Тексты
Вернуться к списку | редактировать | удалить | Создать новый | Статистика | ? Помощь
Syndyy kuuneltih
Syndyy kuuneltih
карельский: ливвиковское наречие
Syndyy
kuuneltih , tol’ko ei pie boltaijakseh da sit kudai maltau kierdeä .Synnynmoan aigan yhteh kuuččah gu kerävytäh tytöt kaikin .Sit konzu venčaijah , pyhkin stolalhäi on , sit sil kattau , sit boabušku šiižman kädeh ottau , sit kierdäy sen heijät , vaigu jättäy vähäizen .Sit midä rodineh sil vuvvel , net kai kuulutah .
A meijän moama oppi koirastu haukuttoa , kunna puutut miehel , kudoal čural puutut miehel .Enzimäine go haukkamus vai jälgimäine ildaizen syvves , se ottoa , sit pohjaizen potokan al mennä , sit huroal kannal punaldoakseh , da huroas olgupeäs peäl’či se lykätä : kunna minä puuttunen , kus ollou minun vastineh , siepäi koiraine haukukkah .Moamal haukkui N’uakoi –lambispäi , Jänöiselläl otettu oli .
Vasil’l’oa vaste Syndy moah heittäh .Enne loaittih piirait Vasil’l’oa vaste .Nu kaksi nedälie se Synnynmoan aigu on .Vot i loaittih net Synnyn piirait .Häin sit eihäi , häi jo sit enämbi ei kuulu Syndy .Syndy Vieristän huondeksel vie , sanotah , kuuluu , ijän mustan neče Šotun Man´a , pieni oli vie .Sit sanottih Vieristän huondeksel lattiel topat pyhkie da helmah kerätä , sit länget , uvehen länget peäh panna , sit kuuluu Syndy .Häi uvehen länget peäh pani , stolan oal meni , sinne uinoi .Tyttö , tyttö !Enne čuudittih äijy .
Ligaroadoloi Synnynmoan aigah ei pie roadoa .Kahtes nedälis liigoa ei pie pestä , ei , nenii buukkuloi keitteä da .
Syndyy kuuneltih
карельский: ливвиковское наречие