalo doidin’ , möst gä , kus ajan , kus murendan naku ninga .
Ehtkoižeks doidin’ stanhusai , stan oli gärven taga .
Nu , merežaižed kuižin’ , ehtkoižuu kuivad merežaižed panin’ .
Stanus vüu niken maganu ei , haugošt’ sada trudno .
Lepäižid’ sain’ , pažagaine minain’ .
Kaiken öhuden ištti da naku ninga peksimoi .
Ühtnägi polišön gromiškanz’ .
Dumain’ eduu , mašin ajab .
Kacu , mina san , mašin vai jeroplanau ajetas .
Hiile eile öd , näged , ajetas .
Toižen kerdan kulištin' ka gürskaht’ .
Ühtnäg tullii kändihe kodišpäi , gögensuspäi känd’he .Tullii ningitte gromudme tuli , minain’ čut' ei lämoihut puhthaks sambutand .
Kajahtoit’ gromd’a da vihmau da habi homesehesai spasajimoi .
Tulliin’ säd’ ningiman .
Gärv’uu-se oli gä vüu , gähuden kaiken necen stanun edusihe ajii .
Mina lähtnu päiväiči , leibäd ottut eile , dumain’ kodihe tulon ka mida ...(oi sarnaine om , iloho kändab ).
Kacauzin’ stanuspäi ka , koiv beregau , koifhusai gä tuunu ka päčin kortte .
«Nüg’utte , – mä san , – Samoha , popal , kalanik , nüg’utte , – mä san , – vaumiž ».
A vihmda žarip ka , da tullii ust’käspäi , eisa daže stanus spasaidakse nikut .
Haugoine lopihe , haugošt’ čapmaha läksin’ , ka kus sina lüudad kuivad , sügüzuu kaik garbüunikad da kaik keratihe .
Läz nikus iilä , habi sigaupäi märg’ ningitte tulin’ , habi lämoihudon tegin’ .
Päivan mänotin’ leibäižeta .
Ön pravadin’ , nouzin’ , tariž kacta .
Kacauzin’ , gä polonu ei .
Ninga penzhaveridme haugoites .
Mä san , probuid’a lähtta .
Doidubik neche kül’mehtuda muga .A sigau gärv’uu nägen miše laineh , gäd eile , gä оm todud sihe .
Läksin’ , läksin’ , pohtastme vähäižen ajiin’ .
Enambad ajada ei sa pohtadme , tariž gärvele lähtta .
Gärvele lähtta , ka penzhiden kortte , polen päčin' kortte kaik sklonib , ka ii sa pristuptsa-se nikut .
Mina venehüu läksin’ , minain’ venehut kärauzihe kuspäi läksin’ ka sihe nenaine .Peran nühtin’ , ka nena minain’ sid’ gö .
Nu kukernu ei .
Mina en miše vasthaze , mödhaze kärauzimoi , da vast lainhile davai pidadase .
Homes-se vilu oli ningitte , veneheze rüunihe i melaha kaiken g’ähuden kül’m’ .Minä ajan , sihesai ajiin’ ka gö bokha čokoiškanz’ .
Mina san , vaumiž .
Tol’ko naku minein’ doitta horomohossai , gälo pälo venehuden-se helahtoit’ čuta .Veneh seižutihe .
Tullii puhub , ka vähäižen zavodihes šataidakse .
Vouged g’ä-se ounuiž ka minä lähtnuižin’ , gälo vedaunuižin venehen .
Lähtnuižin’ da gädme kudai voin’ ka venehes pidanuižimoi .
Mau päu ka nügütte šatib , a vedou päu minein’ varaidust eilend .
Mina saum’uu čokaižin’ , saumut fati ii minain’ , melau nimida tehta emboi .
Minä ištun časun i enamban aigad .
Nügutte propal , melüu dumain’ .
No tullii-se fukut’ , fukut’ , nece šugu säbeganz’ dai rozvodihe vähäižuu .
Mel-se minain’ tartuškanz’ , mina sirdamoi .
Doidin’ki beregahasai , möst süumad ristin’ .
Doidin’ nügutte beregalo .
Kül’mehtün’ ka , mina san , ka hot’ ii gärves ectä , beregau lüutas .
Nu , beregadme läksin’ ajamaha , nu ka kanabr’ kaznu , kanabros-se veneh proidu ei .Edemba läksin’ , ka samaumäthimei proidu veneh-se ei .Da mina gögensuhusai habi ehtkoižesai en doidnu .
Gögele se doidin’ ka päzin’ nügutte .Möst malitvan sotvorin’ .
No , minain’ mogutat-se tehnuse ei g’ö , koumandet sutkat tegihesoi i sömäšt’ nimida .
I söda tahtoi en , sömale ka veda ei .
No , kuivad beregašt nikus eilä .
Kuifha beregahasai doidin’ .Minain’ lämoi oli tehtut da .Koiviižes kandospäi tohräpišk oli gänu , sihesai-se doidin’ .Mända , mina san , pestazo da lämbitoudase i kodihe bude doidin’ ika kül’mehtun veneheze , ka eisa doitta .
Läksin’ venehespäi ka minä g’augoil’e seižutadase emboi , läksin’ da kondjan karthe .Ilo hot’ gor'a .Lämoisijalesai mänin’ da toheze-se lämoin’ tegin’ da lämbitelimoi .
Tol’ko doidin’ minä süudaižennoks , päiväine laskihe .
Püudoadgihesai tulin’ , en ta äjak kerdad lebaidelimoi .Aidalo ištįimei ka mindain’ naku ninga nukutaškanz’ .
Mina san , mina kül’mehtun nečhe , kuloskenzin ka .
Voin’ , en , a tariž doitta .
Kodihe tulin’ , ka kaks’tostküm’e časud gö proidi polosöspäi .Naku kut gälo keskhe putuin’ ka .
Kevaz’sarnaine sanutut kaik .
Kut mina gälo keskhe putuin’
вепсский
Средневепсский восточный