Тексты

Šiinä oli šemmoini niemi, kaunis. Šieltä enneinhan kaikki jalalla käveltih. Ei oltu niin kuin nyt – tullah i šiellä ajetah šiih. Tuli šiihi pannah i hiän mänöy perevosiuččiutuu niitä venehellä. No, yksi šieltä niiltä häntä [huomasi]... Tai mielty häneh, Koštamukšešta. No še on miun [tuattopuoli]. Elettih hyö, hänellä [muamolla] oli kakši lašta vot häneštä. No ne kuoltih šiitä...
Mamman kera joka kerta olima yheššä. Myö hänen kera venehellä. Šekä lehmyä piti mamma, šoutima, i heinyä niittimä, myö šielä keppien kera panemma. Yhen kerran ni kohta oli, jotta uppuon – niin äijän heinyä panima. Hyvä, jotta oli šemmoni misočka ta... Šanou – vesi tulou – ni yheššä hyppäsimä, jo pikkusen vejältyä, puolet heinie jättimä mualla tai ielläh. A kuin elyä piti? Elukkua [muamo] piti, lehmyä piti, lampahie piti, kanoja pitimä.
Kävelimä kerppuja leikkasima, mamma heinyä niitti, mie heinie niitä haravoičin, tukkuloih. Hiän niitä suaproih pani, heinyä, vot. Niiltäh ruatoma. Marjua keräsimä, šientä keräsimä, kalua pyytimä. Joka kerta verkkoloh. Ylen šuvaičin kalua [pyytyä]. Kun lähen onkella...

Там был такой мыс, красивый. Оттуда раньше ведь все пешком ходили. Не было так, как сейчас – придут и туда едут. [Раньше] огонь там разведут, и она [мама] идёт их переводить на лодке. Ну, один оттуда, из тех, её [заметил]… Да и влюбился в неё, из Костомукши [был]. Ну, это мой [отчим]. Жили они, у неё [у мамы] было двое детей от него. Но они умерли потом…
С мамой каждый раз мы были вместе. Мы с ней на лодке. И корову держала мама, гребли, и сено косили, мы там с палками наложим [доверху]. Один раз я едва не утонула – так много сена положили. Хорошо, что был такой мысочек да… [Мама] говорит – вода заливается – так вместе выпрыгнули, ещё немного дотянуть, половину сена оставили на земле и дальше. А как жить нужно было? Животных [мама] держала, корову держала, овец держала, кур держали.
Ходили, веники для скота нарезали, мама сено косила, я это сено сгребала, в кучи. Она их в зароды складывала, сено, вот. Так и работали. Ягоды собирали, грибы собирали, рыбу ловили. Каждый раз на сети. Я очень любила рыбу [ловить]. Как пойду с удочкой…