Тексты
Вернуться к списку | редактировать | удалить | Создать новый | История изменений | Статистика | ? Помощь
Mäniba lapsed nabolįihe dei pörästuiba
Mäniba lapsed nabolįihe dei pörästuiba
вепсский
Южновепсский
Mäniba
lapsed nabolįihe dei pörastuiba sina .
Prihäine en magaz’ korbes , mäližii .
Astuškaaz’ homencoo hebo , prihaane voikab .
Hebo i basib :
- Midak sä , poigaane , voikad ?
– Sida voikan , basib , – ii putta kod'he , pörästuin’ .
– Ištte mine rachale , mä sindaa kod'he ven .
Prihaane hebole ištįihe rachale , i hebo prihäžen vedab kodhe .
Ajeiba , ajeiba , putui pertine .
Pertižespaa joks’ mamšine , jagi-baba i necen prihaažen hvati sel'gäs i
vei pert'he .
Ripub hänoo kätte pertižes i necile prihaažele basib :
- Sä likuta mindaa i bajuta .
Nece prihaane voikab i bajutab :
- Ba-ai bapkoid , baai jagi-bapkoid !
Nece bapkoi uindaškäz’ .
Prihaane i basib :
- Pästa , bapkoi , mindaa pähut sugmaha krincaažile .
Päi voo poloo .
Prihäne män’ pähut sugmha .
Sugib i voikab krincaažoo .
Astub härg .
Basib :
- Midak sä , poigäne , voikad ?
– Näe , ninga i ninga , pörastuin' da hebo toi mindaa da jagi-baba satoi pert'he da käskob nän'koita i bajutada .
Kodihe nügüd mine ii putta igas .
– Davai , prihaane , ištte mine rachale , mä sindaa ven kod'he .
Nece prihaane ištįihe härgäle rachale .Härg ajab .
Prosnihe jagi-baba , skokni polole , ka prihäšt’ eile .
Vzgläni tele , ka härg prihaažen vedab .
Jagi-baba joks’ , joks’ , tol'ko täpnida prihaašt’ sel'gäs , a härg händan lend’ da ku purskaadab paskata i kaiken paskaaz’ necen jagi-baban .
Jagi-baba mälegaaz’ :
- Nügüd mi mine tehta , prihäžen veibä i näge en nimida .
Joghe män’ pezmaazhe , a sid’ aig härg prihaažen vei kod'he .
Mäniba lapsed nabolįihe dei pörästuiba
вепсский
Южновепсский
-
-
-
-
-
-
Пошли дети за ягодами и заблудились
русский
–
–
–
–
–
–