Тексты
Вернуться к списку | редактировать | удалить | Создать новый | История изменений | Статистика | ? Помощь
Pihkmut da kivut
Pihkmut da kivut
вепсский
Средневепсский западный
Eliba
prihäine da akaine .
Nece mam poigale sanub :
- Kut mii eläškandemai , liibäd ni supalašt’ ele .
Prihäine :
- Mamoi , mäne aitha , kolotiške purnuižed , možot lüudat pazaižiš juväižid libo jouhošt’ edįk lüudaiž .
Akaine mäni aitha , koloti , koloti purnuižed , pihki da jouhod lüuzi puzikaižen .
Aitaspäi läksi , libui sur’ tul'l'aine , jouhon necen kaiken puhui tul'l'aižou .
Akaine tuli pert'he värunke :
- Oi , oi , poig , kerazin' , kerazin' jouhošt’ puzikaižen , da tul'l'aine vii .
Poig :
- Ala väriže , mamoi , mina mänen tul'l'aižou pakičen jouhon tagaz .
– Ka kut sä tulläižou jouhon pakičed ?
– Linneb jouh sadut .
I män’ prihäine tul'l'aižou jouhot samha .
Mäni tul'l'aižennost :
- Tul'l'aine , anda jouh , mamalain miak sä vüid' ?»
– Mina antta emboi , mäne tagemba minun vellennost , hän sinii andab .
Prihäine mäni edembahk toižen tul'l'aižennost .
Tul'l'aine diki äjou puhub .
Prihäine :
- Anda jouh minii .
Tul'l'aine :
- Emboi jouhod antta mina , mäne edemba , om minun tat diki vägihine tul'l'aine .
Hän sinii andab .
Mäni prihäine vägihižen pohjaižen tulläižennost .
Prihäine :
- Ala käräida minun päle , anda jouh minii , miil liibäd söda ele .
- Mina jouhod antta emboi , mina andan sinii pihkmuden , levitad stolale , midä pakičet toda söda , sidä andab .
Prihäine ihastui , kumarzihe jougha tul'l'aižele i mäni kodihe .
Astta oli edahaks .
Tuli derounaha , pakičihe öks .Ižand händast pästi .
- Ištte , prihäine , užinale , eskäi panetud .
Prihäine :
- Minai om ičein' užin .
Pihkmuden kaivoi , leviti stolale :
- Pihkmut , anda minii söda .
Pihkmut kaiked andoi .
Ižand čududelese :
- Mitte nece pihkim !
Prihäine süi , panihe magattaha .
Prihäine uinoz’ , ižand necen pihkmuden hänou vorui , a pan’ prostan pihkmüden hänele .
Prihäine homencou nuuzi aigašti i män’ kodihe .
Tuli mamazennost :
- Mamoi , mina nugude toin' kaiked .Ištte sömhä .
Prihäine pihkmuden leviti : «Pihkmut , anda söda ».
A pihkmut ii anda .
Prihäine fatihe :
- Verno ižand vorui necen pihkmuden .
Mest mänen tull'l'aižennost , pakičen jouhod .
Dai män’ prihäine tul'l'aižennost jouhot pakičemha .
Tuli prihäine tul'l'aižennost :
- Tul'l'aine , anda jouh .
– Jouhod mina antta emboi , a andan kivuden , jouhouda kivudou , andab kaiked .
Prihäine kivuden oti dai uidi kodihe .
Tuli ösijale , taričihe öks .
Ižand pästi .
- Išttezo sömhä .
– Minai om ičein' užin .
Prihäine jouhouzi kivudou , pästi kaiked .Prihäine süi , pani magattaha .
Uinoz’ prihäine .
Ižand necen kivuden vorui , hänele pani prostan kivuden .
Prihäine aigoiž nuuzi dai män kodihe necen kivudenke .
Tuli kodihe mamazennost :
- Mamoi , ištte sömhä .
Kivudou jouhouz’ , kivud ii pästand nimida .
Prihäine hvatihe radod :
- Nece ižand mindai maniteleb .
Mänen mest tul'l'aižennost .
Mäni tul'l'aižennost :
- Tul'l'aine , anda minii jouh .
Tul'l'aine :
- Emboi antta sinii jouhod , enamb antta ii midä .
Andan mina sinii dubinaižen , dubinaižele sanu : «Lö hiidazoi ».
Prihäine dubinaižen oti , män’ kodihe .
Tuli mest sen ižandannost öks .
Ižand mest :
- Ištte užinale .
– En tahtoi , panemoi muite .
Ižand hvatihe : «Mest toi midani prihäine , ii ištte sömhä ».
Prihäine uinoz’ .Ižand podoidi prihäižennost :
"Užo mina otan kaluižen necen ".
