Тексты
Вернуться к списку | редактировать | удалить | Создать новый | Статистика | ? Помощь
A kuinba se lambuškašša sukkua kaššetah
A kuinba se lambuškašša sukkua kaššetah
карельский: собственно карельское наречие
Паданский
— A
kuinba se lambuškašša sukkua kaššetah ?
— A šukkua kuin kaššetaa ? Avandoo , avandoo , no talvella avаndoo .Ka kuin ?Panet šukat jalgaa , lähet pal’l’ahin , hyppiät sinne randaa , pal’l’ahin jaloin hyppiät , lunda myöten , ei oo kylmä sillä aigua , ei vet jalgoi kylmä tyttönä ollešša .Mänet avandoo , jallan kastat , dai ei pie jällelläpäin kaččuo , hyppiät kodii , dai vieret muate , a siid´ä unissa niät kuin značit tullaa šukkua , tulou šukkua jallasta ottamaa , se lienou ženihäkse , se on ei pravda .Ei mäne se ženihäkse , možet semmoine lienou , nu ei se .
— A jos kačot jälelleen ? Mitäbo siitä ?
— Järilleh päin ku kačot , hän lähtöy jälgee ajamaa . А-а-а !Yksi tyttö ku jällelläpäin ku kaččo , ni ku heinätukku jälgee vieri , dai veräjii suah , pordahii suah tuli .Hän ravussa perttii , da ni unissa nägi .Ožakaš olit , sanou , kergizit veräjän umbee panna molitvun ker .K’et olis kerinnyn , ga mie olizin ozuttan šukan kaššannan .
— A kemba se oli ?
— A kembo tiedäy , ken oli , ka Syndy vain ken oli . Mi on Syndy , myö vet emmä kaččonun .Ku sanotaa Syndy , Syndy , ku heinätukku vieri jälgee , naverno Syndy oli .Myö vet emmä iče tiijä , ongo vain ei oo , ku muu tukku vieri jälgee , ga oli .
A kuinba se lambuškašša sukkua kaššetah
карельский: собственно карельское наречие
Паданский