Тексты
Вернуться к списку | редактировать | удалить | Создать новый | История изменений | Статистика | ? Помощь
Kut mina kond’g’alo putuin'
Kut mina kond’g’alo putuin'
вепсский
Средневепсский восточный
Minä
nor’ murz'aine olin' , ez’mäine kerd elin' meh’uu .
Käuim mö hiinalo , edahaks käuim , Ponda-gärfhe nakkau .
Kohtha tropaine om kahcan virstad , ningitte mecakaz sijä ka .
Mina üks’näin radoin (endo vet’ pimedahasai raduudihe ka ), da kodihe tariš tuuda öks .
Tulin g’o pen’he gärfhesai da i penen gärven proidin' .
Kacauzin' ka tüu poikes tes kondi siižub .
Mina kämn’uu čäigäižin' da kriknin' .
Kondi minuhuin’ kacauz’ , läks’ bokha .
Toižen kerdan möst iče ninga nägin' .
Siloi gö lapsid oli äi minain' .
Särg’gärven telo käuin’ nakkau , kaks’tošküme virstad om mijaupäi nit .
Mö mužikame kahton käuim .
Hän gäb öks , a minä tulon päiväiči .
Ehtkoižuu kodihe läksin' nituupäi , tol’ko telo tulin' , kacauzin' ka kondi ez’uu mindain' astub kodihepäi .
«Nu , tämbäi tovariš om ».
Möst toropimoi da kämnil’ čäigäižin' da kriknin' .
«Nügütte-se minä kuna ?».
Kondi pačakoižes oli , siižutihe , möst gäl’gile kacauz’ da sanub : «Nečiš uradas , mida hänos om söndad , paremb lähtta da los’ tabata ».
Läks’ bokha kondi astmaha , a mina kodihe g’oksin ka kuna g’aug kos’keb , kuna ii .
En teda mida tehta , pajatada vai mida tehta , ii v’uuki putuiž vastha kondi .
Toižuu päiväu möst kö nuuzin’ , sädimoi da astun sinnažo logolo .Nitud da lainhed oma ka , astun ka kuna kos’keb g’aug , kuna ii , noren g’aug vänd’ ka .
Mužikannoks mänin' , hän sanub : «Mida eglai kriknid' ?».
– «Mida kriknin' ?
Mužikäine hüvä olod , akan hot’ kondi s’öb , ed tulo da kacu .Nituad’g’as kond’g’alo putuin' ».
Käuin' potom , lämile sitoile putlin' da lämile magadossijile putlin' , a nähnu enambad en .
Sarikod kaik käuin' kohtha , en varainu nimida .
Kut mina kond’g’alo putuin'
вепсский
Средневепсский восточный
Как я с медведем встретилась
русский
«
«
– «