Ižand otaškanz’ , a prihäine-se ii magadand :
- Kaluine , lö händast !
Kaluine ku oti kävelta sel'gädme ižanduu .
Ižand moliškanzihe prihäižele :
- Kel'dä , okha hiitab löndan .
Prihäine :
- Anda minii pihkmut da kivut tagaz , siloi mina keldän .
– Andan ,- sanui ižand .
Andoi kivuden i pihkmuden .
Prihäine kel'di kaluižen , oti kivuden , pihkmuden i kaluižen i män’ kodihe .
Tuli mamazennost :
- Mamoi , mii bahattuimai !
Mam kuumet sutkad i ištub sömäta .
- Ištte , mamoi , sömhä .
Pihkmuden leviti stolale :
- Anda , pihkmut , södä !
Pihkmudele kaiked tegihe söda .
Mam ihastui .
Kivuden stolale pani , ku jouhoudab kivuden , sigä vuu parembad söndad hot’ mi .
Mam da poig eletas diki čomin' .
Eli sid ii edahan bajar' , kulišti necen radon , prihäine ninga bohattui .
Tuli prihäižennost .Kutak nece pihkmut mänitada ?
- Prihäine , anda minii pihkmut vähäižeks , mina kucun adivoid' , adivoide aigaks .
Mina sinii andan dengoid' .
Prihäine soglasihe :
- Mina andan sinii pihkmuden i kivuden .
A bajar' sanui prihäižele :
- Mina stroin sinii perti'n čoman i andan dengoid' .
Bajar' män’ kodihe , leviti pihkmuden stolale :
- Ak , tuleške tänna , mitte miil bohastv .»
Ak tuli .
Bajar' :
- Anda , pihkim , söda !
Pihkmudele tegihe kaiked .
Bajar' da bairak igäs ii nägišket ningošt’ elod .
- Minai ii kaik vuu sid ole .
Pani kivuden stolale .
Jouhodab kivudou , sid’ vuu paremb tegihe stolou .
Bajar' dumaib : «Enamb en anda prihäle tagaz necidä ».
Prihäine kävel’ , kävel’ pakičemha , bajar' anda ii kivut i pihkmut .I dengoid' ii anda , i pertid' ii stroi .
Mam ištub da värižeb :
- Ele miil gor'a-gorkijoile ozad .
Prihäine :
- Mamoi , ala väriže , mina tegen ozan .
Mäne sina kävele , vuu kerd pakiče .
Mam mäni , bairile jougha kumarzihe , bairil' adivoit töuz’ , - stolan taga išttas , pihkmut levitet , kivut stolau .Adivoičese adivod .
Akaine moliškanzihe bairile :
- Anda pihkmut da kivut .
Bajar' akašt’ tuukou :
- Kut sä rohtit' tulda minun pertid' stramm'm'ah'a , virzuiš lavale polgid' .
Lavad bairil hoštetas .
Akaižen irdha tuuki bajar' :
- Vuu tule pakičemha , mina sindai ripputan , adivoide aigan sina stramid' mindai .
Akaine män’ värunke kodihe :
- Oi , poig , poig , linneb näl'ghä kolda .
A prihäine :
- Em kolgoi , mina mänen iče .
Prihäine oti dubinaižen i mäni bairinnost .
- Anda minii , bajar' , pihkmut i kivut .
Bajär prihäšt’ tuukou .
Prihäine :
- Ed anda hiiväižou , mina otan toižin' .
Prihäine dubinaižele :
- Löške händast , pane hiit’ kaikid' .
Dubinaine kaikid' löškanz' , ezmäi bairid' , sid’ adivoid' , muga pani hiidäzoi .
Bajar' moliškanzihe :
- Ota kivut i pihkmut , vaise kel'dä dubinašt’ .
Prihäine dubinaižen keldi , kivuden da pihkmuden oti , mäni mamazennost .
- Mamoi , mamoi , mii nugude eläskandemai .
Pihkmuden da kivuden pani stolale :
- Pihkmut , anda söda .
Pihkmut adnoi kaiked .
Prihäine kivudou jouhouz’ , sigä tegihe vuu enamb .
Prihäine mamalez :
- Kacu , nügude bahattuimai .
I nügude-ki etelas prihäine da akaine čomin' .
Pihkmut da kivut
вепсский
Средневепсский западный
-
-
-
-
-
-
-
-
-
-
-
-
-
-
-
-
-
-
-
"
-
-
-
-
-
-
-
-
-
-
-
-
-
-
-
-
-
-
-
-
-
Скатёрка и жерновок
русский
–
–
–
–
–
–
–
–
–
–
–
–
–
–
–
–
–
–
–
«
–
–
–
–
–
–
–
–
–
–
–
–
–
–
–
–
–
–
–
–
–